ەكسپو كەزىندە ۋنيۆەرسيتەت جاتاقxانالارى جالعا بەرىلەدى

ەكسپو كورمەسىن ۇيىمداستىرۋ جانە وتكىزۋ جونىندەگى قوعامدىق كەڭەستىڭ توراعاسى, ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆتىڭ ايتۋىنشا, الدىمەن استاناداعى جاتاقxانالاردىڭ جاعدايىنا باعالاۋ جۇمىستارى جۇرگىزىلەدى. سونىڭ نەگىزىندە كورمە كەزىندە جالعا بەرىلەتىن جاتاxقانالار انىقتالادى, دەپ xابارلايدى قازاقپارات. “قالاداعى باستى پروبلەما – جاتاتىن ورىنداردىڭ تاپشىلىعى. قوناق ۇيلەر جەتىسپەيدى. سوندىقتان جوعارى وقۋ ورىندارى جازدى كۇنى وزدەرىنىڭ جاتاقxانالارىن بوساتىپ بەرۋگە ءازىر. ويتكەنى بۇل ۇلتتىق جوبا عوي. سوندىقتان وعان ءبارىمىز اتسالىسۋىمىز قاجەت. كەلەم دەيتىن ادامداردىڭ بارلىعى جاقسى پىكىرمەن, جاقسى كوزقاراسپەن قايتۋى قاجەت. ول ءۇشىن جاتار ورنى مەن وندا اتقارىلاتىن قىزمەت جوعارى دەڭگەيدە بولۋى شارت”, – دەدى ە.سىدىقوۆ كەڭەستىڭ بۇگىنگى وتىرىسىندا. رەكتوردىڭ ايتۋىنشا, “استانا كونۆەنشن” مەن “استانا ەكسپو” كومپانيالارى جاتاقxانالاردى ءتيىستى تالاپتار بويىنشا تاڭدايدى. ء“بىز سول تالاپتىڭ تۇرعىسىنان شىعاتىن بولساق, جاتاقxانانى قابىلداپ الادى. ارينە, ونىڭ بارلىعى تەگىن بولمايدى. اركىم ءوز اقىسىن تولەيدى. بىراق ول قىمبات بولمايدى. قوناق ۇيلەرمەن سالىستىرعاندا, وتە ارزان بولادى”, – دەپ اتاپ كورسەتتى ۋنيۆەرسيتەت رەكتورى.