جۇزدەسۋلەر جۇيەلى ىستەرگە جەتەلەيدى

كەشە قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ ەلىمىزدە مەملەكەتتىك ساپارمەن جۇرگەن كورەيا پرەزيدەنتى دەلەگاتسياسىنىڭ قۇرامىندا كەلگەن كورەيا رەسپۋبليكاسىنىڭ سىرتقى ىستەر جانە ساۋدا ءمينيسترى كيم سون حۆانمەن كەزدەستى. مينيسترلەر جۇزدەسۋى دوستىق راۋىشتە ءوتىپ, ەمەن-جارقىن اڭگى­مە­مەن جالعاسىن تاپتى. ەلىمىز سىرتقى ساياسات ۆەدومستۆوسىنىڭ باسشىسى ءوز سوزىندە بىلاي دەدى: «پرەزيدەنت لي ميون باكتىڭ اس­تاناعا ساپارى ەكى ەلدىڭ ساياسي ءۇن­قاتىسۋىن, ساۋدا-ەكونوميكالىق, ينۆەستيتسيالىق جانە گۋماني­تار­لىق بايلانىستارىن تەرەڭدەتۋ تۇر­عىسىنان العاندا وتە ماڭىز­دى». وسى رەتتە ە.قازىحانوۆ جو­عا­رى دەڭگەيدەگى كەلىسسوزدەر با­رىسىندا ەكىجاقتى ىنتىماقتاس­تىق­تى ودان ءارى نىعايتۋ مەن وسىعان دەيىن قول جەتكىزىلگەن كەلىسىمدەردى جۇزەگە اسىرۋعا قا­تىس­تى اشىق تا كونسترۋكتيۆتى پىكىر الىسۋ بولاتىنىنا سەنىم ءبىلدىردى. «سوڭعى 3 جىل ىشىندە قازاقستان مەن وڭتۇستىك كورەيا ىنتىماقتاستىعى قارقىن­دى دامۋدا. ىقپالداستىق ستراتە­گيا­لىق ارىپتەستىكتىڭ جاڭا دەڭ­گەيىنە شى­عىپ كەلەدى», دەدى ە.قا­زىحانوۆ. وسى رەتتە كورەيا رەسپۋب­لي­كا­سىنىڭ پرەزيدەنتى لي ميون باك­تىڭ مەملەكەتتىك ساپارى قازاق­ستان مەن وڭ­تۇستىك كورەيا ارا­سىن­داعى ديپ­لوماتيالىق قارىم-قاتى­ناس­تار­دىڭ 20 جىلدىعىنىڭ قارساڭىندا ءوتىپ جاتقانى اتالىپ ءوتتى. ستراتەگيالىق ارىپتەستىكتىڭ ما­ڭىزدى ءارى نەگىزگى دىڭگەكتەرىنىڭ ءبىرى ساۋدا-ەكونوميكالىق ىقپال­داس­تىقتى ارتتىرۋ دەسەك, بۇل با­عىتتا دا ايتارلىقتاي الەۋەت بار ەكەنىن ايتا كەتكەن ءجون. كورەيا­نىڭ ەلىمىزگە سالعان تىكەلەي ين­ۆەستيتسياسىنىڭ كولەمى 3,5 ميلليارد اقش دوللارى بولسا, كورەيلىك كاپيتالدىڭ قاتى­سۋىمەن 330-عا تارتا بىرلەسكەن كاسىپورىن جۇمىس ىستەپ تۇر. «ءبىز ىسكەرلىك بەلسەندىلىك سالاسىنداعى جەتىستىكتەرىمىزدى قولداپ, ول ءۇشىن جاڭا ءارى ءتيىمدى تەتىكتەردى بىرلەسە ىزدەستىرۋىمىز قاجەت», دەپ اتاپ كورسەتتى ەلىمىزدىڭ سىرتقى ساياسات ۆەدوم­ستۆو­سىنىڭ باسشىسى. اسقار تۇراپباي ۇلى.