تەل-اۆيۆتەگى سالتاناتتى قابىلداۋ

تەل-اۆيۆ قالاسىندا قازاقستان رەسپۋبليكاسىنىڭ 25 جىلدىعىنا وراي سالتاناتتى قابىلداۋ ءوتتى, دەپ حابارلادى قازاقستاننىڭ يزرايلدەگى ەلشىلىگى. قازاقستاننىڭ يزرايلدەگى دوستارى ولاردىڭ ىشىندە كنەسسەتتىڭ (پارلامەنت) دەپۋ­تاتتارى, مەملەكەتتىك ورگان­دار­دىڭ لاۋازىمدى ادامدارى, ۇكىمەتتىك ەمەس قوعامدىق ۇيىم­­داردىڭ مۇشەلەرى, يزرايلدە اككرەديتتەلگەن ديپ­لوماتيالىق كورپۋس پەن بۇقارالىق اقپارات قۇ­رال­دارىنىڭ وكىلدەرى بار, اتال­عان رەسمي ءىس-شاراعا ۇلكەن بەل­سەندىلىكپەن قاتىستى. قوناقتار الدىندا ءسوز ءسوي­لەگەن قازاقستاننىڭ وسى ەل­دەگى ەلشىسى دۋلات قۋانىشەۆ ەلىمىزدىڭ 25 جىل ءىشىن­دە جەتكەن جەتىستىكتەرى تۋ­را­­لى باياندادى, سونىمەن قاتار, قازاقستان مەن يزرا­يل­ اراسىنداعى قارىم-قا­­تى­­ناستاردىڭ بيىلعى ناتيجەلەرى تۋرالى اڭگىمەلەپ بەردى. وسى جىلدىڭ ەكى ەل اراسىنداعى ەڭ ماڭىزدى وقيعاسى – يزرايل مەملەكەتىنىڭ پرە­مەر-ءمينيسترى بينيامين نەتا­نياحۋدىڭ قازاقستانعا تۇڭ­عىش رەسمي ساپارى الداعى 14  جەل­توقساندا, ۇلكەن مەرەكە – قازاقستان رەسپۋبليكاسى ءتاۋ­ەلسىزدىگىنىڭ 25 جىلدىعى قار­ساڭىندا وتكىزىلەتىندىگىن حابارلادى. بۇعان قوسا, ديپ­لومات كەشتىڭ قوناقتارىن الداعى جىل باسىندا الماتى قالاسىندا وتەتىن قىسقى ۋنيۆەرسيادا مەن استانادا وتكىزىلۋى جوسپارلانعان «ەكسپو-2017» حالىقارالىق ماماندىرىلعان كورمەسىنە كەلىپ قايتۋعا شاقىردى. ءىس-شارانىڭ قۇرمەتتى قو­نا­عى ءيزرايلدىڭ وڭىرلىك ىنتى­ماقتاستىق ءمينيسترىنىڭ ورىن­باسارى ايۋب كارا ءوزىنىڭ قۇت­تىقتاۋ سوزىندە قازاقستان دا­مۋىنىڭ دەڭگەيىنە جوعارى با­عا بەردى, سونىمەن قاتار, ەكى­جاقتى قارىم-قاتىناستار جاقسى ءورىس الىپ وتىرعانىن اتاپ ءوتتى. مەرەيتوي شەڭبەرىندە قازاقستاننىڭ تۋريستىك الەۋ­ەتى­نە ارنالعان فوتوكورمە ۇيىم­داستىرىلىپ, ەلىمىز تۋرالى بەينەسيۋجەتتەر مەن الداعى جىل­عا جوسپارلانعان باستى ءىس-شا­رالار قامتىلعان بەينەروليك­تەر كورسەتىلدى. «قازاقستان – ۇلى دالا ەلى» مو­بيلدىك قوسىمشاسىنا جار­نامالىق ناۋقان ۇيىم­داس­تى­رىل­دى. قوناقتار الدىندا قازاق­ستان­دىق ونەرپازدار كونتسەرت قويىپ بەردى.