• 30 تامىز, 2011

فيلم پرەمەراسىن تاماشالادى

410 رەت

كورسەتىلدى

1 مين

وقۋ ءۇشىن

Egemen Qazaqstan

27 تامىزدا مەملەكەت باسشىسى نۇرسۇلتان نازارباەۆ «كەرۋەن» ساۋدا-ويىن-ساۋىق ورتالىعىندا بولىپ, «ا»-عا ورالۋ» اتتى جاڭا قازاقستاندىق كوركەم ءفيلمنىڭ پرەمەراسىن تاماشالادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. اۆتورلارى ۆلاديمير مويسەەنكو, الەكساندر نوۆوتوتسكي-ۆلاسوۆ بولىپ تابىلاتىن, عازيز ناسىروۆ پەن ديدار امانتايدىڭ قاتىسۋىمەن جازىلعان ستسەناريگە اۋعانستان سوعىسىنا قاتىسقان قارا مايور جايلى اڭىزدىڭ تاريحى ارقاۋ بولعان. ءفيلمنىڭ رەجيسسەرى – ەگور كونچالوۆسكي. باستى رولدەردە سەيدوللا مولداحانوۆ, بەرىك ايتجانوۆ, دەنيس نيكيفوروۆ, كارلىعاش مۇحامەدجانوۆا, يۆان جيدكوۆ, اندرەي شيبارشين, اشا ماتاي, ارمان اسەنوۆ, فارحات ءابدىرايىموۆ, گوشا كۋتسەنكو, گۇلنار دوسماتوۆا, ناتاليا ورىنباساروۆا, سەرگەي ۆەكسلەر, جانەل ماقاجانوۆا, گريگوري انتيپەنكو وينايدى. ءفيلمنىڭ العاشقى كورسەتىلىمىنەن كەيىن مەملەكەت باسشىسى ءتۇسىرۋ توبىمەن فيلم تۋرالى ءوز پىكىرىن ءبولىستى. – بۇل اۋعان سوعىسى بىزگە, قازاقستاندىقتارعا قاجەتى جوق ەدى. بىراق سولاي بولدى. جاستاردىڭ ءبىرازى قازاعا ۇشىرادى, كوبى مۇگەدەك بولىپ قالدى. ولاردى ۇمىتپاي, تاريحتى ەستە ساقتاۋ ءۇشىن, جاستارعا ونەگە ەتۋ ءۇشىن وتە قاجەت فيلم, – دەدى نۇرسۇلتان نازارباەۆ.