يادرولىق سىناقتارعا قارسى ءىس-قيمىلدىڭ حالىقارالىق كۇنىنە وراي قازاقستان رەسپۋبليكاسى سىرتقى iستەر مينيسترلiگiنiڭ مالىمدەمەسى

29 تامىزدا 450-دەن اسا يادرو­لىق جارىلىس كورگەن سەمەي سى­ناق پوليگونىنىڭ جابىلعانىنا 20 جىل تولدى. 2009 جىلدىڭ جەل­توقسانىندا بىرىككەن ۇلتتار ۇيىمىنىڭ باس اسسامبلەياسى 29 تامىزدى يادرولىق سىناقتارعا قارسى ءىس-قيمىلدىڭ حالىقارالىق كۇنى رەتىندە جاريالاۋ تۋرالى قا­زاقستان ۇسىنعان قاراردى بiر­اۋىزدان قولداعان بولاتىن. بۇل حالىقارالىق قوعامداستىقتىڭ قا­زاقستاننىڭ الەمدىك يادرولىق قا­رۋسىزدانۋ ۇدەرىسىنە قوسقان ۇلە­سiن مويىنداۋىنىڭ جارقىن كورى­نىسى بولدى. ەگەمەندىگىمىزدى قايتارعان ۋا­قىتتان بەرى, باسقا مەملەكەتتەرمەن بىرلەسە يادرولىق قارۋ­سىز­دانۋ مەن ونى تاراتپاۋ ءتارتىبىن كۇشەيتۋگە قازاقستان بەلسەندى جانە دايەكتi اتسالىسۋدا. ءبىز ياد­رو­لىق سىناقتارعا جاپپاي تىيىم سالۋ شارتىنىڭ (ياسجتش) تەزi­رەك كۇشكە ەنۋiن قولدايمىز. ول ءۇشىن شارتتى راتي­فيكاتسيا­لاما­عان جانە وعان قول قويماعان تو­عىز ەلدى جاقىن ارادا ءتيىستى قا­دام­دار جاساۋعا شاقىرامىز. بiز ياسجتش-نى تاراتپاۋ ىسىندەگى ەڭ ءتيىمدى جانە ناقتى قۇرالداردىڭ ءبىرى دەپ بىلەمىز. الەمدەگى ەڭ ءىرى يادرولىق پولي­گوننىڭ ءبىرىن جابۋ تۋرالى پرەزيدەنت نۇرسۇلتان نازار­باەۆ­تىڭ جار­­­ل­ىعى مەن الەمدەگى  4-ءشى ياد­رو­لىق قارۋ-جاراق قويماسىن جويۋ تۋرالى تاريحي شەشiم قابىل­داعان قازاقستاننىڭ قادامى الەمدى يادرولىق قارۋدان ازات ەتۋدە ىلگەرىلەۋدىڭ جارقىن ۇلگىسى بو­لىپ تابىلادى. بارشا حالىقتار مەن مەملەكەت باسشىلارىنىڭ سايا­سي ەركى بولعان جاعدايدا مۇنداي تاڭداۋ جاساۋعا مۇمكىندىك بار ەكەنىنە كامىل سەنەمىز. بىرىككەن ۇلتتار ۇيىمىنىڭ باس حاتشىسى پان گي مۋن  يادرو­لىق سىناقتارعا قارسى ءىس-قي­مىل­دىڭ حالىقارالىق كۇنىنە وراي جاساعان مالىمدەمەسىندە اتاپ وتكەندەي, «يادرولىق سىناقتار مەن يادرولىق قارۋدى «قىرعي-قا­باق» سوعىستىڭ الدەقاشان جويى­لۋى ءتيىس بولعان قاۋىپتى قالدىعى رەتىندە قاراستىراتىنداردىڭ سا­نى كۇن سايىن وسۋدە». بiز وسىن­داي ۇستانىمعا ورتاقتاسا وتى­رىپ, يادرولىق قارۋدان ازات الەمدى قالىپتاستىرۋ ماقساتىندا بارشا مەملەكەتتەرمەن جانە بىرىككەن ۇلتتار ۇيىمىمەن تىعىز ىن­تى­ماقتاستىققا مۇددەلى ەكەندىگىمىزدى مالiمدەيمiز. يادرولىق سىناقتارعا قارسى ءىس-قيمىلدىڭ حالىقارالىق كۇنىن اتاپ وتە وتىرىپ, قازاقستان  جا­ھان­دىق قوعامداستىقتى يادرولىق سىناقتارعا جاپپاي تىيىم سالۋ مەن يادرولىق قارۋدان ازات الەمدى قالىپتاستىرۋدا باتىل ارەكەتتەر جاساۋعا شاقىرادى.