العاشقى قوڭىراۋ سىڭعىرى

كەشە پرەزيدەنت نۇر­سۇل­تان نازارباەۆ استاناداعى «نۇر وردا» قازاق-تۇرىك ليتسەيىندە بولىپ, ءبىلىم كۇنىنە ارنالعان العاشقى قوڭىراۋ سالتاناتىنا قاتىستى. وسى جەردە ەلباسى وقۋشىلار مەن وقى­تۋ­شىلار قۇرامىن ءبىلىم كۇنىمەن قۇتتىقتاپ, ءسوز سويلەدى. قۇرمەتتى جاستار, وقىتۋشى­لار, – دەپ باستادى ءسوزىن ن.نازارباەۆ, سىزدەردى بۇگىنگى مە­رەكەمەن شىن جۇرەكتەن قۇتتىق­تاي­مىن. بي­ىلعى مەرەكە ەل تاۋەل­سىز­دىگىنىڭ 20 جىلدى­عى­مەن تۇسپا-تۇس كەلىپ وتىر. سىزدەر ارقىلى ەلى­مىز­دىڭ بارلىق ۇستازدارى مەن وقۋ­شىلارىن دا قۇتتىقتاي وتى­رىپ, جاقسى ۇلگەرىممەن ساباق وقىپ, بولاشاقتا قازاقستاننىڭ ناعىز وتان­سۇي­گىش, ءبىلىمدى دە بىلىكتى ازاماتى بولۋلارىڭا تىلەكتەسپىن! سالتاناتتا ەلباسى ودان ءارى قازىرگى كەزدە ەلىمىزدە 7 400 مەك­تەپ­تىڭ بار ەكەنىن, وندا 2,5 ملن. وقۋشىنىڭ ءبىلىم نارىمەن سۋسىن­داپ ءجۇر­گەنىن, ولارعا 340 000 مۇعالىم ساباق بەرەتىنىن ايتىپ, بيىل 10 مەكتەپتىڭ پايدالانۋعا بە­رىلگەنىن, جىل سوڭىنا دەيىن تاعى 80 مەك­تەپ­تىڭ اشىلاتىنىن جاريا ەتتى. كەلەسى كەزەكتە پرەزيدەنت ەلىمىزدەگى مەكتەپتەردىڭ ءىشىن­دە ءوزى العاشقى قوڭىراۋ سال­تا­ناتىنا قاتىسىپ وتىر­عان «نۇر وردا» قازاق-تۇرىك ليتسەيىنىڭ ءبىلىم بەرۋ جۇيەسىنە توقتالدى. ليتسەي اشىل­عان 2007 جىلدان بەرى وقۋ ورداسىنىڭ ءبىلىم بەرۋ ساپاسى جىل سايىن جاڭارىپ كەلە جات­قا­نىن,  قازىرگى كۇنى ماتەماتيكا, فيزيكا, حيميا, تۇرىك جانە اعىلشىن تىلدەرى تەرەڭدەتىلىپ وقىلاتىنىن, كوپ ءتىل بىلگەن ادامنىڭ كوپ ءنار­سە­دەن ۇتاتىنىن, بولاشاقتا تەك ءبىلىمدى ادام عانا باسەكەگە قا­بى­لەت­تى بولاتىنىن جەتكىزدى. سالتاناتتا سويلەگەن سوڭ, ەلباسى 6-سى­نىپتاعى تاريح ساباعىنا جانە 5-سىنىپتاعى ەل تاۋەلسىزدىگىنىڭ 20 جىلدىعىنا ارنالعان اشىق سا­باققا قاتىستى. جالپى, «نۇر وردا» ليتسەيىندە وقۋ ءۇردىسى مەملەكەتتىك جالپى مىندەتتى جانە حالىق­ارا­لىق تا­لاپ­قا ساي جۇرگىزىلەدى. ليتسەيدە 1-2-سىنىپتاردا لوگيكا, شاحمات, ماتەماتيكا, 3-سىنىپتان باستاپ ينفورماتيكا, 5-سىنىپتان تۇرىك جانە 9-سىنىپتان قىتاي ءتىلى وقى­تىلسا, 8-سىنىپتان جاراتىلىستا­نۋ-ماتەماتيكا باعى­تى بويىنشا پاندەر اعىلشىن تىلىندە تەرەڭ­دە­تى­لە وقىتىلادى. سونداي-اق «ءوزىڭ­دى-ءوزىڭ تانۋ» ءپانىن وقىتۋعا ەرەكشە نازار اۋدارىلادى. وقۋشىلاردىڭ ساباقتان تىس بوس ۋاقىت­تارىن ءتيىمدى وتكىزۋلەرى ءۇشىن فۋتبول, باسكەتبول, ۆولەيبول, توعىزقۇمالاق, تاەكۆوندو, بي, حور, قولونەر, دومبىرا, ولكە­تا­نۋ, كتك ۇيىرمە­لەرى مەن سەك­تسيا­لارى ۇيىمداستى­رىل­عان. بىل­تىرعى وقۋ جىلىندا ليتسەيدە 772 وقۋشى ءبىلىم الىپتى. ليتسەي اشىل­عاننان بەرى وقۋشىلار 88 حالىقارالىق, رەسپۋبليكالىق, قا­لا­لىق عىلىمي جوبالارعا قاتىس­سا, ءتۇرلى وليمپيادالاردان دا ءجۇل­دەلى ورىندارمەن ورالعان. داستان كەنجالين.