بۇگىن ەل تاۋەلسىزدىگىنىڭ 25 جىلدىعىنا وراي ۇيىمداستىرىلعان سالتاناتتى شارالار لەگى ەلوردادا شارشا شامىن جاعۋمەن جالعاسىن تاپتى.
ايتۋلى مەيرام قۇرمەتىنە رەسپۋبليكا جۇرتشىلىعى قاتارىنان ءتورت كۇن دەمالعانى بەلگىلى. استانالىقتار مەن قالا قوناقتارىنىڭ بۇقارالىق سەرۋەنى ءساتتى ءارى قىزىقتى ءوتۋى ءۇشىن «حان شاتىر» ساۋدا-ويىن ساۋىق ورتالىعىنىڭ ماڭىنان ارنايى مۇز قالاشىعى سالىنىپ, باس شىرشانىڭ شامى جاعىلدى.
قالا اكىمى اسەت يسەكەشەۆ جاققان بيىلعى باس شىرشانىڭ بيىكتىگى 26 مەتر. قىزىلدى-جاسىلدى ارقيلى ويىنشىقتارمەن بەزەندىرىلگەن باس شىرشانىڭ تۇنگى كورىنىسى اسەم بولۋى ءۇشىن وعان 300 000 مىڭنان استام ءتۇرلى ءتۇستى شام ىلىنگەن.
سونداي-اق, سالتاناتتى شارانى تاماشالاۋعا كەلگەن جۇرتشىلىق نازارىنا قالا ونەرپازدارىنىڭ مەرەكەلىك باعدارلاماسى ۇسىنىلدى. مۇزدان جاسالعان ەرتەگىلەر الەمىندەگى كەيىپكەرلەر مۇسىندەرى مەن قاۋىپسىز سىرعاناقتار كوڭىلدەرگە قۋانىش سىيلاپ, شات-شادىمان ەتۋدە.
ەل تاۋەلسىزدىگىنىڭ 25 جىلدىعى مەن ەكسپو-2017 كورمەسىنىڭ قۇرمەتىنە وراي, ۇيىمداستىرىلعان ارنايى وتشاشۋدا 500 قار مەن 3 000 ءتۇرلى-ءتۇستى شار كورىنىس بەرىپ, تۇنگى استانانىڭ اجارىن اشا ءتۇستى.
نۇرلىبەك دوسىباي, "ەگەمەن قازاقستان".
سۋرەتتەردى تۇسىرگەن ەرلان وماروۆ
