ءتىل مايتالماندارى ماراپاتتالدى

استاناداعى پرەزيدەنتتىك مادەنيەت ورتالىعىندا قازاقستان حالقى اسسامبلەياسىنىڭ ۇيىمداستىرۋىمەن قازاقستان رەسپۋبليكاسى تاۋەلسىزدىگىنىڭ 20 جىلدىعىنا ارنالعان قازاقستاننىڭ ەتنوستىق توپتارى اراسىندا ەلىمىزدەگى ەتنوسارالىق بىرلىك پەن كەلىسىمدى نىعايتۋ, مەملەكەتتىك ءتىلدىڭ قازاقستان حالقىن بىرىكتىرۋشى فاكتور رەتىندەگى مارتەبەسىن ارتتىرۋ ماقساتىندا – «مەملەكەتتىك ءتىلدى ءبىلۋ – پارىزىڭ» اتتى رەسپۋبليكالىق وليمپيادا بولىپ ءوتتى. اتالعان ءىس-شارا – ەلىمىزدەگى ەتنوستىق توپ وكىلدەرىنىڭ مەملەكەتتىك ءتىلدى ۇيرەنۋگە دەگەن ىنتاسىن ارتتىرۋ, مەملەكەتتىك ءتىلدىڭ مەڭگەرىلۋى ارقىلى جاستاردى قوعامدىق بەلسەندىلىككە تارتۋ, قازاقستاندىق سايكەستىلىك پەن وتانسۇيگىشتىكتى قالىپتاستىرۋ ماسەلەلەرىنە وڭ ىقپالىن تيگىزۋدى كوزدەيدى. بۇل شارا بۇعان دەيىن رەسپۋبليكا بويىنشا وتكىزىلىپ, ەلىمىزدەگى 21 ۇلتتىڭ 300-دەن استام وكىلدەرى باعىن سىناسا, بۇگىنگى دودادا وبلىستار مەن قالالىق دەڭگەيدە وتكىزىلگەن بايقاۋلاردان ىرىكتەلگەن 18 بەن 30 جاس ارالىعىنداعى 16 جەڭىمپاز ءوز ءبىلىم-بىلىكتىلىگىن بايقاتتى. شارا بارىسىندا ولار «وتانتانۋ» تاقىرىبىندا ءوز ويلارىن جەتكىزىپ, «قازاق ءتىلىن ءبىلۋ ماعان نە بەرەدى؟» اتتى ەسسە جازسا, «مەملەكەتتىك ءتىل – ءىس جۇرگىزۋ ءتىلى» كەزەڭىندە مەملەكەتتىك تىلدە بلانك تولتىرىپ, جۋرناليستەرمەن قازاق تىلىندە ءباسپاسوز ءماسليحاتىن وتكىزىپ جانە «ونەرلىنىڭ ءورىسى كەڭ» اتتى تاقىرىپ بويىنشا قازاق حالقىنىڭ ونەرىن ناسيحاتتادى. قاتىسۋشىلاردىڭ ءبىلىمى مەن بىلىكتىلىگىن قوعام قايراتكەرلەرى, عالىمدار مەن تىلشىلەر باعالاپ, جۇلدەگەرلەرگە ارنايى سىيلىقتار «ۇلت تاعدىرى» قوعامدىق قوزعالىسىنىڭ, «لينگا» ءتىل وقىتۋ ورتالىعى مەن «مەنىڭ ەلىم» جۋرنالى اتىنان بەلگىلەنىپ, جەڭىمپازدار قازاقستان حالقى اسسامبلەياسىنىڭ اتىنان ديپلوم, العىس حات جانە باعالى سىيلىقتارمەن ماراپاتتالدى. بەرىك سادىر.