پوليتسيانىڭ قولى ۇزاردى

پوليتسيانىڭ جۇمىسى قاشاندا قاربالاسقا تولى. قازىرگى جاعداي ءتارتىپ ساقشىلارىنا وتە قىراعى ءارى ساق بولۋدى قاجەت ەدى. ءوز كەزەگىندە مەملەكەت تە قوعامنىڭ تىنىشتىعى مەن قاۋىپسىزدىگىن قامتاماسىز ەتىپ جۇرگەن پوليتسيانىڭ جاعدايىن جاساۋدان ەش ايانىپ قالعان ەمەس. مىنە, ەل تاۋەلسىزدىگىنىڭ 25 جىل­دىق مەرەكەسى قارساڭىندا جامبىل وبلىسىنىڭ اكىمى كارىم كوكى­رەكباەۆ جەرگىلىكتى پوليتسيا قىز­مەت­كەر­لەرى­نە جاڭا 83 قىزمەتت­ىك كولىكتىڭ كىلتىن تابىس ەتىپ, ءتارتىپ ساقشىلارىنىڭ مەرە­يىن كوتەرىپ تاستادى. – بيىل بارلىق وبلىستاردا ءتار­تىپ ساقتاۋ مەن قۇقىق بۇزۋ­شى­لىق­تار پروفيلاكتيكاسىن جۇزە­گە اسىراتىن جەرگىلىكتى پولي­تسيا قىز­­مەتى قۇرىلدى, – دەدى كارىم كوكى­­رەك­باەۆ. – ولارعا جەكە اكىم­شىلىك عي­مارات ءبولى­نىپ, وعان ءجون­دەۋ جۇمىستارى ءجۇر­گىزىلدى. اعىم­داعى جىلدىڭ ون ايىندا وڭىردە تىركەلگەن  قىلمىس­تىق قۇقىق بۇزۋ­­شى­لىقتاردىڭ كور­سەت­كىشى 11 پا­­يىزعا تومەندەدى. سون­داي-اق, اسا اۋىر قىلمىستار, قو­عام­­­دىق ورىن­داردا, كوشەلەردە جا­سالا­تىن جانە بوتەن م ۇلىكتى ۇرلاۋ دەرەكتەرى ازايدى. بۇل, ارينە, پرو­في­لاك­تي­كا­لىق جۇمىستاردىڭ كۇ­شە­­يىپ, قىل­مىس­تاردىڭ الدىن الۋ­عا ءتيىم­دى ىستەردىڭ ءوز دەڭگەيىندە اتقا­رى­­­لىپ جات­قاندىعىن كورسەتەدى. ول ءۇشىن بىزدە بارلىق مۇمكىندىكتەر بار. اعىمداعى جىلى ىشكى ىستەر دە­پار­تامەنتىنە 6 ميلليارد تەڭ­گە­گە جۋىق قاراجات بولىنسە, ونىڭ ءىشىن­دە جەرگىلىكتى پوليتسيا قىز­مە­تىن قار­جىلاندىرۋعا 557 ميلليون تەڭگە قارالدى. جاڭا 83 كولىك­­تىڭ 70-ءى جەرگىلىكتى پوليتسيا قىز­مە­تى­نە بەرىلسە, قالعان 13-ءى جەدەل باس­قارۋ ورتالىعىنا تابىستال­دى. ال جامبىل وبلىستىق ءىىد باس­شى­­سى, پوليتسيا گەنەرال-مايورى تىلە­گەن ماتكەنوۆ قىلمىسپەن كۇ­رەسۋ­دە جۇمىس تيىمدىلىگىن ارت­تى­­رىپ, پو­لي­تسەيلەردىڭ ساپالى قىز­مەت ات­قارۋى ءۇشىن وبلىس باس­شى­لى­عىنىڭ ۇنە­مى كومەك كورسەتىپ كەلە جاتقانىن ايتىپ, العىسىن ءبىلدىردى. ورالحان ءداۋىت, «ەگەمەن قازاقستان» جامبىل وبلىسى