دارىگەرلەرگە دەمەۋ

ادام جانىنىڭ اراشاشىسى – اق حالاتتى ابزال جاندارعا دەگەن كوز­قاراس بولەك. سوعان سايكەس, قام­قورلىقتىڭ دا وزگەشە بولۋى زاڭ­دى. ويتكەنى, ولار ادامدى اجال­­دان اراشالايدى. دەنىنىڭ ساۋ­­لىعىن قام­تاماسىز ەتەدى. دەرتتەن ايىق­تى­رادى. ومىرمەن قايتا قاۋىش­تى­رادى. سىر بويىنىڭ ەكولوگيالىق ايماققا جاتاتىنى بارشاعا ايان. ەكولوگيالىق ايماق بولعان سوڭ اۋ­رۋ-سىراقاۋدىڭ دا از بولمايتى­نى بەلگىلى. وسى رەتتە قىزىلور­دا­لىق دارىگەرلەردىڭ موينىنا ارتى­لار جۇكتىڭ دە سالماعى اۋىرلاي بەرمەك. باسى اۋىرىپ, بالتىرى سىز­داعان قانشاما جان كۇن سايىن وب­لىستىڭ مەديتسينالىق ورتالىق­تىڭ ەسىگىن قاعادى. ولار قاباق شىتپاي كومەك بەرەدى. بۇرناعى كۇنى وبلىس باسشىسى بولاتبەك قۋ­اندىقوۆ وبلىستىق اۋرۋحاناعا ارنايى بارىپ, ونىڭ تىنىس-ءتىر­شىلىگىمەن تانىسىپ, قىزمەتكەر­لە­رىمەن جولىقتى. وسى كەزدەسۋدەگى ەڭ باستى جاڭالىق – دارىگەرلەرگە ارنالىپ سالىناتىن 50 پاتەرلىك تۇرعىن-ءۇي ەدى. ايماق باسشىلىعى دارىگەرلەردىڭ قامسىز جۇمىس ىستەۋى ءۇشىن ولارعا ارنايى قىزمەتتىك پاتەر سالىپ بەرىپ جاتىر. اكىم تۇرعىن ءۇيدىڭ العاشقى كىرپىشىن قالاۋ راسىمىنە قاتىستى. دارىگەرلەرگە ارنالىپ سالى­نىپ جاتقان بۇل تۇرعىن ءۇيدىڭ قۇ­رى­لى­سى مەن جوبالاۋ جۇمىس­تا­رى­نا بيۋد­جەتتەن 365,0 ميلليون تەڭگە جۇمسالادى. ونىڭ قۇرى­لىسىن «جەز كيىك» كومپانياسى جۇرگىزىپ جاتىر. شالعايدا جاتقان اۋىلداعى ناۋقاستى وبلىس ورتالىعىنا جەتكىزۋ وڭاي شارۋا ەمەس. جەدەل ءجار­دەممەن دىتتەگەن جەرگە جەتكەنشە, جانىڭ ءۇزىلىپ كەتۋى دە مۇمكىن. سوندىقتان مەملەكەتتىك ساياسات ناۋ­قاستاردى تىكۇشاق ارقىلى جەتكىزۋگە باسىمدىق بەرىپ وتىر. سول كۇنى بولاتبەك قۋاندىقوۆ مي-17 تىكۇشاعىنىڭ جۇمىسىمەن تانىس­تى. دەنساۋلىق ساقتاۋ سالا­سىن ودان ءارى جەتىلدىرۋگە باعىت­تالعان 2011-2015 جىلدارعا ار­نال­عان «سا­لاماتتى قازاقستان» مەم­لە­كەت­تىك باعدارلاماسىندا وسى باعىت اي­قىن كورسەتىلگەن. ودان بولەك ەلباسىنىڭ بيىلعى «بولا­شاق­تىڭ ىرگەسىن بىرگە قالايمىز!» اتتى قا­زاقستان حالقىنا جول­داۋ­ىندا دا دەنساۋلىق سالاسىنا با­سىمدىق بەرىلگەن. وسىعان وراي «كە­زەك كۇت­تىر­مەيتىن مەديتسينا­لىق جاردەم رەسپۋبليكالىق عى­لى­مي-ورتالى­عى» مەن «قازاۆيا­قۇت­قارۋ» اق ارا­سىندا كەلىسىم-شارت جاسالدى. سوعان سايكەس قى­زىلوردا وبلى­سىن­دا «قازاۆياقۇت­قارۋ» اق-نىڭ فيليالى اشىلىپ, وعان ءبىر تىك­ۇش­اق بەرىلدى.  بيىلعى جىلعى رەس­پۋب­ليكالىق بيۋدجەتتەن اتالعان تىكۇشاقتى پايدا­لا­نۋعا 100 ميلليون تەڭگە ءبو­لىندى. بۇل تىكۇشاق­تىڭ باسقالاردان ءوز­ىن­دىك ايىر­ما­شىلىعى بار. تىك­ۇش­اق كۇندىز-ءتۇنى  ۇشا بەرەدى. بۇل, ناۋقاستارعا ءۇز­دىك­سىز كومەك كورسەتىلەدى دەگەن ءسوز. ەرجان بايتىلەس, قىزىلوردا.