جۇمىسپەن قامتۋ جاعدايىمەن تانىستى

كەشە پرەمەر-مينيستر­دىڭ ورىنباسارى ەربول ورىن­باەۆ پەن ەڭبەك جانە حا­لىق­تى الەۋمەتتىك قورعاۋ ءمينيسترى گۇلشارا ابدىحالىقوۆا جۇمىس ساپارىمەن قارا­عان­دى وبلىسىندا بولدى. جۇ­مىس ساپارىنىڭ باستى ماق­سا­تى – «جۇمىسپەن قامتۋ-2020» مەملەكەتتىك باعدارلاماسى­نىڭ جۇزەگە اسۋ جايىمەن تا­نىسۋ.  2011 جىلدىڭ 1 شىلدەسىنەن باستاپ, قاراعاندى وبلىسىندا  تۇرعىنداردى جۇمىسپەن قامتۋ­دىڭ 19 ورتالىعى جۇمىسىن باس­تادى. ولاردىڭ مىندەتى باع­دار­لامادا كوزدەلگەن مەملەكەتتىك قولداۋ شارالارى اياسىندا ازا­مات­تاردى ساپالى قىزمەتپەن قام­تاماسىز ەتۋ بولىپ تابىلادى. پرەمەر-ءمينيستردىڭ ورىن­با­سا­رى مەن ەڭبەك جانە حالىقتى­ الەۋمەتتىك قورعاۋ ءمينيسترى جۇ­مىس ساپارى بارىسىندا وساكاروۆ اۋدانىنداعى جۇمىسپەن قامتۋ ورتالىقتارىنىڭ بىرىندە بولدى. وندا قوناقتار جۇمىس كابينەتتەرىن كورىپ, كومپيۋتەرلىك جۇيە جۇمىسىمەن تانىستى, كەلۋشىلەرمەن پىكىرلەستى. جۇمىس ساپارى ودان سوڭ تەمىرتاۋ قالاسىندا جالعاسىن تاپ­تى. مۇندا ەربول ورىنباەۆ, گۇل­شارا ابدىحالىقوۆا جانە قارا­عاندى وبلىسىنىڭ اكىمى سەرىك احمەتوۆ «NORD پروم نس» جشس-دا بولدى. اعىمداعى جىل­دىڭ ما­مىر ايىندا وسى زاۋىتتا ين­دۋس­تريالاندىرۋ كارتاسىنا ەنگىزىلگەن  بەتوننان جاسالعان تەمىر جول شپالدارىن شىعاراتىن ين­ۆەس­تيتسيالىق جوبا ىسكە قوسىلعان بولاتىن. قاراعاندىدا لاۋازىمدى مەي­ماندار «گيپپوكرات» مف جشس مەن قاراعاندى پوليتەح­ني­كالىق كوللەدجىنە بارىپ, جۇ­مىس جاعدايىمەن تانىستى. بۇل مەكەمەلەر دە جوعارىداعى «NORD پروم نس» جشس سياقتى «جۇمىسپەن قامتۋ-2020»  باع­دار­لا­ماسىنىڭ بەلسەندى قاتى­سۋ­شى­لارى بولىپ تابىلادى. 2010-2011 جج. «گيپپوكرات» جشس-ءنىڭ «قالپىنا كەلتىرۋ, ەمدەۋ جانە مەديتسينالىق رەابيليتاتسيا ور­تا­لىعىن جاڭعىرتۋ مەن جاب­دىقتاۋ»  جوباسىنىڭ نەسيەسى سۋب­سيديالاندى. بۇل مەدي­تسي­نا­لىق قىزمەتكەرلەر ءۇشىن جاڭا جۇمىس ورىندارىن قۇرۋعا ءمۇم­كىندىك بەردى. ال, پولي­تەح­ني­كا­لىق كوللەدج بولسا بۇگىنگى تاڭ­دا­عى سۇرانىسقا يە مامان­دىق­تارعا وقىتاتىن وقۋ وردالارى­نىڭ ءبىرى بولىپ تابىلادى. ايتا كەتۋ كەرەك, اعىمداعى جىلى قاراعاندى وبلىسىنا جوعارىدا اتالعان باعدارلامانى جۇزەگە اسىرۋعا رەسپۋبليكالىق بيۋدجەتتەن  6 ملرد. 464 ملن. تەڭگە ءبولىنىپ وتىر. «ەگەمەن-اقپارات».