پارتيالىق باقىلاۋ كۇشەيتىلەدى

شىمكەنت قالاسىندا “نۇر وتان” حدپ قالالىق فيليالىنىڭ جاڭا عيما­راتى پايدالانۋعا بەرىلدى. ونىڭ اشىلۋ سالتاناتىنا “نۇر وتان” حدپ توراعا­سىنىڭ ءبىرىنشى ورىنباسارى نۇرلان نىعماتۋلين قاتىسىپ, ءسوز سويلەدى. ول پارتيانىڭ ەل ومىرىندەگى ماڭىزى تۋرا­لى ايتا كەلىپ, ەلباسىنىڭ تاپسىر­مالارىن قالتقىسىز جۇزەگە اسى­رۋعا دايىن بولۋ كەرەكتىگىن اتاپ كورسەتتى. ء“نۇرسات” شاعىن اۋ­دانىندا اشىلعان ءۇش قاباتتى عيما­رات­تىڭ دەمەۋشىلەردىڭ ءجا­نە دەپۋتاتتاردىڭ كومە­گى­مەن سالىنعا­نىن تىلگە تيەك ەتكەن «نۇر وتان» حدپ شىم­كەنت قالا­لىق في­ليالىنىڭ ءتور­اعاسى ومىرزاق مەلدەحانوۆ پارتيا جۇمى­سىنىڭ ودان ءارى جان­دانۋىنا كۇش سالاتىن­دىقتا­رىن جەتكىزسە, وبلىس اكىمى, “نۇر وتان” حدپ وبلىستىق فيليالىنىڭ توراعاسى اسقار مىرزاحمەتوۆ قالالىق فيليال باسشىلىعىنا شىمكەنت قالا­سىندا قولعا الىنعان ۇلكەن جوبالارعا پارتيا­لىق باقىلاۋدى كۇشەيتۋ قا­جەتتىگىن شەگەلەدى. جاڭا عيماراتقا ەندى بۇعان دەيىن كەڭسەنى جالعا الىپ كەلگەن اباي, ءال-فارابي جانە ەڭبەكشى اۋدان­دارىنىڭ فيليالدارى ورنالاساتىن بولادى. بۇعان دەيىن حابارلانعانىنداي, وسى­دان كەيىن “نۇر وتان” حدپ توراعا­سىنىڭ ءبىرىنشى ورىنباسارى باستاعان توپ “باتىس ەۋروپا – باتىس قىتاي” اۆ­توجولىنىڭ قۇرىلىسىن جۇرگىزىپ جات­قان جۇمىسشىلاردىڭ جاعدايىمەن تانىستى. پارتيا سىنىنا ىلىككەن مەردىگەر كومپانيالار بۇل كۇندەرى ءتارتىبىن تۇزەپ, جۇمىسشىلاردىڭ جاعدايىن جاساپ, ەلىمىزدىڭ زاڭناماسىن ساقتاۋعا دەن قويعان. قازىر مۇندا “نۇر وتاننىڭ” باقىلاۋ بەكەتى جۇمىس ىستەيدى. قازاق­ستان ءۇشىن ستراتەگيالىق ماڭىزى زور «باتىس ەۋروپا – باتىس قىتاي» جوبا­سىن ىسكە اسىرۋ جونىندەگى جۇمىس ۇنەمى پارتيانىڭ باقىلاۋىندا. حالىقارالىق كولىك ءدالىزىنىڭ ارقا­سىندا ايماقتا 600 جاڭا جۇمىس ورىندارى قۇرىلدى. «باتىس ەۋروپا – باتىس قىتاي» تاس جولىنىڭ ەكى جارىم مىڭنان استام شاقىرىمى قازاقستان اۋماعىندا وتەدى. ولاردىڭ 448-ءى وڭتۇستىك قازاقستان وبلىسىنا تيەسىلى. بۇل جوبا جۇزدەگەن قازاقستاندىق جۇمىس­شىلاردى جۇمىس ورىندارىمەن قامتيدى. قۇرىلىسشىلارمەن كەزدەسۋ بارى­سىندا نۇرلان نىعماتۋلين الىپ قۇرىلىستىڭ ۋاقىتىندا ءارى ساپالى سالىنىپ بىتۋىنە تىلەكتەستىگىن ءبىلدىردى. باقتيار تايجان, وڭتۇستىك قازاقستان وبلىسى.