استاناعا گاسترولدىك ساپارمەن كەلگەن م.لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ بەس كۇن قاتارىنان (26-30 تامىز) ك.بايسەيىتوۆا اتىنداعى ۇلتتىق وپەرا جانە بالەت تەاترىندا ۇسىناتىن ساحنالىق تۋىندىلارى نەگىزىنەن تاۋەلسىزدىكتىڭ 20 جىلدىق مەرەكەسى قۇرمەتىنە ارنالادى.
دالىرەگى, تەاتردىڭ كوركەمدىك جەتەكشىسى, قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى رۋبەن اندرياسياننىڭ باق وكىلدەرىمەن بولعان ءباسپاسوز ءماسليحاتىندا ايتقانىنداي, شىڭعىس ايتماتوۆ پەن قالتاي مۇحامەدجانوۆتىڭ «كوكتوبەدەگى كەزدەسۋ» ەكى ءبولىمدى دراماسى ەل مەرەيتويىنا تارتۋ رەتىندە كورەرمەن نازارىنا ۇسىنىلماق. «بۇل سپەكتاكلدى مەرەكەگە نە ءۇشىن لايىق دەپ ەسەپتەيسىز؟» دەگەن سۇراققا رەجيسسەر: «ويتكەنى, مۇندا ادامنىڭ ار-ۇجدانى تۋرالى تەرەڭ وي قوزعالادى. ادامدى ادام رەتىندە ساقتاپ قالاتىن قاشاندا ونىڭ بويىنداعى وسىنداي قاسيەتتەرى دەپ ەسەپتەيمىن. بۇل ءبىر كۇندىك ماسەلە ەمەس, ول زاماندار بويى ادامزات بالاسىنىڭ اقىل-ويىنا ارقاۋ بولىپ كەلە جاتقان وزەكتى تاقىرىپ. مۇنداي نامىس پەن اردىڭ ءسوزى شىعارماشىلىق يەلەرىن ماڭگى تولعانتىپ, تەبىرەنتىپ وتىرۋىمەن ءماندى بولىپ قالا بەرەدى. سول سەبەپتى دە قوس قالامگەردىڭ ءومىرى ەسكىرمەيتىن, ءالى تالاي شىمىلدىقتىڭ شىنايى كورىنىسىنە ۇيىتقى دەرلىك تۋىندىسىن ەل تويىنا لايىقتى تارتۋ رەتىندە ادەيىلەپ تاڭداپ ۇسىندىق» دەيدى.
تەاتر ديرەكتورى يۋري ياكۋشەۆ ەلوردالىق كورەرمەندەردىڭ كلاسسيكالىق شىعارمالاردى وتە جىلى قابىلدايتىنىن ايتىپ, سول ءۇشىن دە مارك كامولەتتيدىڭ «التى ادامدىق پيجاما» كومەديالىق تۋىندىسىن وسى كۇندەرى كورەرمەندەر نازارىنا ۇسىنۋدى جوسپارلاپ كەلگەنىن اڭگىمەلەدى. الەم ساحنالارىندا ەڭ كوپ قويىلعان سپەكتاكل رەتىندە گيننەستىڭ رەكوردتار كىتابىنا ەنگەن شىعارمانى حالىققا مۇلتىكسىز ءمانەرمەن جەتكىزۋگە ءبىر كىسىدەي ەڭبەك سىڭىرگەن رەجيسسەر ۆلاديمير مولچانوۆتىڭ دا قولتاڭباسىن ەلوردالىق كورەرمەن جاقىننان باعالاۋ مۇمكىندىگىنە يە بولىپ وتىر. بەلگىلى تەاتر جانە كينو رەجيسسەرى رۋستام يبراگيمبەكوۆتىڭ «ارەدىك كەزدەسۋ ءۇشىن ارىپتەس ىزدەيمىن» ەكى كورىنىستى تراگيكومەدياسىن ساحنالاعان يگور گونوپولسكيدىڭ بۇل دۇنيەسىن كورەرمەن وسىدان جەتى جىل بۇرىن تۇشىنا قابىلداعانى, العاشقى قويىلىمىن پەسا اۆتورىنىڭ ءوزى كەلىپ تاماشالاعانى حالىق جادىندا. «اپتاپ ءشولدىڭ اپپاق كۇنى», «ۋرگا – ماحاببات مەكەنى», «ءسىبىر شاشتارازى», «كوشپەندىلەر» فيلمدەرى ارقىلى كوپشىلىككە ەتەنە تانىس ستسەناريشى قازاقستاندىق ارىپتەستەرىنىڭ جاڭالىعىن ەستىگەندە: «بۇل سپەكتاكلدى باكۋدەن كەيىن ءوز ساحناسىنا كوتەرگەن الماتى تەاترى دەپ قۋانىشتان جۇرەگى جارىلا جازداپتى». ەندى, مىنە, وسى ءۇش تاڭداۋلى دۇنيەگە ەلوردالىق جۇرتشىلىقتىڭ كۋا بولار ءساتى تۋىپ وتىر.
قاراشاش توقسانباي, سۋرەتتى تۇسىرگەن ورىنباي بالمۇرات.
دالىرەگى, تەاتردىڭ كوركەمدىك جەتەكشىسى, قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى رۋبەن اندرياسياننىڭ باق وكىلدەرىمەن بولعان ءباسپاسوز ءماسليحاتىندا ايتقانىنداي, شىڭعىس ايتماتوۆ پەن قالتاي مۇحامەدجانوۆتىڭ «كوكتوبەدەگى كەزدەسۋ» ەكى ءبولىمدى دراماسى ەل مەرەيتويىنا تارتۋ رەتىندە كورەرمەن نازارىنا ۇسىنىلماق. «بۇل سپەكتاكلدى مەرەكەگە نە ءۇشىن لايىق دەپ ەسەپتەيسىز؟» دەگەن سۇراققا رەجيسسەر: «ويتكەنى, مۇندا ادامنىڭ ار-ۇجدانى تۋرالى تەرەڭ وي قوزعالادى. ادامدى ادام رەتىندە ساقتاپ قالاتىن قاشاندا ونىڭ بويىنداعى وسىنداي قاسيەتتەرى دەپ ەسەپتەيمىن. بۇل ءبىر كۇندىك ماسەلە ەمەس, ول زاماندار بويى ادامزات بالاسىنىڭ اقىل-ويىنا ارقاۋ بولىپ كەلە جاتقان وزەكتى تاقىرىپ. مۇنداي نامىس پەن اردىڭ ءسوزى شىعارماشىلىق يەلەرىن ماڭگى تولعانتىپ, تەبىرەنتىپ وتىرۋىمەن ءماندى بولىپ قالا بەرەدى. سول سەبەپتى دە قوس قالامگەردىڭ ءومىرى ەسكىرمەيتىن, ءالى تالاي شىمىلدىقتىڭ شىنايى كورىنىسىنە ۇيىتقى دەرلىك تۋىندىسىن ەل تويىنا لايىقتى تارتۋ رەتىندە ادەيىلەپ تاڭداپ ۇسىندىق» دەيدى.
تەاتر ديرەكتورى يۋري ياكۋشەۆ ەلوردالىق كورەرمەندەردىڭ كلاسسيكالىق شىعارمالاردى وتە جىلى قابىلدايتىنىن ايتىپ, سول ءۇشىن دە مارك كامولەتتيدىڭ «التى ادامدىق پيجاما» كومەديالىق تۋىندىسىن وسى كۇندەرى كورەرمەندەر نازارىنا ۇسىنۋدى جوسپارلاپ كەلگەنىن اڭگىمەلەدى. الەم ساحنالارىندا ەڭ كوپ قويىلعان سپەكتاكل رەتىندە گيننەستىڭ رەكوردتار كىتابىنا ەنگەن شىعارمانى حالىققا مۇلتىكسىز ءمانەرمەن جەتكىزۋگە ءبىر كىسىدەي ەڭبەك سىڭىرگەن رەجيسسەر ۆلاديمير مولچانوۆتىڭ دا قولتاڭباسىن ەلوردالىق كورەرمەن جاقىننان باعالاۋ مۇمكىندىگىنە يە بولىپ وتىر. بەلگىلى تەاتر جانە كينو رەجيسسەرى رۋستام يبراگيمبەكوۆتىڭ «ارەدىك كەزدەسۋ ءۇشىن ارىپتەس ىزدەيمىن» ەكى كورىنىستى تراگيكومەدياسىن ساحنالاعان يگور گونوپولسكيدىڭ بۇل دۇنيەسىن كورەرمەن وسىدان جەتى جىل بۇرىن تۇشىنا قابىلداعانى, العاشقى قويىلىمىن پەسا اۆتورىنىڭ ءوزى كەلىپ تاماشالاعانى حالىق جادىندا. «اپتاپ ءشولدىڭ اپپاق كۇنى», «ۋرگا – ماحاببات مەكەنى», «ءسىبىر شاشتارازى», «كوشپەندىلەر» فيلمدەرى ارقىلى كوپشىلىككە ەتەنە تانىس ستسەناريشى قازاقستاندىق ارىپتەستەرىنىڭ جاڭالىعىن ەستىگەندە: «بۇل سپەكتاكلدى باكۋدەن كەيىن ءوز ساحناسىنا كوتەرگەن الماتى تەاترى دەپ قۋانىشتان جۇرەگى جارىلا جازداپتى». ەندى, مىنە, وسى ءۇش تاڭداۋلى دۇنيەگە ەلوردالىق جۇرتشىلىقتىڭ كۋا بولار ءساتى تۋىپ وتىر.
قاراشاش توقسانباي, سۋرەتتى تۇسىرگەن ورىنباي بالمۇرات.
