ءماجىلىس بيۋروسىنىڭ العاشقى وتىرىسى

كەشە پارلامەنت ءماجىلىسىنىڭ توراعاسى ورال مۇحامەد­جا­نوۆ­تىڭ جەتەكشىلىگىمەن جاڭا سەسسياداعى پالاتا بيۋروسىنىڭ العاشقى وتىرىسى ءوتتى. وندا پارلامەنتتىڭ بەسىنشى سەسسيا­سى­نىڭ اشىلۋىنداعى مەملەكەت باسشىسى ن.ءا.نازارباەۆ اي­قىن­داپ بەرگەن مىندەتتەردى جۇزەگە اسىرۋعا قاتىستى ماسەلەلەر تالقىلاندى. بيۋرودا ءماجىلىستىڭ العاشقى جالپى وتىرىسىنىڭ كۇن ءتارتى­بىنە ەنگىزىلەتىن زاڭ جوبالارى تۋ­رالى ءسوز بولدى. پالاتا دەپۋ­تات­تارى ۇكىمەتتەن ماجىلىسكە كەلىپ تۇسكەن جاڭا زاڭ جوبالارى بوي­ىن­شا قورىتىندى ازىرلەۋ ماسە­لە­لەرىن قارايدى. اتاپ ايتقاندا, «2012-2014 جىلدارعا ارنالعان رەسپۋبليكالىق بيۋدجەت تۋرالى» جانە «قازاقستان رەسپۋبليكاسى­نىڭ ۇلتتىق قورىنان 2012-2014 جىلدارعا ارنالعان كەپىلدەندىرىلگەن ترانسفەرت تۋرالى» زاڭ جوبالارى بويىنشا قورىتىندى ازىرلەۋ مىندەتى قارجى جانە بيۋد­جەت كوميتەتىنە جۇكتەلمەكشى. پالاتانىڭ حالىقارالىق ىستەر, قورعانىس جانە قاۋىپسىزدىك كو­ميتەتى دە بىرنەشە جاڭا زاڭ جوباسى دەپۋتاتتاردىڭ نازارىنا ۇسىنىلاتىنىن حابارلادى. زاڭ­نا­ما جانە سوت-قۇقىقتىق رەفورما كوميتەتى «مەملەكەتتىك قۇقىق­تىق ستاتيستيكا جانە ارنايى ەسەپ­كە الۋ تۋرالى» زاڭعا تۇزە­تۋ­لەر ەنگىزۋدى كوزدەيتىن زاڭ جو­با­سىنا قورىتىندى ازىرلەۋ مەرزىمىن بەلگىلەۋ جونىندە, سونىمەن قاتار, «مۇددەلىك قولداۋ قىزمەتى تۋرالى» زاڭ جوباسىمەن جۇ­مىس­تى جالعاستىرۋ ماسەلەلەرىن قا­راۋ­دى ۇسىندى. بيۋرو وتىرىسىندا ءماجىلىستىڭ زاڭ شىعارماشىلىق ىسىنە قاتىس­تى باسقا دا ماسەلەلەر قارالدى. «ەگەمەن-اقپارات».