جاڭا مەديتسينالىق ورتالىقتىڭ تانىستىرىلىمى

قازاقستان رەسپۋبليكاسى پرەزيدەنتى ءىس باسقارماسىنىڭ مەدي­تسي­نالىق ورتالىعى ەمحاناسىندا «چاسەن» ءداستۇرلى شى­عىس مەديتسينالىق ورتالى­عى­نىڭ جۇمىسىن تانىس­تىرۋعا ار­نال­عان كەزدەسۋ بولىپ ءوتتى. 105-ءشى كورەيا مەديتسينا قىزمەتىنىڭ قازاق­ستانداعى كۇندەرى بيىل تامىزدىڭ 23-25-ىنە بەل­گىلەنگەندىكتەن, اتالمىش كەزدەسۋ دە وسىعان وراي­لاس­تىرىلعان ەدى. كەزدەسۋگە كورەيا رەسپۋبليكا­سى­نىڭ قازاقستان رەسپۋبليكا­سىن­داعى توتەن­شە جانە وكىلەتتى ەلشىسى لي بەن حۆا, كورەيانىڭ «Komsta» ۇكىمەتتىك ەمەس ۇيى­مىنىڭ باسشىسى كانگ دونت چول جانە باسقا دا دەنساۋلىق ساقتاۋ مە­كە­مەلەرىنىڭ وكىلدەرى قاتىستى. «چاسەن» ءداستۇرلى شىعىس مە­دي­تسي­نالىق ورتالىعىنىڭ نەگىزگى جۇمىس­تا­رى ومىرتقا سۇيەكتەرى­نىڭ اۋرۋلارىن ەمدىك قاسيەتتەرى بار شوپتەرمەن ەمدەۋ, ءداستۇرلى شىعىس مەديتسيناسى ارقىلى ساۋ­ىق­تىرۋ, مانۋالدى تەراپيا, ينە شانشۋ جانە شىعىس مەديتسي­نا­سىنىڭ نەگىزىندە قۇرىلعان دەنە شىنىقتىرۋ قيمىلدارى ارقىلى وڭالتۋ باعىت­تا­رىندا جۇرگى­زى­لەدى. كەزدەسۋگە كەلگەن لي بەن حۆا ەكى ەل اراسىنداعى ىنتىماق­تاس­تىققا كەڭىنەن توقتالىپ, ديپ­لو­ما­تيالىق بايلانىس­تا­عى مەدي­تسينانىڭ الاتىن ورنىن ەرەك­شە اتادى. ول ءوز سوزىندە: «قا­زاقستان مەن كورەيا اراسىنداعى ءوزارا ىقپالداستىقتىڭ تەرەڭ تامىر جاي­عانىنا بيىل 20 جىل تولىپ وتىر. وسى جىلدار ىشىندە ەكى ەلدىڭ بولاشاعىنا قاتىستى كوپتەگەن كەلەلى ماسەلەلەردى تال­قىلاپ, ديپلوماتيالىق قارىم-قا­تى­ناستا ساليقالى جۇمىستار اتقارىپ كەلەمىز. بۇدان بىلاي دا بارىس-كەلىسى تەك بەيبىت ءارى دوس­تىق نيەتتە بولاتى­نى­نا كامىل سەنىمدىمىن», دەدى. ەلىمىزدە اشىلىپ وتىرعان «چاسەن» ءداستۇرلى شىعىس مەدي­تسي­نالىق ورتا­لى­عىنىڭ جۇمىسى جايلى كورەيانىڭ «Komsta» ۇكىمەتتىك ەمەس ۇيىمىنىڭ باس­شىسى كانگ دونت چول دا ارنايى اي­تىپ ءوتتى. «ورتالىقتان­دى­رىل­عان ۇيىم 1993 جىلدان بەرى جۇمىس جاساپ كەلەدى. ەڭ باسىندا ءوز جۇمىسىمىزدى تەك العاشقى مەديتسينالىق كومەك كور­سەتۋ تۇرىندە جۇرگىزگەنبىز. الايدا ۋا­قىت وتە كەلە كاسىبي مامانداردى توپ­تاستىرۋ ارقىلى حالىق­ارا­لىق دەڭ­گەي­دە ءوز مەديتسي­نا­مىز­دى ناسيحاتتايتىن دەڭگەيگە جەتتىك. قازاقستان بويىنشا ءبىزدىڭ ورتالىق وسىعان دەيىن تەك ال­ماتىدا جۇمىس ىستەگەن. حالىق­تىڭ سۇ­را­نىسىنا ساي الداعى ۋا­قىتتا باسقا دا وبلىستاردا ورتا­لىعىمىزدى اشساق دەگەن جوسپارىمىز بار», دەدى ول. اقش-تا, ەگيپەتتە, باتىس ەۋ­رو­پا­نىڭ ءبىراز ەلىندە ءوز ءبولىم­شەلەرىن اشىپ ۇلگەرگەن بۇل ورتالىققا كومەكتى قاجەتسىنگەن قاراپايىم حالىق قانا ەمەس, الەمگە تانىمال سپورت جانە شوۋ-بيزنەستىڭ وكىلدەرى دە ءجيى اتباسىن تىرەيدى ەكەن. اراي ۇيرەنىشبەكقىزى.