ورالدا جاڭا گازەت جارىق كوردى

ورال قالاسىندا «ءدۇربى» اتتى ايماقتىق قوعامدىق-تانىمدىق تاۋەلسىز گازەتتىڭ العاشقى سانى جارىق كوردى, دەپ حابارلايدى قازاقپارات. باتىس قازاقستان, اقتوبە, اتىراۋ جانە ماڭعىستاۋ وبلىستارىنا تارايتىن باسىلىمنىڭ مەنشىك يەسى – «ارۋانا-جايىق» قوعامدىق قورىنىڭ ديرەكتورى, گازەتتىڭ باس رەداكتورى ۇلداي ساريەۆا. ونىڭ ايتۋىنشا, مۇنداعى باستى ماقسات – ءدىن ماسەلەلەرىن جان-جاقتى كوتەرۋ. سونىمەن قاتار الەۋمەتتىك تۇيتكىلدەر, تاريح, ۇلتتىق قۇندىلىق, ۇرپاق تاربيەسى, سالت-ءداستۇر, ءتىل مەن ءدىل, تىلسىم, جاراتىلىس, ادەبيەت جانە باسقا تاقىرىپتاردا سىني جانە تالداۋ ماقالالارعا دەيىن باسىلادى. سونىمەن قاتار, «ارۋانا-جايىق» قوعامدىق قورى ءتۇرلى مۇقتاج جاندار مەن جەتىمدەرگە قولۇشىن سوزۋ, دەسترۋكتيۆتىك ءدىني اعىمداردان زارداپ شەككەندەرگە كەڭەس بەرىپ, رۋحاني جانە ماتەريالدىق جاعىنان قولداۋ كورسەتۋ, قىز-كەلىنشەكتەر ءۇشىن جۇمىس كوزىن اشۋ جانە باسقا باعىتتاردا جۇمىس ىستەيدى.