كيىكتەر قاتاڭ باقىلاۋدا

2016 جىلدىڭ 21 قاراشاسى مەن 2017 جىلدىڭ 21 قانتار ارالىعىندا قازاقستان بيوالۋانتۇرلىلىكتى ساقتاۋ اسسوتسياتسياسى (قبسا) قر اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى, ىشكى ىستەر مينيسترلىگى جانە رمقك ءوب «وحورزووپروم» بىرلەسە وتىرىپ اقبوكەن ءمۇيىزىنىڭ زاڭسىز ساۋداسىنا قارسى اقپاراتتىق كامپانياسى جاتىر, دەپ حابارلايدى اۋىل شارۋاشىلىعى مينيسترلىگى. كامپانيانىڭ نەگىزگى ماقساتى – كيىك مۇيىزدەرىن ساتىپ الۋ جونىندەگى حابارلاندىرۋلار مەن جارنامالاردىڭ تارالۋىنىڭ الدىن الىپ, قاسكەرلىكپەن كۇرەسۋ. قازاقستاندا اقبوكەننىڭ دەنە مۇشەلەرىن, ەتىن, ءمۇيىزىن جانە باسقا دەريۆاتتارىن زاڭسىز الۋ, يەمدەنۋ, ساقتاۋ, وتكىزۋ, اكەلۋ, اكەتۋ, سالىپ جىبەرۋ, تاسىمالداۋ نەمەسە جويۋ زاڭمەن قۋدالانادى. ۇكىمەتتىڭ قاۋلىسىنا سايكەس اقبوكەننىڭ دەنە مۇشەلەرىن جانە ونىڭ دەريۆاتتارىن پايلالانۋعا 2020 جىلعا دەيىن تىيىم سالىنعان. دەگەنمەن, ەلدى-مەكەندەر كوشەلەرىندە جانە ينتەرنەت كەڭىستىگىندە اقبوكەن ءمۇيىزىن ساتىپ الۋشىلاردىڭ حابارلاندىرۋلارى مەن جارنامالارى ءالى كۇنگە دەيىن كوپتەن كەزدەسۋدە. اقپاراتتىق كامپانيا حالىق نازارىن وسى ماسەلەگە اۋدارىپ, ات سالىسۋعا شاقىرادى. كيىكتى ساقتاۋ شاراسىنا كەز كەلگەن ادام قاتىسا الادى. ول ءۇشىن كيىك دەريۆاتتارىن ساتىپ الام دەگەن حابارلامالاردى فوتوعا ءتۇسىرىپ قبسا-عا, الەۋمەتتىك جەلىلەردە (فەيسبۋك جانە ۆكونتاكتە) قۇرىلعان ارنايى توپتارعا نەمەسە What’s Uر ارقىلى +77781694828 نومىرىنە جىبەرۋ قاجەت. سونىمەن قاتار, اقبوكەن ءمۇيىزىنىڭ ساۋداسى زاڭسىز ەكەندىگى جازىلعان ارنايى جاپسىرمالاردى الىپ, حابارلاندىرۋ جانىنا جابىستىرۋ كەرەك. جاپسىرمانى قبسا كەڭسەلەرىنەن نەمەسە «وحوتزووپروم» بولىمشەلەرىنەن الۋعا بولادى. ءىس-شارانىڭ قورىتىندىسى بويىنشا جينالعان اقپاراتتار قۇقىق قورعاۋ ورگاندارىنا جىبەرىلەدى. قازاقستان بيوالۋانتۇرلىلىكتى ساقتاۋ اسسوتسياتسياسىنىڭ بايلانىس نومەرلەرى (قبسا): 8 (7172) 91 00 44 8 778 169 48 28 سۇتتىباەۆ مۇحيت – اقبوكەن ءمۇيىزىنىڭ زاڭسىز ساۋداسىنا قارسى اقپاراتتىق كامپانيانىنىڭ ۇيلەستىرۋشىسى. جاپسىرمالاردى تاراتۋ نۇكتەلەرىنىڭ مەكەن-جايىن ءىس-شارا ۇيلەستىرۋشىسىنەن الا الاسىز. انىقتاما: قر قىلمىستىق كودەكسى 339-باپ. وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن تۇرلەرiن, ولاردىڭ بولىكتەرىن نەمەسە دەريۆاتتارىن, سونداي-اق پايدالانۋعا تىيىم سالىنعان وسىمدىكتەردى نەمەسە جانۋارلاردى, ولاردىڭ بولىكتەرىن نەمەسە دەريۆاتتارىن زاڭسىز الۋ, يەمدەنۋ, ساقتاۋ, وتكىزۋ, اكەلۋ, اكەتۋ, سالىپ جىبەرۋ, تاسىمالداۋ نەمەسە جويۋ, سول سياقتى ولاردىڭ مەكەندەيتiن جەرلەرىن جويۋ – ءۇش مىڭ ايلىق ەسەپتiك كورسەتكiشكە (3000 اەك) دەيiنگi مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە 3 جىلعا دەيىنگى مەرزىمگە باس بوستاندىعىن شەكتەۋگە 3 جىل مەرزىمگە باس بوستاندىعىنان ايىرۋعا جازالانادى.