نازار اۋدارىڭىز: كونكۋرس

حاباردار بولىڭىزدار, قاتىسىڭىزدار جامبىل وبلىسىنىڭ اكىمدىگى ءوڭىردىڭ الەۋمەتتىك-ەكونوميكالىق تىنىس-تىرشىلىگىن كورسەتۋ بويىنشا بۇقارالىق اقپارات قۇرالدارى اراسىندا شىعارماشىلىق كونكۋرس وتكىزەدى كونكۋرس 16 جەلتوقسان – قازاقستان رەسپۋبليكا­سىنىڭ تاۋەلسىزدىگى كۇنىنە وراي جىل سايىن ۇيىم­داستىرىلادى. كونكۋرستىڭ ماقساتى جۋرناليستەردىڭ (باق-تىڭ ۇجىمى) جامبىل وبلىسىنىڭ ماڭىزدى الەۋمەتتىك-ەكونوميكالىق دامۋى مەن ايماقتا ىسكە اسىرىلىپ وتىرعان مەملەكەتتىك ساياساتتىڭ جۇزەگە اسىرىلۋ بارىسىنا نازارىن اۋدارۋ, سونىمەن قاتار, جەرگىلىكتى اتقارۋشى ورگاندار قىزمەتىنە اقپاراتتىق قولداۋ كورسەتۋ بولىپ تابىلادى. كونكۋرسقا وبلىستىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرى مەن جەتىستىكتەرىن ناسيحاتتايتىن جاريالانىمدار, تەلەسيۋجەتتەر, راديوحابارلامالار, ينتەرۆيۋ, رەپورتاجدار, وچەركتەر قابىلدانادى. كونكۋرسقا جۋرناليستەر, تاۋەلسىز اۆتورلار مەن اي­ماق­تىق باق رەداكتسيالارىنىڭ ۇجىمى قاتىسا الادى. كونكۋرسقا جالپى باسشىلىق جۇرگىزۋدى وبلىس اكىمى بەكىتكەن وبلىس اكىمى ورىنباسارىنىڭ توراعا­لى­عىمەن, كونكۋرسقا قاتىسۋشىلاردىڭ ماتەريالدا­رىن ىرىكتەۋ جانە وبلىس اكىمىنە ۇمىتكەرلەردى انىق­تاۋدى كونكۋرستىق كوميسسيا جۇزەگە اسىرادى (ارى قاراي – كوميسسيا). كونكۋرس كەلەسى نوميناتسيالار بويىنشا وتكىزىلەدى: – «ۇزدىك پۋبليتسيستيكالىق ماتەريال» – «ۇزدىك تالدامالىق ماتەريال» – «ۇزدىك وچەرك» – «ۇزدىك اقپاراتتىق حابارلاما» – «ۇزدىك تەلە-راديو رەپورتاج» – «ۇزدىك باسىلىم جانە تەلەكومپانيا» – «ۇزدىك فوتو» كونكۋرسقا قاتىسۋعا جىبەرىلگەن ماتەريالدارعا قويىلاتىن تالاپتار: 1) كونكۋرستىڭ ءوتۋ مەزگىلىمەن ساي تەلەەفير مەن راديوەفيردى جىلدىڭ اقپانىنان قاراشاسىنا دەيىن جاريالاۋ نەمەسە ورنالاستىرۋ; 2) مەرزىمدى باسىلىمدار – گازەت (جۋرنال) تۇپنۇسقالارى تۇرىندە; 3) اقپاراتتىق اگەنتتىكتەر – ماتەريالدىڭ شىعۋ مەرزىمىن كورسەتە وتىرىپ, قاعاز تۇرىندە; 4) بەينە – مەكەن-جايى مەن اۆتور تۋرالى ءما­لىمەت كورسەتىلگەن CD, DVD ساندىق تاسىمال­داۋ­ىش­تارىندا, ءپىشىنى AVI, MPEG4. ەفيرلىك انىقتاما مەن رەداكتسيانىڭ جولداما حاتى بولۋى كەرەك; 5) راديو – مەكەن-جايى مەن اۆتور تۋرالى ءما­لى­مەت كورسەتىلگەن CD, DVD ساندىق تاسىمال­داۋ­ىشتارىندا, ءپىشىنى Mر3. ەفيرلىك انىقتاما مەن رەداكتسيانىڭ جولداما حاتى قوسىمشا تىركەلۋى ءتيىس; 6) فوتو – ءتۇرلى-ءتۇسسىز, ءتۇرلى-ءتۇستى نەگاتيۆ پەن سلايد­تار, ۇزىندىعى 18 سم., جوعارى, ەنى 45 سم.-دەن تومەن ءتۇرلى-ءتۇسسىز, ءتۇرلى-ءتۇستى فوتوسۋرەتتەر ءتۇرىن­دە. فوتوسۋرەتتىڭ ارعى بەتىندە ونىڭ قاي جەردە, قاي كەزدە تۇسىرىلگەنى جانە اۆتور تۋرالى مالىمەت كور­سەتىلۋى ءتيىس. كونكۋرسقا قۇجاتتاردى 2011 جىلدىڭ 30 قارا­شاسىنا دەيىن وبلىس اكىمدىگى ىشكى ساياسات باسقار­ماسىندا مىنا مەكەن-جايدا قابىلدايدى. تاراز قا­لاسى, «دوستىق» الاڭى, 1, يندەكس:080000, انىقتاما تەلەفوندارى:45-55-73, 43-71-72, ەلەكتروندىق پوشتا: uvp_taraz@mail.ru. كونكۋرستىڭ قورىتىندىسى وبلىس اكىمدىگى وتىرىسىنىڭ حاتتاماسى ۇلگىسىندە دايىندالادى جانە ونى ۇستىمىزدەگى جىلدىڭ 16 جەلتوقسانىنا دەيىن جاريالايدى. نوميناتسيالار بويىنشا جەڭىمپاز اتانعان جۋرناليستەرگە, تاۋەلسىز اۆتورلارعا جانە شىعارماشىل ۇجىمدار مەن باق وكىلدەرىنە ەستەلىك ديپلومدار, سالىق بويىنشا سايكەس مىندەتتى تولەم­دەرى ورىندالاتىن اقشالاي جانە زاتتاي سىيلىقتار تاپسىرىلادى. كونكۋرستىڭ جاريالانۋى تۋرالى اقپارات پەن ون­ىڭ قورىتىندىسى جامبىل وبلىسى اكىمىنىڭ ساي­تىندا (www.zhambyl.kz) ورنالاستىرىلادى, سونى­­مەن قا­تار, جەرگىلىكتى ءباسپاسوز بەتتەرىندە جاريالانادى.