فورۋمعا قاتىسۋشىلارعا قۇتتىقتاۋ جولدادى

قازاقستان رەسپۋبليكاسىنىڭ پرەزيدەنتى نۇرسۇلتان نازار­باەۆ «التاي – تۇركى الەمىنىڭ التىن بەسىگى» تۇڭعىش حالىقارالىق فورۋمىنا قاتىسۋشىلارعا قۇتتىقتاۋ جول­دادى, دەپ حابارلادى قازاقستان رەسپۋبليكاسى پرەزيدەنتى­نىڭ ءباسپاسوز قىزمەتى. وندا بىلاي دەلىنگەن: «التاي – تۇركى الەمىنىڭ التىن بەسىگى» تۇڭعىش حالىقارالىق فو­رۋ­مىنا قاتىسۋشىلارعا سالەم جولدايمىن. التاي ەجەلدەن «وركەنيەت بەسىگى» – ەۋرازيا قۇر­لىعىنداعى كوپتەگەن تۇركى حالىقتارىنىڭ اتامەكەنى سانا­لا­دى. ءوزىنىڭ تابيعاتىنان عا­جايىپ ولكە ەۋرازيانىڭ گەو­گرا­فيالىق جانە ساياسي ورتا­لى­عى بولىپ تابىلادى». قازاقستان باسشىسى ءوزىنىڭ قۇتتىقتاۋىندا سونداي-اق كونە تۇركى جازباسى ءدال وسى جەردە پايدا بولعانىن, ءبىزدىڭ اتا-با­بالارىمىزدىڭ تاريحى تۋرالى ايتاتىن كوپتەگەن ەسكەرتكىش­تەر­دىڭ دە وسى جەردە جاسال­عا­نىن اتاپ كورسەتەدى. « ۇلى كوشى-قون» ۋاقىتىندا تاۋلى التاي اۋماعى كونە مادەني داستۇرلەردى ساقتاۋشىلاردىڭ ترانسميگراتسياسى وتكەن «ءدالىز» بولدى», دەيدى ءوز قۇتتىق­تاۋىندا پرەزيدەنت. التايدى قايتا جاڭ­عىر­تۋ­دىڭ قازىرگى كەزەڭى كوپتەگەن مەم­لە­كەتتەر مەن حالىقتاردىڭ ءمۇد­دە­سىنە جاۋاپ بەرەدى. ءويت­كەنى, بۇل ۇدەرىس بۇكىل ەۋرازيا قۇرلى­عىن­دا مادەني جانە گۋ­ما­نيتارلىق ىنتىماقتاستىقتى ودان ءارى تەرەڭدەتۋ ءۇشىن ءىس-قيمىل تۇعىرناماسى قىزمەتىن اتقارادى. مەملەكەت باسشىسى قۇت­تىق­تاۋىنىڭ سوڭىندا فورۋمعا قا­تى­سۋشىلار شىعىس پەن باتىس حالىقتارىن بىرلىككە ۇندەيتىن عا­جايىپ ءوڭىردىڭ قايتا جاڭ­عى­رۋى جولىندا ودان ارعى قا­دام­دارىن ايقىندايتىنىنا سەنىم بىلدىرەدى جانە جەمىستى جۇمىس تىلەيدى.