بەرەكە باستاۋى – بەلسەندىلىك

قورعانىس مينيسترلىگىندە ۆەدومستۆو باسشىسى ادىلبەك جاقسىبەكوۆتىڭ ءتور­اعالىق ەتۋىمەن مينيسترلىكتىڭ القا وتىرىسى بولىپ ءوتتى. كۇن تارتىبىنە سايكەس قازاقستان قارۋلى كۇشتەرىنىڭ ساپا كورسەتكىشتەرىنە بايلانىستى ءبىر­قاتار ماسەلەلەر قارالدى. قاتىسۋشىلار اسكەري ءتارتىپ پەن قۇقىق قورعاۋ جاع­دايىن, سونداي-اق قارۋلى كۇشتەر ينفراقۇرى­لىم­دارىنىڭ قىسقا ازىرلىگىن تالقىلادى. – قورعانىس مينيسترلىگى قىزمەتىن­دەگى ۇيىمداستىرۋ ماسەلەلەرىنە ەل باسشى­لىعى باسا نازار اۋدارىپ كەلەدى. قارۋلى كۇشتەردىڭ ءومىر تىنىسىنداعى بارلىق باعىتتار بويىنشا ۇزاق مەرزىمدى ستراتەگيالىق شەشىمدەر قابىل­دانۋدا, – دەپ اتاپ ءوتتى ءوز سوزىندە قور­عانىس ءمينيسترى ادىلبەك جاقسىبەكوۆ. – وسىعان بايلانىستى جانە اسكەري دوك­تريناعا سايكەس, سونداي-اق مەملەكەت باس­شى­سىنىڭ نۇسقاۋىمەن وتكىزىلگەن شارالار بىزدەن, قارۋلى كۇشتەردەن بو­لاشاقتا جاۋىنگەرلىك ازىرلىك دەڭگەيىن كوتەرۋ ءۇشىن جۇيەلى تالداۋ جاساۋدى جانە ءتيىمدى شارا قابىلداۋدى تالاپ ەتەدى. كۇن تارتىبىندەگى – قارۋلى كۇشتەر ينفراقۇرىلىمىنىڭ قىسقى كەزەڭگە ازىرلىگى تۋرالى ەكىنشى ماسەلە دە ماڭىزدى بولدى. وكسانا پارپۋرا, قورعانىس مينيسترلىگى ءباسپاسوز قىزمەتىنىڭ قىزمەتكەرى.