باسپانا باقىتىنا بولەندى

اتىراۋدا دا تۇرعىن ءۇي قۇرىلىسى قارقىن الدى. جىل باسىنان بەرى جالپى الاڭى 50 مىڭ شارشى مەتردى قۇراعان 15 كوپ قاباتتى ءۇي بوي كوتەردى. جاڭا باسپانا باقىتىنا 750 وتباسى بولەندى. ال تاۋەلسىزدىك مەرەكەسى قارساڭىندا 420 وتباسى «نۇرسايا» شاعىن اۋدانىندا بوي كوتەرگەن جاڭا ۇيدەن پاتەر الىپ, كوپتەن كۇتكەن قونىس تويىن تويلادى. ولاردىڭ اراسىندا اتا-انا قامقورلىعىن اڭساعاندار مەن تابيعي جاۋىن-شاشىننان باسپاناسى ب ۇلىنگەندەر دە, جىلدار بويى كەزەكتە تۇرعاندار مەن تۇرمىسى تومەن وتباسىلار دا, بيۋدجەتتىك مەكەمەلەر وكىلدەرى مەن مەملەكەتتىك قىزمەتكەرلەر دە بار. سولاردىڭ قاتارىنداعى ليزا جانگەرەەۆا بۇعان دەيىن ز.قابدولوۆ كوشەسىندەگى ەسكى باسپانادا تۇرىپتى. – ءبىزدىڭ تۇرعان ءۇيىمىز 1949 جىلى سالىنىپ, ابدەن ەسكىرگەن بولاتىن. وعان قوسا اتىراۋ مۇناي وڭدەۋ زاۋىتىنىڭ سانيتارلىق قورعاۋ اۋماعىندا ورنالاسقان. جاڭا قونىسقا كوشسەك دەپ ارمانداۋشى ەدىك. بۇگىن سول ويىمىز ورىندالىپ, ءبىر ۇيدە تۇرعان 16 وتباسى جاڭا پاتەرگە يە بولدىق, – دەيدى ول. باتىر انا قاتيما دوشىمبەتوۆانىڭ وتباسى اپاتتى ءۇيدى پانالاپ كەلىپتى. «1960 جىلى بوي كوتەرگەن ۇيدە 40 جىل تۇردىق. سول ۇيدە بالالارىمىز ومىرگە كەلدى. ءوستى-ءوندى. الايدا, اپاتتى جاعدايدا دەپ تانىلعان سوڭ الاڭداۋشى ەدىك. ەندى الاڭدامايتىن بولدىق. سەبەبى, جاڭا پاتەر الىپ, قۋانىشقا كەنەلىپ تۇرمىز. جاڭا باسپانا الۋ دا ءبىر باقىت قوي!», دەپ اعىنان جارىلا قۋاندى كوپ بالالى انا. جولداسبەك شوپەعۇل, «ەگەمەن قازاقستان» اتىراۋ