باعدارلاما باعىتى بەلگىلەندى

بۇعان دەيىن حابارلاعا­نىمىز­داي, وتكەن سەيسەنبى كۇنى پرەمەر-مينيستر كارىم ءماسىموۆتىڭ ءتور­اعالىعىمەن وتكەن كەزەكتى ۇكى­مەت وتىرىسىندا ەكونوميكالىق دامۋ جانە ساۋدا ءمينيسترى قاي­رات كەلىمبەتوۆ «حالىقتىق IPO» باع­دارلاماسىنىڭ جوباسىن تانىس­تى­رىپ, ونىڭ نەگىزگى ماقسات­تارى مەن باعىتتارىنا توقتالعان-دى. ۇسىنىلىپ وتىرعان «حالىق­تىق ءىرو» باعدارلاماسىنىڭ  جوباسى مولدىرلىك, اشىقتىق ءجا­نە بارلىق قازاقستاندىقتار ءۇشىن تەڭ قولجەتىمدىلىك قاعيداتتارىن­دا جۇزەگە اسىرۋدى كوزدەيدى, دەدى مينيستر ءوز بايانداماسىندا. باع­دارلامانىڭ نەگىزگى ماقساتتارى ەلباسىنىڭ اعىمداعى جىلدىڭ اقپانىندا وتكەن «نۇر وتان» حدپ-نىڭ حIII سەزىندەگى تاپسىر­مالارىنا سايكەس ايقىندالعان. قازاقستاندىقتارعا وزدەرىنىڭ ۇزاق ۋاقىت جيناعان قورىن ينۆەس­تي­تسيا­لاۋ ارقىلى ءىرى كومپا­نيالاردىڭ اكتسيالارىنا يەلىك ەتۋ مۇمكىندى­گىنىڭ بەرىلۋى, ەكىنشى جاعىنان, ەلى­مىزدەگى باعالى قا­عازدار رىنو­گىنىڭ دامۋىنا جاعدايلار جا­ساماق. اكتسيالار با­عا­لارىنىڭ شا­مادان تىس ءوز­گەر­مەلى بول­ماۋ­ىن نەمەسە ەلەۋلى تۇردە ءتۇسىپ كەتپەۋىن ەسكەرە كەلگەندە, باع­دار­لاماعا بارىنشا تۇراقتى جانە الەم­دىك شيكىزات باعاسى كونيۋنك­تۋراسىنا نەعۇرلىم تاۋەلدى ەمەس كومپانيالار ىرىكتەلىپ الىن­باق. سو­نىمەن قا­تار, كاسىپقوي جانە ۇزاق مەرزىمدى ينۆەستورلار رەتىندە زەي­نەتاقى قور­لا­رىن تارتۋ اكتسيالار باعا­لارى­نىڭ وزگەرمەلى­لىگىن تومەندەتۋ تۇر­عىسىندا ەرەك­­­شە ءرول اتقاراتىن بولادى. العاشقى ءىرو-عا ينفرا­قۇرى­لىمدارى تولىق دا­يىن­دىق­قا كەلتىرىلۋ ارقىلى «قازاق­ستان قور بيرجاسى» اق, بروكەرلىك كومپانيالار, ترانسفەر-اگەنتتەر, «با­عا­لى قاعازداردىڭ ورتالىق دەپوزيتاريى» اق جانە تىركەۋشىلەر قۇندى قاعازدار رىنوگىنىڭ نەگىزگى قاتىسۋشىلارى بولۋى ءتيىس. «حالىقتىق IPO» باعدارلاما­سىنىڭ جۇزەگە اسۋى بىرنەشە جىل­دار ساتىلاپ جۇرگىزىلەدى جانە كوپ­تەگەن كومپانيالار جۇمىلدى­رىلادى. «حالىقتىق IPO» باع­دارلاماسى اياسىندا اكتسيالاردى ورنالاستىرۋدىڭ ماقساتتى ينديكاتيۆتىك ۇلەسى 5 پايىزدان 15 پايىزعا دەيىنگى ارالىقتى قۇراسا, اكتسيالاردىڭ ناقتى سانىن كوم­پانيالاردىڭ نەگىزدەلگەن ۇسى­نىسى بويىنشا قوردىڭ ديرەكتور­لارى كەڭەسى انىقتايدى. باعدارلاماعا قاتىساتىن كومپانيالار كانديداتۋرالارىن ىرىكتەۋ 3 كەزەڭدە اتقارىلادى. كان­ديدات-كومپانيالاردى باعالاۋ جۇيە­سى وبەكتيۆتى ولشەمدەرگە نەگىزدەلگەن. حالىقتى «حالىقتىق ءىرو» باعدارلاماسىن ىسكە اسىرۋ ۇدەرىسىنە تارتۋدىڭ نەگىزگى تەتىگى ۇمىتكەر كومپانيالاردىڭ اكتسيا­لا­رىن ساتىپ الۋ جانە ۇستاۋ كەزىندە جەكە ينۆەستورلار ءۇشىن ىن­تالاندىرۋ مەن كوتەرمەلەۋ جۇيە­سىن جاساۋ بولادى دەپ بولجانعان. الەمدە كەڭىنەن قولدانىلاتىن جەكەلەنگەن سۇرانىستى ىنتالان­دى­رۋدىڭ بارىنشا كەڭ تاراعان ادىستەرىنىڭ ءبىرى رەتىندە اكتسيا­لاردى ساتىپ الۋدى ىنتالاندىرۋ مەن ديسكونت (جەڭىلدىكتەر) بەرۋ, سونداي-اق اكتسيالاردى ينۆەستورلار توبىنىڭ اراسىندا قايتا ءبو­لۋ جانە بروكەرلىك قىزمەت كورسە­تۋگە جەڭىلدىك تاريفتەرىن قول­دانۋعا بولادى. اتالعان باعدارلامانى تا­بىس­تى ىسكە اسىرۋ ءۇشىن باعالى قاعازدار رىنوگىنىڭ ينفراقۇ­رىلىمىن قاجەتتى رەسۋرستارمەن قامتاماسىز ەتۋ قاجەت بولسا, بۇل كليەنت تاپسىرىستارىن ءدال جانە ۋاقتىلى ورىنداۋدى قام­­تاماسىز ەتپەك. اتاپ ايتقاندا, ورتالىق دەپوزيتاريلىك قىز­مەت­تى اۆتو­ماتتاندىرۋ, باعدار­لا­ما­لىق ءجۇ­يەلەردىڭ سەنىمدىلىگىن جاق­سار­تۋداعى ءوزارا ءىس-قيمىلدى جولعا قويۋ بولىگىندە جەتىلدىرۋدى قاجەت ەتەدى. «سامۇرىق-قازىنا» اق شوتتار اشۋ جانە ورنالاستىرۋ ءسا­تىندە ترانزاكتسيالار جۇرگىزۋ جونىندەگى جەڭىلدىكتى نەمەسە تەگىن قىزمەتتەردى قامتاماسىز ەتۋ ءۇشىن جەكە تۇلعالارعا قىزمەت كورسەتۋ بويىنشا بروكەرلەردىڭ شىعىستارىن وتەۋ جونىندەگى شا­رالاردى ۇسىنادى دەپ جوس­پار­لانعان. بۇل باعدارلاما قور رىنوگى قىزمەتىنىڭ تەتىكتەرى مەن اكتسيالارداعى, ينۆەستيتسيالاۋ سترا­تەگيالارىنداعى وزگە دە ينۆەستيتسيا بەرۋمەن بايلا­نىستى تاۋەكەلدەر تۋرالى بىلىمدەرىن ارتتىرۋ, اقپاراتتاندىرۋ ءۇشىن حالىقتىڭ ەڭ كوپ سانىن قامتۋدى كوزدەيدى. العاشقى كەزەكتەگى ءمىن­دەت حالىق تاراپىنان قور رىنوگىنداعى باعالى قاعاز­دارعا ينۆەستيتسيالاۋ مادەنيە­تىن ارت­تى­رۋعا مۇمكىندىك بەرەتىن ءبىلىم بەرۋ ناۋقانىن جۇرگىزۋ بولىپ تابىلادى. قور كومپانيالارى توبىنىڭ اكتسيالارىن العا باستىرۋ ءۇشىن باق-تا جاريالانىمداردى ءجا­نە حابارلاۋدىڭ وزگە ادىستەرىن ءجۇ­زەگە اسىرۋ جولىمەن الەۋەتتى ەميتەنتتەر, حالىقتىڭ باستاپقى ورنالاستىرۋعا قاتىسۋ شارت­تارى مەن ءتارتىبى تۋرالى حابار­لاۋعا باعىتتالعان ماركەتينگتىك ناۋ­قان جۇرگىزىلەتىن بولادى. ءابدىراحمان قىدىربەك.