قادىر ءتۇنى ەلوردا مەشىتتەرى جاماعاتقا تولدى

وتىز كۇن ورازا ۇستاعان الەمدەگى بارشا مۇسىلماندارعا قادىر ءتۇنىن قارسى الۋ ەرەكشە قاسيەتتى. ەلىمىزدىڭ ءاربىر وڭىرىندەگى مەشىتتەردە اقشام ۋاقىتىنان تاڭ نامازىنا دەيىن يماندىلىق جايلى ۋاعىزدار ايتىلىپ, ناماز وقىلدى. ەلوردا مەشىتتەرىندە دە قالا تۇرعىندارى مەن قوناقتارى كوپتەپ جينالىپ, قادىر ءتۇنىن ەرەكشە ىجداھاتتىلىقپەن قارسى الدى. قازاقستان مۇسىلماندارى ءدىني باسقارما­سىنىڭ توراعاسى, باس ءمۇفتي ءابساتتار قاجى دەربىسالى قادىر ءتۇنىنىڭ عيباداتتارىن «نۇر استانا» ورتالىق مەشىتىندە جاماعاتپەن بىرگە اتقاردى. استانالىقتار مەن قالا قوناق­تا­رى باس ءمۇفتيدىڭ اۋزىنان ۋاعىز ەستىپ, ەلى­مىز­دىڭ زيالى قاۋىم وكىلدەرى يسلام ءدىنى تۋرالى اڭگىمەلەردى ەرەكشە ىقىلاسپەن تىڭدادى. رامازان ايىنىڭ كۇندiزى دە, ءتۇنi دە قاسيەتتi بولىپ ەسەپتەلەدi. اسiرەسە, سوڭعى ون كۇنى ەرەكشە باعالانادى. ويتكەنى, سوڭعى ونكۇن­دىك­تە ادام بالاسىنىڭ بiرجىلدىق تاعدىرى بەلگiلەنەتiن ەرەكشە ءتۇن – قادىر ءتۇنi بار. وسى تۇندە اللا تاعالا قاسيەتتi قۇران كا­رىمدi تۇسىرگەن. قادىر ءتۇنi اللا تاعالانىڭ رازىلىعى ءۇشiن جاسالعان ءاربىر حالال ءىس قۇلشىلىق بو­لىپ ەسەپتەلەدى. «نۇر استانا» ورتالىق مە­شىتىنىڭ نايب-يمامى تولەبي وسپان قاسيەتتى ءتۇندى اللا تاعالاعا قۇلشىلىق جاساۋ, ناماز, قۇران وقۋ, شاريعات ۇيرەنۋ, ۇيرەتۋ, ۋاعىز ايتۋ جانە تىڭداۋ, ءتاسبى تارتۋ, ءدىني كىتاپتار وقۋ, ءدىني فيلمدەر كورۋ, مەشىتكە كەلگەندە دۇنيە ءسوزىن سويلەمەۋ امالدارىن ورىنداۋ ارقىلى زيارات ەتىپ وتكىزۋ كەرەك دەگەندى ەرەكشە ايتا كەتتى. كiم رامازان ايىنىڭ ورازاسىن شىن يمان جانە ىقىلاسپەن ۇستاسا ءارi قادىر ءتۇنiن شىن يمان جانە ساۋاپ ۇمiتiمەن وتكiزسە ونىڭ بۇرىن iستەلگەن كۇنالارى كەشiرiلەدi دەلىنەدى. قادىر تۇنىندە جابرەيىل مەن بۇكىل پەرىشتەلەر جەر بەتىنە تۇسەدى. اللانىڭ ەلشىسى (س.ع.س): «شىن مانىندە, قادىر ءتۇنى جەر بەتىندە, پە­رىش­تەلەر ۇساق تاستاردان دا كوپ بو­لادى», – دەگەن ەكەن. مىنە, وسىنداي ۇلاعاتتى ۋاعىزدار ايتىلعان تۇننەن كەيىن «نۇر استانا» مەشىتىندە تاڭەرتەڭگىسىن جينالعان جاما­عاتقا سارەسى بەرىلدى. استاناداعى سادۋاقاس قاجى عىلماني مەشىتىنە دە كەلۋشىلەردىڭ قاتارى مول بولدى. تاراۋيح نامازى وقىلعاننان كەيىن جينالعان جاماعاتقا «قادىر ءتۇنىنىڭ قاسيەتى» تۋرالى ۋاعىزدار ايتىلدى. سوندىقتان دا وسى ءتۇندى اللانىڭ پەندەلەرگە شەكسىز راقىم جاۋدىر­عان ءتۇنى دەپ ەسەپتەيدى. ورازا ۇستاۋشىلار اۋىزدارىن اشقاننان كەيىن توزاقتىڭ قاقپاسى ق ۇلىپتالادى. قادىر تۇنىندە جاراتقانعا قۇل­شىلىق جاساعان پەندەگە 84 جىل ناماز وقىعان مۇسىلمان ادامنىڭ ساۋابىمەن پارا-پار ساۋاپ جازىلادى ەكەن. اللا تاعالا وسى ءتۇنى تىلەگەن تىلەكتەردى قابىل ەتىپ, جاساعان كۇنالارىمىزدى كەشىرەدى. مەشىتتىڭ نايب يمامى ءسابيت ەرەجەپوۆ قادىر ءتۇنىنىڭ جۇماعا سايكەس كەلۋىن ەرەكشە جاقسىلىققا جورىپ وتىرعاندىعىمەن ءبولىستى. قالتالى ازامات­تار­دىڭ قولداۋىمەن مەشىت ورازا ايىندا كۇن سايىن 100 ادامعا اۋىزاشار بەرىپ كەلگەن. بۇل جولى مەشىت اۋلاسىندا 500 ادام اۋىز اشسا, تاڭەرتەڭگى سارەسى دە بەرىلگەندىگىن ايتا كەتسەك دەيمىز. قادىر تۇنىندە اقتوبە, الماتى, تۇركى­س­تان قالالارى مەشىتتەرىندەگى عيبادات ءراسىم­دەرى تەلەارنالاردان تىكەلەي ەفير ارقىلى كور­سەتىلدى. وسىلايشا رامازان ايى 29 تامىز كۇ­نى اياقتالىپ, بۇگىن ءۇش كۇندىك ورازا ايت مەرەكەسى باستالدى. اسقار تۇراپباي ۇلى.