«سىر – الاشتىڭ اناسى»

ەلباسىمىز وسىنداي باعا بەرگەن قىزىلوردا وڭىرىندە وركەندى وزگەرىس بارشىلىق ەلباسى قىزىلوردا وبلىسىنا جۇمىس ساپارىنىڭ ەكىنشى كۇنىن جاڭادان اشىلعان جابىق تەننيس ورتالىعىمەن تانىسۋدان باستادى. وبلىس اكىمى بولاتبەك قۋاندىقوۆ مەملەكەت باسشىسىنا تەننيس ورتالىعىنىڭ ايماق سپورتىن دا­مى­تۋداعى ماڭىزدىلىعى جايىندا باياندادى. ال قازاقستان تەننيس فەدەراتسياسىنىڭ پرەزيدەنتى بولات وتەمۇراتوۆ مەملەكەت باسشىسىنا حالىقارالىق ستاندارتتارعا سايكەس كەلەتىن قىزىلوردا قالاسىنداعى ءىرى تەننيس ورتالىعىن قۇرۋ تۋرالى, سونداي-اق ەلىمىزدە تەننيس سپورتىن دامىتۋدىڭ كەلەشەگى مەن جاي-كۇيى جايىندا بايانداپ بەردى. قازىرگى ۋاقىتتا پرەزيدەنتتىڭ تاپسىرماسى بويىنشا تەننيس سپورتىن دامىتۋ ستراتەگياسى ىسكە اسىرىلۋدا. سونىڭ ناتيجەسىندە استانا, پاۆلودار, اقتوبە, ءوس­كە­مەن, قىزىلوردا, شىمكەنت قا­لا­لارىندا ءىرى تەننيس ورتالىقتارى پايدالانۋعا بەرىلدى. تەننيس ور­تالىعىن ارالاۋ بارىسىندا پرەزيدەنت جاڭا كورتتىڭ ساپاسىن ءوزى سىناقتان وتكىزىپ, قىزىلوردانىڭ جاس تەننيسشىلەرىنە تەننيس بوي­ىن­شا ماستەر-كلاسس كورسەتتى. – مەن دە ۇلكەن تەننيس وي­ناي­مىن. ءسويتىپ, سالاماتتى ءومىر سال­تىن ۇستانىپ, سپورتپەن شۇعىل­دانۋ قاجەتتىگى جونىندە جاستارعا ءوزىم ۇلگى كورسەتىپ كەلەمىن, – دەدى نۇرسۇلتان نازارباەۆ. ەل بولعان سوڭ, اڭگىمە بولماي تۇرمايدى. ەش نارسەگە كوڭىلى تول­مايتىن كەيبىرەۋلەر «قىزىل­ور­داعا تەننيس ورتالىعىنىڭ نە كەرەگى بار ەدى؟» دەپ ءجۇر. بۇل ەندى قيسىنسىز اڭگىمە. وسىندايدا ەسكە تۇسەدى, چەشەنستان پرەزيدەنتى رامزان قادىروۆ رەسەيلىك ارنا­لار­عا سۇحبات بەردى. سوندا گروز­نىيدان الىپ مۇز ايدىنى سالى­نىپ جاتقانىن ايتقان جۋرناليست «وسىنىڭ چەشەنستانعا نە كەرەگى بار ەدى؟» دەگەن سۇراقتى توتە­سى­نەن قويعان. قادىروۆ وعان بىلاي دەپ جاۋاپ بەردى: «چەشەن بالا­لا­رى قولىنا تاياق الىپ حوككەي وي­ناسا, مۇز ايدىنىندا مىڭ بۇرا­لىپ بيلەسە, ايىپ پا؟ ولار دا باسقا ەلدىڭ بالالارىنداي باقىت­تى عۇمىر كەشۋگە قۇقىلى. سون­دىقتان سۇراعىڭىز اقىلعا سىي­مايدى». تەننيس – الەمدىك ويىن. سول سەبەپتى قىزىلوردالىق ورەن­دەردىڭ دە قولىنا راكەتكا الىپ, تەننيس ورتالىعىنان تابىلعانىن ۇلكەن قۋانىشقا بالاۋعا ءتيىسپىز. ال ءوڭىردىڭ جاستارعا وسىنداي جاعداي جاساۋىنا قول سوققاننان ارتىق نارسە ايتۋدىڭ ءوزى ايىپ. تەننيس ورتالىعىنىڭ قۇرى­لى­سى مەملەكەتتىك جانە جەكە ءارىپ­تەستىك نەگىزىندە ءجۇردى. اتاپ ايتقاندا, ورتالىقتى وبلىس اكىم­دىگى مەن «ساۋتس ويل» كومپا­نيا­سى سالدى. ورتالىقتىڭ جوبالىق قۇنى 410 ميلليون تەڭگەنى قۇ­را­عان. تەننيس ورتالىعىنىڭ 2 كور­پۋسى بار. سونىمەن قاتار, 2 تەننيس كورتى ورنالاسقان. بۇل جەردە رەسپۋبليكالىق جارىستار ءوت­كىزۋ­گە بولادى. وعان قوسا, حالىق­ارالىق تەننيس فەدەراتسياسىنىڭ جاتتىعۋ ۇدەرىستەرىن وتكىزۋ ستان­دارتتارىنا دا ساي كەلەدى. ال نى­سان 80 كورەرمەن ورىنمەن قام­تىلعان. جارىستار كەزىندە ونى 200 ورىنعا دەيىن كوبەيتۋگە ءمۇم­كىندىك قاراستىرىلعان. مۇنان كەيىن ەلباسى عاني مۇراتباەۆ اتىنداعى ورتالىق ستاديونعا باردى. ورتالىق ستا­ديون­عا قىزىلوردا وبلىسىنىڭ عانا ەمەس, تۇتاس ەلدىڭ نامىسىن حالىقارالىق ارەنالاردا قورعاپ جۇرگەن ساڭلاقتار جينالعان ەدى. ولاردىڭ اراسىندا بەيجىڭ وليم­پياداسىنىڭ چەمپيونى يليا يلين دە بار. كۇنى كەشە عانا قا­زاق كۇرەسىنەن «قازاقستان بارى­سى» اتانعان ۇلان رىسقۇل دا وسى قاتاردا. وبلىس شەڭبەرىندە وتە­تىن «التىن بەلبەۋ» جارىسىنىڭ ەكى دۇركىن جەڭىمپازى رۋسلان ابدىرازاقوۆ پەن زىلتەمىرشى, الەم چەمپيوناتىنىڭ قولا جۇلدەگەرى رۇستەم سىبايدى دا بايقادىق. داڭقتى باپكەر ۆيلوري پاكتىڭ دا جۇرگەنىن كوردىك. سپورتشىلار ەلباسىنا الداعى ۋاقىتتا وتەتىن وليمپيا ويىندارىندا جەڭىسكە جەتۋگە بارلىق كۇش-جىگەرىن سالا­تىنىن جانە سپورت سالاسىن دا­مى­تۋعا مەملەكەت تاراپىنان جا­سا­لىپ جاتقان قامقورلىعىنا راحمەتىن ايتتى. پرەزيدەنت ۇلان رىسقۇلدىڭ قولىن قىسىپ, استاناداعى جا­رىس­قا بارا الماعانىن ايتىپ, بالۋاندى جەڭىسىمەن قۇتتىقتادى. «قازاق كۇرەسىنە بۇرىن-سوڭدى مۇنداي قامقورلىق جاسالعان جوق. وكىنىشتىسى, قازاق كۇرەسى ولي­م­پيا­لىق ويىنداردىڭ تۇرىنە ەنبەگەن», دەدى. سونان سوڭ ۇلان رىسقۇلدان كۇرەستىڭ باسقا قاي تۇرىمەن اينالىساتىنىن سۇرادى. بالۋان دزيۋدو كۇرەسىمەن اينا­لى­ساتىنىن, الداعى لوندون ولي­م­پيا­داسىنا دايىندالىپ جاتقا­نىن ايتتى. قىزىلوردادا اسەل سەرىكباي دەگەن شىناشاقتاي قىز بار. ول –شاحماتتان الەم چەمپيونى. ءبۇ­گىندە بۇكىل ەل بىلەتىن جانسايا ءاب­دىمالىكتىڭ ءىزباسارى دەسە بولادى. ەلباسى وسى ءا.سەرىكبايعا ەرەكشە نازار اۋداردى. باسىنان سيپاپ, باقىت تىلەدى. – وسىدان بىرنەشە جىل بۇرىن كەلگەنىمدە مىنا الاڭنىڭ شاڭى شىعىپ جاتاتىن. بۇگىن كورىپ تۇرمىن, جاپ-جاسىل بولىپ جا­تىر. مىنە, ىرگەسىنەن تەننيس ورتا­لىعى سالىنىپتى. قۇپتارلىق باس­تاما. بولاشاقتا مۇز ايدىنى سالىنعالى جاتىر ەكەن. مەملەكەت سپورتشىلارعا بارلىق جاع­دايدى جاساۋدا. بۇل دا تاۋەل­سىزدىكتىڭ بىزگە بەرگەن تارتۋى, – دەدى ەلباسى سپورتشىلارعا. مۇنان وزگە, ەلباسىن ايماق­تاعى بۇقارالىق سپورتتىڭ دامۋى تۋرالى وبلىستىق تۋريزم, دەنە­شى­نىقتىرۋ جانە سپورت باسقار­ما­سىنىڭ باستىعى سادىق مۇس­تا­فاەۆ, وبلىس ورتالىعىنداعى سپورت قالاشىعى تۋرالى قىزىل­وردا قالاسىنىڭ اكىمى مارحابات جايىمبەتوۆ, قالادا سالىنىپ جاتقان مۇز ايدىنى بار سپورت عي­ماراتى جونىندە وبلىستىق قۇ­رىلىس باسقارماسىنىڭ باستىعى باتىرجان قاراكوزوۆ قىسقاشا تانىستىرىپ شىقتى. ورتالىق ستاديوننان كەيىن ەلباسى تەمىر جول ارقىلى وتەتىن جولايرىقتىڭ قۇرىلىس جۇمى­سى­مەن تانىسۋعا باراتىن. ورتالىق الاڭعا جەتكەنىمىزدە ەلباسى مىنگەن كولىك كىلت توقتادى. قاراساق, الاڭ تولى جاس بالالار. پرەزيدەنت كولىكتەن ءتۇسىپ, الاڭعا بەت الدى. الدىن الا جوسپار بوي­ىن­شا مۇنداي ءىس-شارا جوق-تىن. ەس­تەرىڭىزدە بولسا, ەلباسىنىڭ ار­نايى تاپسىرماسىمەن «نۇر وتان» پارتياسى «جاس ۇلان» ۇيى­مىن قۇرعان. ورتالىق الاڭدا جاس ورەندەردى وسى ۇيىمعا قابىلداۋ ءراسىمى ءوتىپ جاتىر ەكەن. «ۇلا­نى­مىز ۇلى ەلدىڭ» اتتى قىزىلوردا وبلىستىق «جاس ۇلان» ۇيىمىنىڭ سالتاناتتى ءراسىمىن كورگەن مەملەكەت باسشىسى ونى سىرت اينا­لىپ وتە الماعان عوي. نۇرسۇلتان ءابىش ۇلى ساپقا تىزىلگەن بالا­لار­دى ارالاپ, ساباقتارىن سۇراپ, وقۋ ۇلگەرىمدەرىن ءبىلىپ, ۇلكەن ساحناعا كوتەرىلدى. – بيىل تاۋەلسىزدىكتىڭ جيىر­ما جىلدىعى. وسى جيىرما جىل­دىڭ ىشىندە جۇزدەگەن جىلدار بويىنا جاسالماعان ىستەر جاسال­دى. مەملەكەتتى قۇردىق, نىعايت­تىق. ونىڭ ىشىندە ءبىلىم سالاسىنا دا ايرىقشا كوڭىل ءبولىپ وتىرمىز. وسى ءبىر عانا قىزىلوردا وبلى­سى­نىڭ وزىندە جۇزدەگەن مەكتەپ ىسكە قوسىلدى. اۋرۋحانالار سالىنىپ جاتىر. اتا-انالارىڭنىڭ جاع­دايى تۇزەلدى. جالاقىلارى ار­تىپ, زەينەتاقىلارى كوبەيدى. قى­زىلوردا ارقىلى ۇلكەن اۆتوكولىك ءدالىزى ءوتىپ جاتىر. تەمىر جولى سىمداي تارتىلىپ تۇر. گاز قۇبى­رى سالىنۋ ۇستىندە. ءبىر كەزدەرى اۋىز سۋ تاپشىلىعى بولاتىن. سۋ 3-ءشى قاباتتان جوعارىعا كوتەرىل­مەي­تىن. ەلەكتر جارىعىنىڭ تاپ­شىلىعى بولدى. بۇگىندە مۇنىڭ ءبارى قالىپقا كەلدى. اۋىل, اۋدان­نىڭ بارلىعى دامۋدىڭ داڭعىل جولىنا ءتۇستى. قالانىڭ دا كوركى كىردى. مىنە, وسىنىڭ ءبارى حالىق­تىڭ جاعدايىن جاقسارتادى. ءسىز­دەر­دىڭ اتا-انالارىڭىزدىڭ جاع­دايى جاقسى بولسا, سەندەردىڭ دە جاعدايلارىڭ جاقسى بولماق. قا­زاقستان بالالارىن دۇنيە جۇزىنە جىبەرىپ, «بولاشاق» باعدارلاما­سى­مەن وقىتىپ جاتىر. جاقىندا قىزىلوردادان پرەزيدەنتتىڭ ين­تەللەكتۋالدىق مەكتەبى اشىلادى. سول ارقىلى تالانتتى بالالار استاناداعى حالىقارالىق «نازارباەۆ ۋنيۆەرسيتەتىنە» تۇسەدى. ءسويتىپ, ول الەمنىڭ ازاماتى بو­لادى. ول جەردەگى ءبىلىم باتىستا بەرىلەتىن بىلىمنەن ەش كەم ەمەس. ەكەۋىنىڭ دەڭگەيى بىردەي. مۇنداي جاعداي ەش ۋاقىتتا ءبىزدىڭ حال­قى­مىزدا بولعان جوق. مۇنىڭ بار­لى­عى تاۋەلسىزدىكتىڭ جانە حا­لىق­تىڭ دوستىعىنىڭ ارقاسىندا بولىپ وتىر. دوستىق سەندەردەن باستالادى. سەنىم دە سەندەردە. مەملەكەت سەندەرگە سەنەدى! جاستار ۇيىمداسۋى كەرەك. وزدەرىنىڭ پاتريوتتىق سەزىمىن شىڭداۋى قاجەت. بولاشاقتا مەملەكەتىمىزدى ارى قاراي الىپ جۇرەتىن, قازاقتى, قازاقستاندى دۇنيە جۇزىنە پاش ەتۋ ءۇشىن نە كەرەك؟ ءبىلىمدى ازامات كەرەك. ءبىلىمدى ادامنىڭ ءومىرى جاق­سى بولادى. ال سەندەردىڭ قا­زىرگى ماقساتتارىڭ – دۇرىس جانە جاقسى ءبىلىم الۋ. «جاس ۇلان» ۇيىمىنا ءوتىپ جاتقاندارىڭا وتە قۋانىشتىمىن. وسى ۇيىم سەندەردى بىلىمدىلىككە, جاقسىلىققا, مەيرىمدىلىككە, قايرىمدىلىققا باۋ­ليتىن بولادى. بارلىعىڭا باقىت تىلەيمىن. جاس قىران! جاس وتان! جاس ۇلان! بارلىقتارىڭ امان بولىڭدار! – دەدى پرەزيدەنت. ەلباسىنىڭ سوزىنەن قانات­تان­عان جاستار ەرەكشە سەزىمدە بول­دى. جانارلارىنان جاسىن اتىپ, جىگەرلەنىپ كەتكەنى جۇزدەرىنەن بايقالىپ تۇردى. سولايشا, وب­لىس­تىق ءبىلىم باسقارماسى ۇيىم­داس­تىرعان شاراعا ەلباسىنىڭ ءوزى قاتىستى. «قىرىقتىڭ ءبىرى قى­دىر» دەيدى قازاق. پرەزيدەنتتىڭ جوسپاردان تىس جاستارمەن ءجۇز­دە­سۋى دە بەكەر ەمەس. ال جاڭىل جون­تاەۆا باستاعان ۇستازدار قاۋى­مى جيىندارىنا قىدىر كەلگەندەي قۋاندى. جالىندى جاستارمەن جۇزدەس­كەن سوڭ ەلباسى تەمىر جول ارقى­لى وتەتىن جولايرىعىنىڭ قۇرى­لى­­سى­مەن تانىستى. جولايى­رىق­تىڭ قىزىلورداعا كەرەك ەكەنى تۋ­رالى كوپ ايتىلدى. نەگە كەرەك دەرسىز؟ بۇل جەردە تەمىر جول وتكەلى بول­عان. تەمىرجول ارقىلى كۇنىنە 40-تان اسا پويىز وتەدى. ول حا­لىق­تىڭ قالانىڭ بەرگى بەتىنە وتۋىنە قيىندىق تۋعىزاتىن. اسىققان ادام­دار تەمىر جولدى كەسىپ وتە­مىن دەپ, تالاي رەت اپاتقا دا ۇشى­راعان. سوندىقتان كوپىردىڭ قا­جەت­تىلىگى كۇن ساناپ ارتىپ كەلە جاتقان ەدى. قازىر قۇرىلىسى قارقىندى ءجۇرىپ جاتىر. تەمىر جول وتكەلىنىڭ سمەتالىق قۇنى – 1 642,0 ميلليون تەڭگە. ونىڭ ىشىندە قۇرىلىس-مونتاج جۇ­مىستارى – 1 356,0 ميلليون تەڭ­گە كولەمىندە. قۇرىلىستىڭ جال­پى ۇزىندىعى – 887 مەتر. كوپىر ار­قىلى كۇنىنە 12562 اۆتوكولىك ءوت­كىزۋگە مۇمكىندىك بار. جولايرىق – اۆتوكولىك قوزعالىسىن رەتتەپ, قاۋىپسىزدىكتى كۇشەيتىپ جانە تەمىر جولداردى پايدالانۋدا قالىپتى جاعدايدىڭ جاسالۋىنا ىقپال ەتە­دى. سونىمەن قاتار, قالا مەن قالاعا ىرگەلەس ەلدى مەكەندەر ۇزدىكسىز اۆتوكولىك بايلانىسىمەن قامتاماسىز ەتىلەدى, قىزىلوردا قالاسى ارقىلى وتەتىن ترانزيتتىك اۆتوكولىكتەرگە قولايلى جاعداي تۋادى. جوبانىڭ قالا ورتالىعى مەن شەت ايماعى ارالىعىنداعى جۇك جانە جولاۋشىلار تاسىما­لىن قامتاماسىز ەتۋ جاعىنان دا ماڭىزى وتە زور ەكەنى ايتپاسا دا تۇسىنىكتى. مەملەكەت باسشىسى قىزىل­ور­دا وبلىسىنداعى جۇمىس ساپارى­نىڭ سوڭىندا سىرداريا وزەنىنىڭ بويىندا سالىنعان مادەني-ويىن ساۋىق كەشەنىنە باردى. جاعا­جاي­دىڭ اينالاسىنان جايلاۋ سەكىلدى جايماشۋاق جىلى لەپ ەسەدى. كىرەبەرىسكە بالالاردىڭ ويىن الا­ڭى سالىنعان ەكەن. بۇلدىرشىندەر اسىر سالىپ ويناپ ءجۇر. ەلباسىن كورىپ, تانىپ, ءبىر-بىرىنە سىبىر­لا­سىپ جاتىر. ال كاتاماراندار قاز­دىڭ بالاسىنداي بولىپ ءتىزىلىپ ءجۇ­زىپ ءجۇر. دەمالۋعا كەلگەن قالا تۇرعىندارى ەكەنى بىردەن بىلىنەدى. بۇدان بولەك جاعالاۋدا جاعاجاي ۆولەيبولىنان قىزۋ جارىس ءوتىپ جاتقانىن كوردىك. الا دوپتى اياماي سوققان قارسىلاستار ءبىر-ءبىرى­نە ەسە جىبەرمەۋگە بارىنشا تى­رى­سۋدا. ونىڭ ارعى جاعىندا وت­باسىارالىق جارىستاردىڭ ءوتىپ جاتقانىنان قۇلاعدار بولدىق. جال­پى, قالالىق جاعاجايدىڭ اۋما­عى – 16,0 گەكتاردى قۇرايدى. كۇردەلى جوندەۋ جۇمىستارىنا جۇمسالعان قارجى – 2 ميلليارد تەڭگە. 2009 جىلدىڭ 1 ماۋسى­مىن­دا پايدالانۋعا بەرىلگەن. مەردىگەر مەكەمە – «مەليوراتور» جشس. جاعاجاي تۇرعىندارعا جاز­عى دەمالىس ورنى مەن جابىق كەشەندى ءدامحانا جانە ءتۇرلى ويىن-ساۋىقتار ارقىلى قىزمەت كور­سەتەدى. كەشەندى ارالاۋ بارىسىندا مەملەكەت باسشىسى ۇدەمەلى ين­دۋس­تريالىق-يننوۆاتسيالىق دامۋ باعدارلاماسى اياسىندا ىسكە اسى­رى­لىپ جاتقان وبلىستاعى ينۆەس­تي­تسيالىق جوبالاردىڭ كورمەسى­مەن تانىستى. وبلىستا بارلىعى جالپى قۇنى 267,5 ملرد. تەڭگەنى قۇرايتىن 138 جوبا ىسكە اسى­رى­لۋ­دا, وسى رەتتە 9707 جاڭا جۇمىس ور­نىن اشۋ جوسپارلانعان. 2010 جىلى سوماسى 33 ملرد. تەڭگە بولاتىن 27 جوبا ىسكە اسىرىلدى, 938 جۇمىس ورنى اشىلدى. ين­دۋس­تريالىق كارتا اياسىنداعىسى – 11 جوبا. 2011 جىلى سوماسى 56,5 ملرد. تەڭگەنى قۇرايتىن 33 جوبا­نى جۇزەگە اسىرۋ جوسپارلانۋدا. جاڭا جۇمىس ورىندارىنىڭ سانى – 1129. جۇزەگە اسىرىلىپ جات­قان جوبانىڭ 9-ى يندۋستريالىق كارتا اياسىندا قولعا الىنعان. جىل باسىنان بەرى 11 جوبا (ونىڭ 4-ەۋى يندۋستريالىق كارتا اياسىندا) جۇزەگە اسىرىلدى. 2013 جىلعا دەيىن جالپى قۇنى 178 ملرد. تەڭ­گەنى قۇرايتىن 78 جوبانى ىسكە اسى­رۋ جوسپارلانۋدا, وسى رەتتە جاڭادان اشى­لاتىن جۇمىس ورنى­نىڭ سانى – 7640. كورمە ورنالاسقان شاتىرلار­دا سونداي-اق ۇدەمەلى يندۋس­تريا­لىق-يننوۆا­تسيا­­لىق دامۋ باعدار­لاماسى ايا­سىن­دا ىسكە اسى­رى­لىپ جاتقان ين­ۆەستي­تسيالىق جو­­بالاردىڭ, قى­زىل­وردا قالا­سىن­­داعى «استانا» شاعىن اۋدا­نىنىڭ دامۋ ماكەتتەرى مەن «تۇر­عىن ءۇي-كوممۋنالدىق شارۋاشى­لى­عىن دامىتۋ مەن جاڭ­عىرتۋ» باع­دارلاماسى, «تۇرعىن ءۇي قۇ­رى­لىسىن دامىتۋ» باعدار­لا­ماسى, «باتىس ەۋروپا – باتىس قىتاي» جوباسى, ءبىلىم سالاسىن­داعى جەتىستىكتەر, مەملەكەتتىك قىز­مەت­شىلەر روتاتسياسىنا ار­نال­عان ستەندىلەر ورنالاسىپتى. ولار­مەن ەلباسىن وبلىس اكىمى ب.قۋان­­دىقوۆ ەگجەي-تەگجەيلى تا­نىس­تى­رىپ ءوتتى. ونان سوڭ پرەزيدەنت مەملەكەتتىك قىزمەت­شىلەر روتا­تسي­ياسى ارقىلى استانادان اي­ماق­قا, وبلىستان اۋىلعا قىز­مەتكە اۋىسقان مەملەكەتتىك قىز­مەت­كەر­لەر­مەن سۇح­باتتاستى. كۇن ك ۇلىپ تۇر. سىردىڭ بەتىن تولقىتىپ سامال جەل سو­عادى. ازان-قازان ويناپ جاتقان بالا. ۆولەيبولدىڭ قىزىعىنا كىرگەن جىگىتتەر. وتباسى نامى­سىن قول­دان بەرمەۋگە تىرىسقان وتاعاسى. كاتاماراندا قامسىز قىدىرعان حالىق. وسى ءبىر ادەمى كورىنىستىڭ كۋاسى بولعان ەلباسى سىردىڭ بوي­ىندا سەرۋەندەپ ءجۇردى. ءجۇزى­نەن جىلى جىميىس بايقالادى. ءبىز ونىڭ استارىندا ۇلكەن ريزا­شى­لىق جاتىر دەپ ۇعىندىق. ءويت­كەنى, ەلى بەرەكەلى دە مەرەكەلى عۇمىر كەشىپ جاتىر. سولاي بولۋى زاڭدى. ەلبا­سىمىز بۇل ءوڭىردى «سىر – الاش­تىڭ اناسى» دەپ باعالاعانىن ءبارىمىز بىلەمىز عوي. ەرجان بايتىلەس. قىزىلوردا وبلىسى. ----------------------------------------- سۋرەتتى تۇسىرگەندەر س.بوندارەنكو, ب.وتارباەۆ.