دارىگەرلەر دارىپتەلدى

الماتىداعى عالىمدار ۇيىندە الماتى ونكولوگيالىق ورتالىعى ەل تاۋەلسىزدىگىنىڭ 25 جىلدىق مەرەكەسىن ۇلكەن سالتاناتپەن, جوعارى كوڭىل-كۇيدە اتاپ ءوتتى. مادەني شارانىڭ تاعى ءبىر ەرەكشەلىگى – الماتى ونكولوگيالىق ورتالىعىنىڭ 65 جىلدىق مەرەيتويىنىڭ تاۋەلسىزدىك مەرەكەسىمەن تۇسپا-تۇس كەلۋى. العاشقى قۇتتىقتاۋ سوزىندە الماتى قالالىق ءماسليحاتىنىڭ حاتشىسى قالدىباي قازانباەۆ تاۋەلسىزدىك دەگەن ءتاتتى ءسوزدىڭ قادىر-قاسيەتىنە توقتالىپ, ءتىلىمىز ءتىرىلىپ, ءدىنىمىز دارىپتەلىپ, دۇنيە جۇزىندەگى ىرگەلى ەلدەرمەن تەڭەسىپ وتىرعانىمىزعا ەكپىن تۇسىرسە, وسى باياندى دا ۇلىق ىستەردىڭ باسىندا تۇرعان «نۇر وتان» پارتياسىنىڭ اتىنان بوستاندىق اۋداندىق فيليالى ساياسي كەڭەسىنىڭ مۇشەسى بەكەجان توققوجاەۆ تا اقجارما لەبىزىن ءبىلدىردى. ءيا, ەلىمىز تاۋەلسىزدىككە قول جەتكىزگەننەن بەرى ءوزىنىڭ ساياسي-ەكونوميكالىق, الەۋمەتتىك-مادەني ومىرىندەگى 25 بەلەسىن ارتقا تاستاپ وتىر. ادام ومىرىنە اراشا ءتۇسىپ كەلە جاتقان اتالمىش مەكەمەنىڭ بۇگىنگى جەتىستىگى – ەل ەگەمەندىگىنىڭ ايقىن جەمىسى. ويتكەنى, حالىققا ونكولوگيالىق كومەك كورسەتۋدە جارتى عاسىردان استام ۋاقىت اتالمىش مەكەمە ەمدەۋدىڭ وزىق ۇلگىلەرى مەن زاماناۋي ءادىس-تاسىلدەرىن قولدانۋ ارقىلى ناۋقاستاردى ەمدەۋدە ءوز ۇلەستەرىن قوسىپ كەلەدى. جيىندا ەمدەۋ ورنىنىڭ وتكەنى, سونداي-اق, ەل ەگەمەندىگىن ال­عاننان بەرگى ەمدەۋ ىسىندەگى جا­ڭالىقتار مەن وزىق ءادىس-تاسىلدەرگە, مەملەكەتىمىزدىڭ ونكولوگيالىق ناۋقاستارعا كور­سەتىپ وتىرعان وراسان زور قامقور­لىعىنا, كومەگىنە توقتالماس بۇرىن, الماتى ونكولوگيالىق ورتالى­عىنىڭ باس دارىگەرى, مەديتسينا عىلىمدارىنىڭ دوكتورى دامير داۋلەتباەۆ الدىمەن تاۋەلسىزدىك – ازاتتىقتىڭ التىن دىڭگەگى, ۇلت رەتىندە دامىپ, وركەندەۋىمىزدە ۇلى كۇش ەكەنىن اتاپ ءوتتى. – تاۋەلسىزدىكتىڭ ءبىز ءۇشىن ورنى قاشاندا بولەك. سوندىقتان دا «تولارساقتان ساز كەشكەن» باتىر بابالارىمىزدىڭ ءار جىلدا توگىلگەن قانىنىڭ, ۇلى مۇراتتار جولىندا قۇربان بول­عان اسىل ازاماتتارىمىزدىڭ اس­قاق ارماندارىنىڭ, ءسابيىن بىلەگىمەن, دالاسىن جۇرەگىمەن تەربەت­كەن انالارىمىزدىڭ اققان كوز جا­سىنىڭ, جاراتقاننان تىلەگەن مەدەتىنىڭ ارقاسىندا قول جەت­كىز­گەن تاۋەلسىزدىكتى ءبىز ارقا­شان ماقتان تۇتىپ, قاستەرلەي بىلۋگە ءتيىس­تىمىز, – دەدى دامير ءابايدىل­دا­ ۇلى. سونداي-اق, جيىن بارىسىن­دا ورتالىقتىڭ بۇگىنگى جەتىستىك­تەرى­نىڭ باستاۋىندا ايانباي تەر توگىپ, ەڭبەك ەتكەن ارداگەرلەرگە گۇل شوقتارىن ۇسىنىپ, سىيلىقتار تابىستاسا, بۇگىنگى تاڭدا كۇندىز-ءتۇنى دەنساۋلىق كۇزەتىندە تۇرعان اق حالاتتى ابزال جانداردىڭ اراسىنداعى ۇزدىكتەرى العىس حاتتارمەن ماراپاتتالدى. ەلىمىزدەگى 130 ۇلتتىڭ باسىن قوسقان برەندىمىز قازاقستان حالقى اسسامبلەياسى ەكەنى بەلگىلى. قازاق, ورىس, ۋكراين, كورەي, تاتار حالقىنىڭ ۇلتتىق كوستيۋمدەرىمەن شىعىپ, سول ۇلتتاردىڭ تىلدەرىندە تاۋەلسىزدىك مەرەكەسىمەن قۇتتىقتاعان مەديتسينا قىزمەتكەرلەرى ساحنانىڭ ءسانىن كەلتىرسە, ەلىمىزدىڭ تانىمال ارتىستەرى تولقىن زابيروۆا, قۇرالاي مەن ميراس بەكجانوۆتار, باقىت شاداەۆا, بەيبىت سەيدۋاليەۆا, جەڭىس ىسقاقوۆا, قۇدايبەرگەن بەكىش, رۋسلان مامىتوۆ, ت.ب. انشىلەر اسەم ءان شىرقاپ, كەشتىڭ كورىگىن قىزدىردى. گۇلزەينەپ سادىرقىزى, «ەگەمەن قازاقستان»