قانداسىمىزدىڭ كەزەكتى ءرولى

سانكت-پەتەربۋرگتەگى شەرحان ابىلەۆ تۋرالى بۇرىن دا جازعان بولاتىنبىز. ەسكە سالا كەتسەك, وسىناۋ كەنتاۋلىق ازامات رەسەيدىڭ سولتۇستىك استان­ا­سىندا ۇزاق جىلداردان بەرى تۇرادى. تۋمىسىنان ونەرگە جا­قىن جان ماماندىعى تاۋ-كەن ينجەنەرى بولسا دا وسى جەردە شىعارىلعان بىرنەشە فيلمدەرگە تۇسكەن. قازىر ونىڭ كينودا ويناعان رولدە­رىنىڭ سانى ءتىپتى 90-عا جەتىپ قالىپتى. سونىڭ ىشىندە ورىس­تىڭ «وسوبەننوستي ناتسيونالنوي پوليتيكي», «ۋليتسى راز­بي­تىح فونارەي», «بانديتسكي پەتەربۋرگ» جانە ت.ب. اتاقتى فيلمدەرىندە دە ول بىرنەشە وبرازداردى سومدادى. 2007 جىلى «لەنفيلم» تۇسىرگەن «دجامبۋل» اتتى فيلمدە ول باستى ءرولدى ويناپ, ەكراندا جىر الىبىنىڭ بەينەسىن جاسادى. شەكەڭ جۋىردا تاعى ءبىر فيلمگە تۇسە باستاپتى. «موستەلەفيلم» تەلەكومپانياسى 1991 جىلعى تامىز وقيعاسىنا ارناپ «ەلتسين. تري دنيا ۆ اۆگۋستە» (جۇمىستاعى اتاۋى) اتتى فيلم ءتۇسىرۋدى قولعا الىپ, وندا قازاقستان پرەزيدەنتى ن.نازارباەۆتىڭ ءرولىن ويناۋعا شەرحان ابىلەۆتى شا­قىر­عان ەكەن. فيلم ستسەنا­ريى­نىڭ اۆتورى – و.انتونوۆ, ال رەجيسسەرى – ا.موحوۆ. ەكەۋى دە رەسەيدىڭ كينو ونەرىنە تا­نى­مال ەسىمدەر. ماسەلەن, ا.مو­حوۆتىڭ «ۋچيتەل ۆ زاكونە», «كۋكلا دليا نەۆەستى», «ۆوريشكا» جانە باسقا فيلم­دەرى بار. ال و.انتونوۆ دراما, كومەديا, مەلودراما جانر­لارىندا تا­نىمال ستسەناريشى. وسى كۇنگە دەيىن 12 ءفيلمنىڭ ستسەناريىن جازعان. سونىڭ ىشىندە «سۆوبودنايا جەنششينا», «نوۆوگودني دەتەكتيۆ», «سيروتا كازانسكايا» دەگەن فيلمدەرى كەڭىنەن تانىمال. ال «سمەر­تەلنىي نومەر» اتتى پەساسى 1994 جىلى «حرۋس­تالنىي تۋراندوت» سىيلىعىن العان. بىراق ەكى اۆتور دا وسى ۋاقىتقا دەيىن ساياسي تاقى­رىپقا بارىپ كور­مەگەن ەكەن, بۇل العاشقى تال­پىنىستارى كورىنەدى. ءفيلمنىڭ وقيعاسى 1991 جىلعى تامىز ب ۇلىگىنە ارنال­عان. پرەزيدەنت ن.نازارباەۆ­تىڭ بەينەسى ب ۇلىكتىڭ الدىن­داعى نوۆو-وگارەۆودا ەلتسين, نازارباەۆ جانە گورباچەۆ ۇشەۋى­نىڭ وڭاشا كەزدەسكەندەگى ءساتىن­دە كورىنەدى. وسىنداعى قۇ­پيا اڭگىمەلەر ارتىنان بارشا الەمگە بەلگىلى بولىپ قالعانى بەلگىلى. وندا ەلتسين مەن نازارباەۆ گورباچەۆتەن جاڭا وداق­تا ەسكى باسشىلاردىڭ ءوز تاقتارىندا قالماۋىن تالاپ ەتكەن بولاتىن. فيلمدە سول ۇسىنىس ب ۇلىكتىڭ ۇيىمداستى­رىلۋىنا نەگىز بولعان دەگەن وي مەڭزەلەدى. شەرحان ابىلەۆ كينوعا تۇسۋمەن قاتار, كىتاپ جازۋمەن دە اينالىسادى. ول سوڭعى جىلدارى «يز س-پەتەربۋرگا س ليۋبوۆيۋ», «كينو ستالو موەي جيزنيۋ», «مى سىنى كازاحسكيح ستەپەي» جانە ت.ب. جي­ناقتار قۇراستىرعان. جاقسىباي سامرات.