كورەيا پرەزيدەنتى – استانانىڭ قۇرمەتتى ازاماتى

كەشە مەملەكەت باسشىسى نۇرسۇلتان نازارباەۆ ەلىمىزگە رەسمي ساپارمەن كەلگەن كورەيا رەسپۋبليكاسىنىڭ پرە­زيدەنتى لي ميون باككە ەكى ەلدىڭ دوس­تىق قارىم-قاتىناسىن نى­عاي­تۋ ىسىنە قوسقان ەلەۋلى ۇلەسى ءۇشىن «استانا قالاسىنىڭ قۇر­مەتتى ازاماتى» اتاعىن تا­بىس ەتتى. اتاقتى تاپسىرۋ راسىمىندە استانا قالاسىنىڭ اكىمى ي.تاس­ماعامبەتوۆ مارتەبەلى مەيمانعا اتاقتى بەرۋ تۋرالى شەشىمنىڭ 2011 جىلدىڭ 19 تامىزى كۇنى قا­بىلدانعانىن اتاپ ءوتتى. ودان ءارى ول استانانىڭ دامۋ دەڭگەيى مەن ەكى ەل اراسىنداعى دوستىق جانە ىنتىماقتاستىعى تۋرالى ويلارى­مەن ءبولىستى. «ءبىز سىزدەردى ءار­قا­شان وتانىمىزدا قارسى الۋعا قۋا­نىشتىمىز. استانا – وتانى­مىزدىڭ جۇرەگى, استانا – تاۋەل­سىز­دىگىمىزدىڭ بەلگىسى, استانا – ول پوستكەڭەستىك كەڭىستىكتەگى ەڭ ادەمى, ساۋلەتى مەن داۋلەتى جاراس­قان قالا. استانا – ۇلت كوش­باس­شىسى, پرەزيدەنت نۇرسۇلتان نازارباەۆتىڭ قالاسى», – دەدى ول. ودان كەيىن قالا اكىمى ەكى ەل پرەزيدەنتتەرىنىڭ دوستىق قارىم-قاتىناستارىنىڭ ارقاسىندا قا­زاق­ستان مەن كورەيا ەلدەرىنىڭ ساياسي جانە ەكونوميكالىق ىنتى­ماق­تاستىعى جىلدان-جىلعا دامىپ, سوڭعى كەزدەرى ەكى ەلدىڭ ساۋدا اينالىمى ارتىپ كەلە جاتقانىن اتاپ ءوتتى. ول قازىر ەلىمىزدە 300-دەن استام بىرلەسكەن كاسىپ­ورىن­داردىڭ جۇمىس ىستەيتىنىن, سونىڭ ناتيجەسىندە قازاقستانعا كورەيادان 4 ملرد. اقش دوللارى كو­لەمىندە ينۆەستيتسيا تارتىل­عا­نىن جەتكىزدى. وسىدان كەيىن سالتاناتتى شارادا استانا قالاسى ءماسلي­حاتى­نىڭ حاتشىسى ۆ.رەدكوكاشين كورەيا رەسپۋبليكاسىنىڭ پرەزيدەنتى لي ميون باككە قالانىڭ قۇر­مەتتى ازاماتى اتاعىن بەرۋ تۋ­رالى شەشىمدى وقىپ بەرگەننەن كەيىن, ەلباسى ن.نازارباەۆ ءمار­تەبەلى مەيمانعا «استانا قالا­سىنىڭ قۇرمەتتى ازاماتى» اتاعىن تاپسىردى. داستان كەنجالين, سۋرەتتەردى تۇسىرگەندەر س.بوندارەنكو, ب.وتارباەۆ.