يزرايل پرەمەر-مينيسترىمەن كەزدەستى

سەناتتا پالاتا توراعاسى قاسىم-جومارت توقاەۆ رەسمي ساپارمەن استاناعا العاش رەت كەلگەن يزرايل مەملەكەتىنىڭ پرەمەر-ءمينيسترى بينيامين نەتانياحۋمەن كەزدەستى, دەپ حابارلادى سەناتتىڭ ءباسپاسوز قىزمەتى. مەيمانمەن كەزدەسۋدە ق.تو­قاەۆ ب.نەتانياحۋدىڭ مەم­لە­كەت باسشىسى نۇرسۇلتان نازارباەۆ­پەن كەلىسسوزدەرىنىڭ قورىتىن­دىلارى ءتۇرلى سالاداعى ەكىجاقتى ىنتىماقتاستىقتى نىعايتۋعا تىڭ سەرپىن بەرە­تىنىنە سەنىم ءبىلدىردى. ق.توقاەۆتىڭ ايتۋىنشا, قا­­زاق­ستاندىق پارلامەنتشىلەر يزرايل كنەسسەتىمەن ۇنقا­تى­سۋدى نىعايتۋعا جانە ءوزارا ءىس-قيمىلدى ورىستەتۋگە سەنىم ارتادى. توراعا 2008 جىلى پار­لامەنتتىك دەلەگاتسيا باسشى­سى رەتىندە ەۆرەي مەملەكەتى ءتا­ۋەل­سىزدىگىنىڭ 60 جىلدىعىنا وراي يزرايلگە ساپارى تۋرالى اڭگى­مەلەدى. ق.توقاەۆ مەيماندى قا­زاق­ستاننىڭ ساياسي جۇيەسىندەگى سەناتتىڭ رولىمەن تانىستى­را وتىرىپ, پرەزيدەنت ن.نازارباەۆ­­تىڭ باستاماسىمەن ءجۇر­­گى­­زىلگەن ينستيتۋتتىق رەفور­مالاردى زاڭنامالىق تۇرعىدا قولداۋ تۋرالى اڭگى­مەلەدى. اڭگىمە بارىسىندا سايا­سي, ەكو­نوميكالىق جانە گۋما­نيتار­لىق, سونداي-اق, حالىق­ارالىق جانە ايماقتىق قاۋىپ­سىزدىك سالالارىنداعى وزەكتى ماسەلەلەر بويىنشا پىكىر الماسىلدى. يزرايل ۇكىمەتىنىڭ باسشىسى استاناعا ءداستۇرلى قا­زاق­ستان-يزرايل دوستىق قاتى­ناس­تارىن جاڭا ءارى جوعارى دەڭ­گەيگە شىعارۋ ءۇشىن كەلگەنىن اتاپ ءوتتى. يزرايل جوعارى تەح­نو­لو­گيالارمەن بولىسۋگە ءجا­نە قا­زاقستانعا ينۆەستيتسيا­لار­مەن جاردەمدەسۋگە دايىن. ب.نە­تانيا­حۋدىڭ پىكىرىنشە, ەكى مەم­لەكەت ەركىن ساۋدا, تىكەلەي اۋە قاتىناستارىن قالىپتاس­تىرۋ جانە بىرلەسكەن بيزنەس-جو­بالارعا جان-جاقتى كومەكتەسۋ تۋرالى ۋاعدالاسۋى كەرەك.