ەرلەر ەڭبەگى ەسكەرۋسىز قالمايدى

قازىر ەلىمىزدىڭ ءاربىر وڭىرىندە ەل تاۋەلسىزدىگىنىڭ 25 جىلدىعىن مەرەكەلەۋگە ارنالعان ءىس-شارالار وتكىزىلۋدە. وسىعان وراي, كەشە ىشكى ىستەر مينيسترلىگىندە دە وسى ۆەدومستۆو باسشىلىعىنىڭ, ىشكى ىستەر ورگاندارى قىزمەتكەرلەرى مەن ارداگەرلەرىنىڭ قاتىسۋىمەن سالتاناتتى جيىن بولىپ ءوتتى. وركەستردىڭ سۇيەمەلدەۋىمەن مينيستر­لىك تۋى ساحنا تورىنە شىعارىلىپ, ءانۇران شىر­قالعاننان كەيىن قۇتتىقتاۋ ءسوزدى ءمينيستردىڭ ءبىرىنشى ورىنباسارى مارات دەمەۋوۆ الدى. ول ءوز سوزىندە جيىرما بەس جىل ىشىندە ەلىمىز تۇراقتى, دامى­عان, حالقى تاتۋ مەملەكەت رەتىندە قالىپ­تاس­قان­دىعىن جانە الەم الدىنداعى بەدە­لىن ايقىنداعانىن ەرەكشە اتاپ كور­سەتتى. «تاۋەلسىزدىك – باعا جەتپەس اسىل باي­لىعىمىز. ەلىمىزدىڭ جاڭا جانە جارقىن تاريحىنىڭ باستاۋى. ەلىمىز ايتۋلى الەمدىك شارالاردى: ەقىۇ ءسامميتىن, قىسقى ازيا ويىندارىن ابىرويمەن وتكىزە ءبىلدى, ەندى الدىمىزدا ەكسپو-2017 حالىقارالىق كورمەسىن زور تابىسپەن وتكىزۋ مىندەتى تۇر. مۇنىڭ بارلىعى پرەزيدەنت نۇرسۇلتان نازارباەۆتىڭ كورەگەن ساياساتىمەن تىكەلەي بايلانىستى», – دەدى مارات عان ۇلى. سونىمەن قاتار, مينيستر­دىڭ ءبىرىنشى ورىنباسارى ەلى­مىز دامۋىندا ىشكى ىستەر سالا­سىنىڭ ورنى ەرەكشە ەكەندى­گىن دە قاپەرگە سالا كەتتى. تاۋەل­سىزدىكتىڭ العاشقى جىلدارىنان باستاپ ىشكى ىستەر ورگاندارى قىزمەتكەرلەرى قوعامدىق قاۋىپسىزدىكتى قامتاماسىز ەتۋدە جانە ازاماتتاردى قىلمىستىق قولسۇعۋشىلىقتان قورعاۋدا لايىقتى قىزمەت اتقارىپ كەلەدى. تاۋەلسىزدىك العان جىل­دار ىشىندە ىشكى ىستەر ورگان­دارى­نىڭ 1093 قىزمەتكەرى مەم­لەكەتتىك ناگراداعا يە بولىپ­تى. ولاردىڭ ەكەۋىنە حالىق قاھارمانى اتاعى دا بەرىل­گەن­دىگىن ايتا كەتكەن ورىندى. بۇدان كەيىن ىشكى ىستەر ورگانى مەن ۇلتتىق ۇلان ار­دا­گەرلەرى رەسپۋبليكالىق كەڭە­سىنىڭ توراعاسى, ميليتسيا گەنەرال-مايورى ومىرزاق بول­سامبەكوۆ تاۋەلسىزدىكتىڭ ماعى­ناسى ەركىندىك, تەڭدىك, بوستاندىقپەن بايلانىستى ەكەندىگىن العا تارتا وتىرىپ, ەلگە تىنىشتىق پەن بەرەكە تىلەگەن يگى لەبىزىن جەتكىزدى. قۇتتىقتاۋلاردان كەيىن قر ءىىم ورتالىق اپپاراتى مەن اۋماقتىق بولىنىستەرىنىڭ قىزمەتكەرلەرىنە مەملەكەتتىك جانە ۆەدومستۆولىق ناگرادالار تاپسىرىلدى. ونى ىشكى ىستەر ءمينيسترى قالمۇحانبەت قاسىموۆ تابىستادى. سولاردىڭ اراسىندا ءىىم-ءنىڭ م.بوكەنباەۆ اتىنداعى اقتوبە زاڭ ينستي­تۋ­تىنىڭ باسشىسى, پوليتسيا پولكوۆنيگى سالىمگەرەي قارا­قۇشەۆ تە بار. ول ءىى دارەجەلى «ايبىن» وردەنىمەن ماراپاتتالدى. بۇقارالىق اقپارات قۇرالدارى وكىلدەرىنىڭ الدىن­دا سويلەگەن سوزىندە وردەن يەگەرى ەلىمىزدىڭ ەرلەر ەڭبە­گىن باعالايتىندىعىنا ريزاشى­لىعىن جەتكىزە وتىرىپ, بۇل ماراپات ىشكى ىستەر ورگان­دارىنا بىلىكتى مامانداردى دايارلاۋداعى ەڭبەگى ءۇشىن بە­رىلگەندىگىن العا تارتتى. سو­نىمەن قاتار, ەل تاۋەلسىز­دىگى­نىڭ 25 جىلدىعىن مەرەكە­لەۋگە وراي ىشكى ىستەر ورگان­دارىنىڭ قىزمەتكەرلەرى ۆەدومستۆولىق ناگرادالارمەن جانە گراموتالارمەن ما­راپات­تالدى. ءىس-شارا قورىتىن­دىسىن­دا ىشكى ىستەر ورگاندارى قىزمەت­كەرلەرى اراسىندا وتكەن «مەنىڭ ەلىم!» پاتريوتتىق اندەر باي­قاۋىنىڭ لاۋرەاتتارى مەن ديپلومانتتارىنىڭ قاتىسۋىمەن گالا-كونتسەرت قويىلدى. اسقار تۇراپباي ۇلى, «ەگەمەن قازاقستان»