گرەكيا ەكسپو-2017 كورمەسىنە كوميسسارىن تاعايىندادى

گرەكيا ەكسپو-2017 حالىقارالىق مامانداندىرىلعان كورمەسىندەگى پاۆيلونىنا ءوزىنىڭ كوميسسارىن رەسمي تۇردە تاعايىندادى. بۇل لاۋازىمعا گرەكيانىڭ ەكونوميكا جانە دامۋ مينيسترلىگىنىڭ باس حاتشىسى يلياس كسانتاكوس لايىقتى دەپ تابىلدى. بۇل تۋرالى «ەكسپو-2017» كوميسسارىنىڭ حاتشىلىعى حابارلادى. گرەكيا ۇكىمەتىنىڭ تاعايىنداۋ تۋرالى شەشىمى بار رەسمي حات افيناداعى قر ەلشىلىگى ارقىلى «ەكسپو-2017» كوميسسارياتىنىڭ كوميسسارىنا جىبەرىلگەن. كورمەدە گرەكيا وكىلدەرى حالىقارالىق ەكولوگيالىق ستاندارتتارعا نەگىزدەلگەن ەنەرگەتيكالىق ينفراقۇرلىمنىڭ ناقتى ۇلگىلەرىن ۇسىنباق. جەرورتا تەڭىزىندە ورنالاسقان مەملەكەت جاڭعىرتىلاتىن ەنەرگيا كوزدەرىنە قاتىستى ماسەلەدە ايتارلىقتاي تاجىريبە جيناقتاعان. ونىڭ ۇستىنە «ەكسپو-2017» كورمەسى وتەتىن ۋاقىت گرەكياداعى جاپپاي دەمالىسقا شىعاتىن ۋاقىتپەن سايكەس كەلىپ وتىر. ايتا كەتەيىك, حالىقارالىق مامانداندىرىلعان «ەكسپو-2017» حالىقارالىق كورمەسى 2017 جىلدىڭ 10 ماۋسىمى مەن 10 قىركۇيەگى ارالىعىندا وتەدى. بۇگىندە وعان 112 ەل مەن 18 حالىقارالىق ۇيىم وكىلدەرى قاتىساتىنىن راستاعان.