جەنەۆاداعى قايىرىمدىلىق جارمەڭكەسى

بىرىككەن ۇلتتار ۇيىمىنىڭ جەنەۆا قالاسىنداعى ۇلتتار سارايىندا بۇۇ-نىڭ قامقورشى بولۋىمەن جىل سايىنعى حالىقارالىق قايىرىمدىلىق جارمەڭكەسى ءوتتى. بۇل قايىرىمدىلىق اكتسياسى جەنەۆادا تىركەلگەن ديپلوماتيالىق كورپۋس جانە جەرگىلىكتى تۇرعىندار ءۇشىن ماڭىزدى مادەني ءىس-شارانىڭ ءبىرى بولىپ تابىلادى. ونىڭ اشىلۋ راسىمىندە بۇۇ-نىڭ جەنەۆاداعى بولىمشەسىنىڭ باس ديرەكتورى مايكل مەللەر ءسوز سويلەدى. ال ءجار­مەڭكەگە قاتىسۋشىلار مەن قوناقتار وندا قويىلعان ءجا­نە ۇسىنىلعان بارلىق ەل­دەر­­دىڭ مادەنيەتىمەن, سالت-داستۇرىمەن تانىسۋعا ءمۇم­­كىندىك الدى. شارا با­رى­سىندا, سونداي-اق ءتۇر­لى حالىقتاردىڭ ۇلتتىق مۋ­زىكالارى وينالىپ, بيلەرى ورىن­دالدى. بۇۇ-نىڭ جوعارى دەڭگەيدە وتكەن قايىرىمدىلىق ءجار­مەڭ­كەسىن ۇيىمداستىرۋعا قازا­قستان رەسپۋبليكاسىنىڭ جەنەۆاداعى تۇراقتى وكىلدىگى دە بەلسەنە قاتىستى. قوناقتار نازارىنا قازاقستاننىڭ ۇلت­تىق مادەنيەتى مەن تاريحى­نان جان-جاقتى اقپارات بە­رەتىن, سونداي-اق ەلىمىزدىڭ حالىق­ارالىق باستامالارىنان حاباردار ەتەتىن باسپا ماتەريالدارى جانە قازاقستان حالقىنىڭ باي اسحاناسى ۇسىنىلدى. ال قايىرىمدىلىق اكتسياسىنان جي­نالعان قاراجات الەمنىڭ ءتۇر­لى ەلدەرىندەگى كومەكتى قا­جەت ەتە­تىن بالالارعا جىبە­رىلەدى. «ەگەمەن-اقپارات»