مارەگە جەتتى

كەشە قازاقستان تاۋەلسىزدىگىنىڭ 20 جىلدىعىنا جانە  29 تامىز – يادرولىق سىناققا قارسى قيمىلدىڭ  حالىقارالىق كۇنىنە وراي Bike for peace  نورۆەگيا قوعامدىق ۇيىمىنىڭ سەمەي – الماتى – استانا حالىقارالىق ۆەلوجۇرىسى  استاناعا تابان تىرەدى. سوعان وراي بايتەرەك كەشەنىنىڭ تۇبىندە وتكەن ۆەلوتۋردىڭ جابىلۋ ءرا­سىمىندە اتالمىش ۇيىمنىڭ كوشباسشىسى تورە ناەرلاند, ءوزىنىڭ قا­زاقستاندىقتاردى قۇرمەتتەيتىنىن ايتىپ, 24 كۇن ىشىندە بۇكىل مەملەكە­تىمىزدىڭ ءبىراز ءوڭىرىن باسىپ ءوت­كەنىن, حالقىمىزدىڭ ەرەكشە سىي قۇر­مەتىنە ءتانتى بولعانىن تىلگە تيەك ەتتى. سودان سوڭ جينالعاندارعا تورتكۇل دۇنيەدەگى 110 مەملەكەتتى شارلاعانىن جەتكىزىپ, دوستىعى جاراسقان كوپ ۇلتتى قازاق­ستاننىڭ بەرەكە-بىرلىگىنە ريزالى­عىن ءبىلدىردى. ول سونىمەن قاتار Bike for peace ۇيىمى ادامزاتقا قاتەر توندىرەتىن قاتەرلى قارۋدى الەمدە ءبىرىنشى بولىپ جويۋدى ۇسىنىپ, ونى سوزبەن ەمەس ىسىمەن دايەك­تەگەن قازاق ەلىنىڭ پرەزيدەنتىن جۇرت­شىلىق نوبەل سىيلىعىنا ۇسىنىپ جاتسا وزدەرىنىڭ قولدايتىنىن اتاپ ايتتى. وسى ۆەلوتۋردىڭ جابىلۋ راسىمىندە «يادرولىق سىناقتارعا قارسى ءىس-قيمىلدىڭ كۇنىنە قاراي قازاقستان رەسپۋبليكاسى سىرتقى ىستەر مينيسترلىگىنىڭ مالىمدە­مەسىن» اتالمىش ۆەدومستۆونىڭ رەسمي وكىلى اسقار ابدراحمانوۆ وقىپ بەردى. وندا بىلاي دەلىنگەن: «ءبىز يادرولىق سى­ناقتارعا جاپپاي تىيىم سالۋ شارتىنىڭ (ياسجتش) تەزىرەك كۇشىنە ەنۋىن قول­دايمىز. ول ءۇشىن شارتتى راتيفيكا­تسيالاماعان جانە وعان قول قويماعان توعىز ەلدى جاقىن ارادا ءتيىستى قادام جاساۋعا شاقىرامىز. ءبىز ياسجتش-نى الاپات قارۋدى تاراتپاۋ ىسىندەگى ەڭ ءتيىمدى  جانە ناقتى قۇرالداردىڭ ءبىرى دەپ بىلەمىز». وسىدان 66 جىل بۇرىن حيروسيما قالاسىنىڭ تالقانىن شىعارعان سۇمدىقتى ەندى بولدىرماۋدى, بەيبىتشىلىكتى ورنىق­تى­رۋدى ماقسات ەتكەن نورۆەگيالىق ازاماتتار سەمەيدەن استاناعا دەيىنگى ارالىقتا ۆەلوجۇرىس ارقىلى 20 ەلدى مەكەندە بو­لىپتى. اتاپ ايتقاندا شىعىس قازاق­ستان, الماتى, جامبىل, قا­را­عاندى, اقمولا وبلىستارىنىڭ اۋما­عىن جانە استانا, الماتى قالالارىن قوسقاندا ولار 2 383 شاقىرىمدى ارتقا تاستاپتى. ءسويتىپ, ادامزاتتىڭ جارقىن بولاشاعى ءۇشىن بەيبىت شەرۋدى مۇرات تۇتقان ازاماتتار ەلورداعا كەلىپ, بايتەرەكتىڭ تۇبىندە قازاق مەملەكەتىنە دەگەن شىنايى ىقىلاستارىن ءبىلدىرىپ, وتانىمىزدىڭ بولاشاعىنا زور سەنىممەن قارايتىندىق­تارىن اتاپ ايتتى. «ەگەمەن-اقپارات».