سايلاۋ ادىلدىگىنە سەنىم مول

كەشە سىرتقى ىستەر ءمينيسترى ەرجان قازىحانوۆ تمد-نىڭ اتقارۋشى كوميتەتىنىڭ توراعاسى, اتقارۋشى حاتشى سەرگەي لەبەدەۆپەن اڭگىمەلەستى كەزدەسۋ بارىسىندا سەنات دە­پۋتتارىنىڭ سايلاۋىنا بايقاۋ­شى دەلەگاتسيانى باستاپ كەلگەن تمد اتقارۋشى كوميتەتىنىڭ ءتور­اعاسى, اتقارۋشى حاتشى سەرگەي لەبەدەۆ سايلاۋ دايىندىقتارى­مەن تولىقتاي تانىسىپ شىقتى. بۇل رەتتە سىرتقى ىستەر ءمينيسترى ەرجان قازىحانوۆ ەل ىشىندە وتە­تىن پارلامەنت سەناتى سايلاۋى­نا حالىقارالىق بايقاۋشىلار­دىڭ قاتىسۋى, ولاردىڭ ءتيىمدى جۇمىس ىستەۋى ماڭىزدى ءرول ات­قاراتىنىن, سونىمەن بىرگە, با­قى­لاۋشىلار ءۇشىن بارلىق جاع­داي جاسالعانىن اتاپ ءوتتى. ەكىجاقتى كەزدەسۋ قا­زاق­ستاننىڭ تمد شەڭبەرىندەگى قىزمەتى جايى مەن ءوزارا ارە­كەت­تەسۋ ءما­سەلەلەرىن دە تالقىلادى. ودان وزگە, بيىلعى جىلدىڭ قىركۇيەك ايىندا دۋشانبە قا­لا­­سىن­دا وتەتىن سىرتقى ساياسات باس­شى­لارى كەڭەسى مەن تمد سامميت باسشىلارىنىڭ كەزدەسۋىنە باي­لا­نىستى كۇن ءتارتى­بى­نىڭ بىرنەشە تارماقتارىن, جوس­پارلان­عان ءىس-شارالار قاتارىن ءسوز ەتتى. ەرجان قازىحانوۆ تمد-نىڭ 2020 جىلعا دەيىنگى ستراتە­گيا­لىق-ەكونوميكالىق دامۋ كونتسەپ­تسيا­لارىنىڭ قابىلدانۋ مەرزىمىنەن كەيىنگى, تمد ەلدەرىنىڭ بىرگە جاساعان جۇمىستارىنا ريزاشى­لىعىن ءبىلدىرىپ, ەلىمىزدىڭ تمد-عى ينتەگراتسيالىق دامۋ ۇدەرىسىنە بەرىك ۇستانىمىن جەتكىزدى. مينيستر بۇل كەلىسىلگەن كوزقاراس­تا­عى ارىپتەستىك الداعى ۋاقىتتا دا ىنتىماقتاستىقتىڭ ءار سالاسىندا جالعاسىن تاباتىندىعىن ايتىپ, ۇلكەن سەنىم ءبىلدىردى. كەزدەسۋدە ىنتىماقتاستىقتىڭ 20 جىلدىق مەرەيتويىنىڭ جوسپارلارىن دا اڭگىمە ارقاۋىنا اينالدى. وسىعان بايلانىستى, كەزدەسۋدە ە.قازىحانوۆ ەلباسى نۇرسۇل­تان نازارباەۆتىڭ باستاماسى بوي­ىنشا تاۋەلسىز مەملەكەتتەر دوستاستىعىنىڭ نازارىندا ءجۇر­گەن ماڭىزدى ماسەلەلەرگە دە توقتالىپ ءوتتى. ناقتى ناتيجەگە قول جەتكىزۋ ءۇشىن جاسالعان «ءبىر جىل – ءبىر تاقىرىپ» اتتى فور­مۋلانىڭ تمد جۇمىسى ءۇشىن ءتيىمدى بولاتىنىن ايتا كەلە, «ءبىز­دىڭ ەلىمىزدىڭ باستاماسىمەن بي­ىل­عى 2011 جىل ازىق-ت ۇلىك قاۋىپ­سىزدىگىنىڭ جىلى», – دەدى سىرتقى ىستەر ءمينيسترى. كەزدەسۋ سوڭىندا سەرگەي لەبەدەۆ جۋرناليستەرگە بەرگەن سۇح­باتىندا: «ءبىز سەنات سايلاۋىنىڭ دايىندىق جۇمىستارىمەن تانىس­تىق. دايىندىق جۇمىستارى كو­ڭىل­دەن شىقتى. جوعارى دەڭگەي­دەگى بۇل دايىندىق شارالارىن دامۋ جولىنا تۇسكەن قازاقستان مەملەكەتى ءۇشىن لايىقتى دەپ ەسەپتەيمىز. سايلاۋ بارىسىن تمد-نىڭ 8 مەملەكەتىنەن كەلگەن 68 بايقاۋشى باقىلايتىن بولا­دى. سايلاۋدىڭ شىنايى ءارى دۇ­رىس وتەتىندىگىنە سەنىمىمىز مول», – دەي كەلە, سىرتقى ىستەر مينيسترلىگىنە تمد-مەن بەلسەندى قا­رىم-قاتىناسى ءۇشىن العىس ءبىلدىردى. جۇلدىز ءبايدىلدا.