قوستانايدا ءماۋلىت-ءشاريف مەرەكەسى ءوتتى

قوستاناي قالالىق مەشىتىندە مۇحاممەد مۇستافا پايعامبارىمىزعا ارنالعان ءماۋلىت-ءشاريف مەرەكەسى ءوتتى.  پايعامبارعا سالاۋات پەن سالەمدى اراب جانە قازاق تىلدەرىندە مەشىت يمامى مەن شاكىرتتەر ورىندادى.  مەرەكەدە بەلگىلى اقىن, جۋرناليست-پۋبليتسيست اقىلبەك شاياحمەت جينالعان جاماعاتتى پايعامبارىمىزدىڭ (س.ع.س) تۋعان ءايى—ماۋلىت مەرەكەسىمەن قۇتتىقتاپ, جىلى لەبىزىن ءبىلدىردى, جىر شۋماقتارىن ارنادى. مۇنان كەيىن قوستاناي قالالىق مەشىتىنىڭ نايب-يمامى دۇيسەن دايىر پايعامبارىمىزدىڭ (س.ع.س) ونەگەلى ءومىرى مەن تاعىلىمدى تاعدىرىنان عيبراتتى ناسيحات ايتتى. قوستاناي وبلىسى بويىنشا ۇيىمداستىرىلعان  قوستاناي قالالىق مەشىتىندە اشىلعان ەكى ايلىق ساۋات اشۋ كۋرسىندا وقىپ جاتقان قىتايبەكوۆ بولاتباي  ەسىمدى شاكىرت ابۋباكىر كەردەرىنىڭ «ناسيحات-تولعاۋ» اتتى تەرمەسىن ورىندادى. قاسيەتتى ءماۋلىت-ءشاريف مەرەكەلىك اسىنا قوستاناي قالاسىنىڭ تۇرعىنى ورال تاڭجارىقوۆ دەمەۋشىلىك كورسەتتى. مەرەكە سوڭىندا قوستاناي قالالىق مەشىتىنىڭ باس يمامى شوقان ءامىرحانوۆ جاماعاتتى مەرەكەمەن قۇتتىقتاپ, مەشىتتەگى تاربيەلىك ماڭىزى زور تاعىلىمدى ىستەرگە اتسىلىسىپ جۇرگەن ازاماتتارعا العىس ايتتى. ءنازيرا جارىمبەتوۆا, «ەگەمەن قازاقستان». قوستاناي