شىركىن اقشا! جولدا جاتسا...

«وي­ىن بيزنەسى تۋرالى» قازاق­ستان رەسپۋبليكاسىنىڭ زاڭىنا ءساي­كەس كازينولار مەن ويىن اۆتو­مات­تارى زالدارىن الماتى وبلى­سىن­­داعى قاپ­شاعاي سۋ قويماسى جا­عا­­لاۋ­لارىندا جانە اقمولا وبلى­سى­­نىڭ ششۋچە كالاسىندا ورنا­لاس­تىرۋ قارال­عان بولاتىن. الايدا, «التىن كور­سە, پەرىشتە جولدان تايادى» دەگەندەي, جاسىرىن ويىن مەكەمەلەرىن باس­قا جەرلەردە ورنا­لاس­تىرۋعا زاڭ­مەن تىيىم سالىنعا­نى­نا قاراماس­تان, مۇنداي تالاپتى بەلدەن باسۋ­شى­لار قاتارى سيرەر ەمەس. اقتوبە وبلىسى بويىنشا ەكو­نوميكالىق قىلمىسقا جانە سى­باي­لاس جەمقور­لىق­قا قارسى كۇرەس دەپارتامەنتى وتكەن جىلى وب­لىس ورتالىعىندا وسىنداي جاسى­رىن وي­ىن بيزنەسىن ۇيىمداستىرىپ, اقشا تابۋدىڭ جە­ڭىل جولىن كاسىپ ەتكەن التى «كاسىپ­كەر­سى­ماق­تىڭ» جو­لىن كەسكەن. ولار­دىڭ ءۇس­تەرى­نەن قوزعال­عان قىلمىس­تىق ءىس اياق­تالىپ, اقشا دەسە, زاڭدى دا, ار­دى دا ۇمى­تىپ كەتەتىن مۇنداي اش­كوز­دەر ءتيىستى جازالارىن الدى. ە.تەن دەگەن ازاماتشا ەشقان­داي لي­تسەن­زيا­سى بولماسا دا, 2010 جىلعى ماۋ­سىم-قا­را­شا ايلارىنىڭ ارالى­عىن­دا اقتوبە قالاسىندا عيماراتتى جال­عا الىپ, ويىن بيزنەسىن ۇيىم­داستىرۋعا باي­لانىستى زاڭسىز كا­سىپ­كەرلىكپەن اي­نا­لىسقان. زاڭسىز تابىسقا قۇنىق­قان ول الما­تىدان جەتكىزىلگەن بەس ويىن اپپارا­تىن ىسكە قوسىپ, «شىركىن اقشا, جولدا جاتسا» دەپ ارەكەت ەتكەن. ول №2 اقتوبە قالالىق سو­تى­نىڭ ۇكىمىمەن قىلمىستىق كو­دەكستىڭ 190-بابى­نىڭ 1-بولىمىنە ءساي­كەس قىلمىسقا كىنالى دەپ تابىلىپ, زاڭىز ويىن بيزنەسىن ۇيىمداس­تى­رۋ­دان تۇسكەن 836 مىڭ تەڭگە تابىسىن, زاتتاي ايعاق رەتىندە الىنعان 461 مىڭ تەڭگەنى مەملەكەتكە كىرىستەي وتى­رىپ, ءۇش ايدا تاپقان ەڭبەك­اقى­سى 90 مىڭ تەڭگە كو­لە­مىن­دە ايىپ تولەۋگە ءماجبۇر بولدى. مۇنداي جازادان «ترينتي» كا­فەسىنىڭ عيماراتىندا ون ءۇش ويىن اۆتوماتىن ورناتىپ, سوناۋ الما­تىدان ارنايى كەلىپ, كۇرەپ اقشا تاۋىپ جاتقان جەرىنەن تۇتىلعان ا. مامينوۆا دا قۇتىلا المادى. «جال­عاندىق جارعا جىعادى» دەگەن وسى. سوت شەشىمىمەن ول زاڭسىز وي­ىن بيزنەسىنەن تاپقان 840 مىڭ تەڭ­گە تابىسى مەن زاتتاي ايعاق رەتىندە الىنعان 131 مىڭ تەڭگەسىن مەملەكەتكە كىرىستەپ, 400 ايلىق ەسەپتىك كورسەتكىش كولە­مىن­دە 589 مىڭ تەڭگە ايىپ تولە­پ قۇتىلدى. بارىنەن دە ە.تسوي دەگەن ازامات قۇلاشىن كەڭگە سەرمەپ ۇلگەرىپتى. لي­تسەنزياسى بولماسا دا, قوناق ءۇي­دىڭ ءبىرىنشى قاباتىن جالعا العان الاياق وندا ەكى رۋلەتكالى ويىن, 9 پوكەر ءۇس­تەلىن, 2 ەلەكتروندى رۋلەتكا جانە 30 ويىن اپپاراتىن ور­نا­تىپ, اقتو­بەلىك اڭقاۋلاردى ايعا قا­راتىپ كەلگەن. №2 اقتوبە قالا­لىق سوتىنىڭ ۇكى­مىمەن ويىن بيزنەسىنەن تۇسكەن  1 ملن. 765 مىڭ تەڭگە مەن زاتتاي ايعاق رەتىندە الىنعان 6 ملن. 747 مىڭ تەڭگە جانە 11,5 مىڭ اقش دوللارى مەملەكەتكە كىرىستەلىپ, وعان 400 ايلىق ەسەپتىك كورسەت­كىش كولەمىندە 589 مىڭ تەڭگە ايىپ سا­لىن­دى. ءسويتىپ, جاسىرىن جول­مەن پاي­دا تاپپاق بولعان ويى جۇزەگە اسپاي, تاپقان-تايانعانىن تۇگەل قۇسۋىنا تۋرا كەلدى. ساتىبالدى ءساۋىرباي. اقتوبە وبلىسى.