جاناشىرلار كوبەيە تۇسسە...

وبلىس اكىمى بەرگەي رىسقاليەۆ بولاشاعىنان ءۇمىت كۇتتىرەتىن تالانتتى سپورتشىلاردىڭ ءوزى قالاعان سپورتىمەن الاڭسىز شۇعىلدانۋىنا, جاتتىقتىرۋ­شىلاردىڭ باستاعان ءىسىن ءارى جالعاس­تىرۋىنا ۇدايى قولداۋ بىلدىرۋدە. «قازمۇنايگاز» بارلاۋ ءوندىرۋ» اق باسشىلارىنا ءوڭىردىڭ ءار اۋدان ورتا­لىعىندا ءبىر سپورت كەشەنىن سالىپ بەرۋگە ۇسىنىس جاسادى. سونىمەن بىرگە, ول 2008 جىلى بەيجىڭدە وتكەن جازعى وليمپيا ويىندارىنا قاتىسقان اتى­راۋ­لىق سپورتشىلار جۇلدەگەر, نە جە­ڭىم­پاز بولعاندا قارجىلاي سىي ۇسى­نۋعا ۇسىنىس ءبىلدىردى. بۇل تەك سپورت­شىلارعا عانا قانات ءبىتىرىپ قويماي, ءوڭىر جۇرتشىلىعىن دا ەلەڭ ەتكىزدى. وسى الەمدىك سپورتتىق دودادان تاە­ك­ۆوندوشى ارمان شىلمانوۆ قولا ءجۇل­دەگەر اتانىپ, مۇنايلى ءوڭىردىڭ عانا ەمەس, ەل سپورتىنىڭ دامۋىنا اي­رىقشا ۇلەسىن قوستى. بۇل – اتىراۋ سپورتى تاريحىنداعى العاشقى وليمپيادا مەدالى. وسىلايشا, سپورتشىلارى ءۇشىن وليمپيادانىڭ مەدالىن الۋعا جول سالىندى. ارمان شىلمانوۆتىڭ وسى­ناۋ اقجولتاي مەدالىنىڭ سىڭعىرى وزگە سپورتشىلارعا قانات ءبىتىرىپ, كەلەشەكتە وڭىردە وليمپيا ويىندارىنىڭ ءجۇل­دەگەرلەر قاتارى تولىعا تۇسەرىنە سەنەمىز. سوڭعى جىلدارى اتىراۋدا دا سپورتتىڭ بۇقارالىعىن ارتتىرۋعا قول ۇشىن سوزاتىن كاسىپكەرلەر قاتارى دا كوبەيە تۇسۋدە. ماسەلەن, يندەر اۋدا­نىندا باعىتجان يمانباەۆ, اتىراۋ قا­لاسىندا ۆلاديمير پاك سياقتى كاسىپ­كەر جىگىتتەر سپورتشىلاردىڭ ءتۇرلى رەسپۋب­ليكالىق, حالىقارالىق چەمپيو­نات­تارعا, تۋرنيرلەرگە قاتىسۋىنا دەمەۋ­شىلىك تانى­تىپ, قارجىلاي قولداۋىن ءبىلدىرىپ كەلەدى. بۇلاردان وزگە ءار سپورت تۇرلەرى بويىنشا قۇرىلعان فەدەرا­تسيالاردى باسقارىپ, اتىراۋلىق سپورت ورەن­دەرىنىڭ تانىلۋىنا مەتسەناتتىق كومەگىن ايامايتىن جاناشىر ازاماتتار شوعىرى قالىپتاسۋدا. ويتكەنى, ەلىنىڭ ەرتەڭىن ويلايتىن وتانشىل ازاماتتار جاس­تار­دىڭ پاتريوتتىق رۋحىن وياتاتىن سپورت­تىڭ وركەن جايۋى تەك تالانتتى  سپورت­شىنىڭ شەبەرلىگىن شىڭداۋىمەن عانا دامىمايتىنىن, تالانتتى سپورت­شى­لارعا مورالدىق تا, ماتەريالدىق تا قولداۋدىڭ قاجەت ەكەنىن بىلەدى.   سول سەبەپتەن سپورتشىلارعا جاناشىرلىق تانىتار مەتسەناتتار قاتارى بۇگىنگىدەن دە كوبەيە تۇسسە, قازاق ەلىنىڭ ابىرويى مەن ايبىنىن اسقاقتاتار سپورت­شى­لاردىڭ بابىنا قوسا باعى جانارى داۋسىز. گۇلجامال قالەنوۆا, اتىراۋ وبلىستىق تۋريزم, دەنە شىنىقتىرۋ جانە سپورت باسقارماسى باستىعىنىڭ ورىنباسارى. اتىراۋ وبلىسى.