دوستاستىق ەلدەرىندەگى بىرەگەي مەكتەپ

جاڭا وقۋ جىلىنىڭ باس­تا­لۋىنان ءبىر كۇن بۇرىن ەل­باسى نۇرسۇلتان نازارباەۆ «Haileybury Astana» حالىق­ارا­­لىق مەكتەبىنە بارىپ, ارا­لاپ كوردى. بريتانيانىڭ 200 جىلدىق تاريحى بار ەڭ ايگىلى دەربەس وقۋ ورىن­دا­رى­نىڭ ءبىرى بولىپ تابىلاتىن اتالمىش مەكتەپتىڭ العاش­قى­سى وسىدان ءۇش جىل بۇرىن الماتىدا ىرگە كوتەرگەن بولسا, ەندى مىنەكي, استانادا ەسىگىن ايقارا اشىپ وتىر. 2009 جىلى قۇرىلىسى باس­تال­عان «Haileybury Astana» مەكتەبى پرەزيدەنتتىك ساياباق اۋدا­نىندا ورنالاسقان. مەكتەپتىڭ جالپى اۋ­ما­عى 13 گەكتار, وقۋ عي­ماراتتارى 21 مىڭ شارشى مەتر­دى الىپ جا­تىر. 53 سىنىپ, 6 زەرتحانا, 3 دى­بىس جازۋ ستۋ­ديا­سى, 1 شەبەرحانا, 10 مۋزىكالىق سىنىپ, 1 سپورتزال, 2 باسسەين, 600 ورىندىق اسحانا, 4 تەننيس كورتى, 1 فۋتبول الاڭى, 780 ورىن­دىق تەاتر, بي ستۋدياسى بار مەكتەپتە 640 وقۋشى وقيتىن بو­لا­دى. سونىڭ ىشىندە 160-ى باس­تاۋىش مەكتەپكە بارسا, 160 وقۋ­شى ورتا بۋىندا جانە 320-سى جو­­عارى سىنىپتاردا ءبىلىم الا­دى. سا­باقتار اپتاسىنا بەس كۇن, تاڭ­ەر­تەڭنەن كەشكە دەيىن جال­عا­سادى. بيىلعى وقۋ جى­لىنىڭ ال­عاشقى كەزەگىندە 1 سىنىپتان 6 سىنىپقا دەيىنگى 220 جەتكىنشەك وقۋعا قا­بىل­دانىپتى. وقۋشى­لار­عا 61 مۇ­عالىم ساباق بەرسە, ولار­دىڭ 27-ءسى شەت­ەلدەن شاقىر­تىلىپ, قالعان 34-ءى ءوزىمىزدىڭ وتان­دىق ۇستازدار ەكەن. مەكتەپ باسشىلارىنىڭ سوزدە­رىنە سۇيەنسەك, جالپى قۇرىلىسقا 46 ملن. اقش دوللارى جۇمسالسا, بۇل قاراجاتتى «قازاقستان رەس­پۋب­ليكاسى تۇڭعىش پرەزيدەنتى­نىڭ قورى» قوعامدىق قورى مەن ەلى­مىزدىڭ بىرقاتار جەتەكشى كاسىپ­كەر­لەرى كوتەرىپ الىپتى. ال مەك­تەپتىڭ وقۋ باعدارلامالارىنا كەلەر بولساق, وقۋ جوسپارى ۇلى­بري­تانيانىڭ وقۋ جوس­پا­رى ستان­دارتىنا نەگىزدەلگەن ەكەن. بىراق مەكتەپتىڭ قازاق­ستان­دا ورنالاس­قا­نى ەسكەرىلە وتى­رىپ, اكادە­ميا­لىق باعدار­لا­ما قازاقستان رەس­پۋبلي­كا­سى­نىڭ مەملەكەتتىك جال­پى­عا ءمىن­دەتتى ءبىلىم بەرۋ ستان­دارت­تا­رىنا مۇمكىندىگىنشە ءساي­كەس­­تەن­دىرىلگەن. جوعارى سىنىپ­تار­دان باستاپ وقىتۋ حالىق­ارا­لىق باكالاۆر ديپلومىنا يە بولۋ ءۇشىن اككرەديتتەلگەن باعدارلاما بويىنشا جۇرگىزىلەدى. مەكتەپ عيماراتىمەن تانىسۋ بارىسىندا ەلباسى نۇرسۇلتان نا­زارباەۆ مەكتەپتىڭ وقىتۋ باع­دارلاماسىنداعى كەيبىر ەرەكشەلىكتەرگە توقتالدى. «قازاقستاندا ءبىز ءۇش ءتىلدى دامىتامىز دەپ وتىر­مىز. ءبىرىنشى ورىندا, ەڭ باستىسى – قازاق ءتىلى. ول – مەملەكەتتىك ءتىل. سوسىن اعىلشىن, ورىس تىلدەرىن وقىتامىز. بۇل بارلىعىنا ءتۇسى­نىكتى بولۋ كەرەك. مەن ءوزىم ءبىزدىڭ ەلدە وسىنداي مەكتەپتەر بولۋى ءۇشىن ءبارىن جاسادىم. الماتى­دا­عى مەكتەپ تە, وسى مەكتەپ تە قازاقستان اۋماعىندا ورنالاسقان. سوندىقتان, ءاربىر بالا ءبىزدىڭ حال­قىمىزدىڭ تاريحىن, ادەبيەتىن, مادەنيەتىن ءبىلىپ شىعۋى ءتيىس», – دەدى ەلباسى. ءبىلىم ورداسىن ارالاپ شىق­قان­نان كەيىن ەلباسى وسىندا ءبىلىم الاتىن وقۋشىلاردىڭ اتا-انا­لارىمەن دە كەزدەسىپ, «Hailey­bu­ry» مەكتەبى تۋرالى پىكىرىن ور­تاعا سالدى. تمد اۋماعىندا نەبارى ەكى-اق «Haileybury» مەكتەبى بار ەكەنىن جانە ەكەۋى دە قازاق ەلىندە ەكەندىگىن تىلگە تيەك ەتتى. «Haileybury Astana» مەكتە­بى­نىڭ بولاشاقتاعى وقۋ ۇردىستەرى جاي­لى بىلمەك ويمەن مەكتەپ دي­رەكتورى ەندريۋ وستەردى سوزگە تارت­قان ەدىك. ونىڭ ايتۋىنشا, ءبىلىم بەرۋ جۇيەسىندە ەڭ باستى قۇرال – مۇعالىمنىڭ بىلىكتىلىگى. «ۇس­تاز مىقتى بولسا, شاكىرت تە ءبىلىمدى بولادى. سول ءۇشىن دە مەكتەپكە ءبىلىمدى ءارى بىلىكتى ۇستاز­دار­دى جۇمىسقا الۋدى قاتتى قادا­عا­لاپ وتىرمىز. ساباقتار اعىلشىن تىلىندە جۇرگىزىلگەنىمەن, قازاق جانە ورىس تىلدەرىنە دە باسىم­دىق­تار بەرەتىن بولامىز», – دەدى ول. قىتايدىڭ «ءبىر جىلدىق جوسپار قۇرعان – كۇرىش ەگەر, ون جىلدىق جوسپار قۇرعان – اعاش وتىرعىزار, ومىرلىك جوسپار قۇرعان – ۇرپاعىن بىلىممەن سۋسىنداتار», دەگەن ماتەلى بار. ەلدىكتىڭ ەرتەڭىن ءور تۇلعالى, ءبىلىمدى, ماقساتكەر جاستاردىڭ بويىنان كورۋگە اسىققان كيەلى قازاق ەلى دە ءدال وسى ماتەلدەگى ايتقان تەرەڭ ويمەن ءوز ورەن­دە­رىن جان-جاقتى وقىتىپ, ولار­دىڭ ءبىلىم الۋ جولىندا قار­جى­نى دا, قايراتتى دا ەش اياماق ەمەس. ويتكەنى, ءبىز ەلدىك جولىندا جاستاردىڭ جىگەرى­نە نىق سەنگەن حالىقپىز. اراي ۇيرەنىشبەكقىزى.