جۇما كۇنى مۇناي باعاسى نارىقتى "پليۋسپەن" جاپتى. بۇل ءوز كەزەگىندە مۇناي ەكسپورتتاۋشى ەلدەردىڭ 10 جەلتوقسانداعى كەلىسىمنىڭ شارتتارىن ورىنداۋعا دايىن ەكەندىگىن بىلدىرەدى.
وتكەن اپتا سوڭى لوندون قور بيرجاسىنداعى مۇناي باعاسى 1,19 دوللارعا قىمباتتاپ, باررەلىنە برەنت مۇنايى 55,21 دوللارعا جەتتى.
ال جالپى اپتا ىشىندەگى كورسەتكىش بويىنشا باعا 88 تسەنتكە كوتەرىلگەن.
ال اقش پەن ليۆياداعى جاعداي, ياعني ونداعى ءوندىرىستىڭ كوبەيۋى مۇناي باعاسىن تومەن تارتىپ تۇر.
الداعى اپتادا مۇناي باعاسىنا اسەر ەتەدى دەگەن بىرقاتار فاكتور بار.
20 جەلتوقساندا امەريكاندىق مۇناي ينستيتۋتى اقش مۇناي قورى بويىنشا اپتالىق ەسەبىن جاريالايدى.
21 جەلتوقساندا اقش ەنەرگەتيكالىق باسقارماسى مۇناي مەن جانارماي قورى تۋرالى اپتالىق مالىمەتتى ۇسىنادى.
23 جەلتوقساندا Baker Hughes اقش-تاعى بۇرعىلاۋ قوندىرعىلارىنىڭ سانىن جاريالايدى.
جالپى, وپەك+ (ۇيىمعا كىرەتىن جانە كىرمەيتىن ەلدەر) كەلىسىمىن ورىنداۋعا رەسەي مەن كۋۆەيت دايىن ەكەندىكتەرىن ءبىرىنشى بولىپ ءبىلدىردى.
