انكارادا قاستاندىق جاسالعان رەسەي ەلشىسى اندرەي كارلوۆ قايتىس بولدى. اقپاراتتى رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا راستادى. بۇل جونىندە رەسەيدىڭ lenta.ru ينتەرنەت-باسىلىم حابارلايدى.
زاحاروۆانىڭ ايتۋىنشا, ماسكەۋ اتالعان وقيعانى تەررورلىق اكت دەپ باعالايدى. «رەسەي فەدەراتسياسى ەلشىسىنىڭ تۇركيادا ءولتىرىلۋى بۇۇ قاۋىپسىزدىك كەڭەسى مۇشەلەرىنىڭ الدىنا قويىلاتىن بولادى» دەدى ول. سونىمەن قاتار ول تۇركيانىڭ رەسەيلىك ديپلوماتقا قاستاندىق ۇيىمداستىرۋشىلاردى جازالاۋعا ۋادە بەرگەنىن ايتتى.
بۇگىن انكارادا زامانۋي ونەر گالەرەياسىندا «رەسەي تۇرىكتەردىڭ كوزىمەن» اتتى فوتوكورمەگە قاتىسىپ, ءسوز سويلەپ جاتقان رەسەي ەلشىسى اندرەي كارلوۆقا وق اتىلعان بولاتىن. ارتىنشا, قاستاندىق جاساعان ادامدى تۇرىك پوليتسەيلەرى اتىپ ولتىرگەنى حابارلاندى.
Lenta.ru حابارى بويىنشا, 62 جاستاعى كارلوۆ رەسەيدىڭ تۇركياداعى توتەنشە جانە وكىلەتتى ەلشىسى بولىپ 2013 جىلى تاعايىندالعان.
فوتو ار
