مۇسىلمان ەلدەرى سوماليگە قول سوزدى

ۇستىمىزدەگى جىلدىڭ 28 شىلدەسىندە تۇركيانىڭ ىستامبۇل قالاسىندا يىۇ باس حاتشىسىنىڭ باستاماسىمەن سوماليدەگى احۋالدى قاراۋ ماقساتىندا يسلام گۋمانيتارلىق ۇيىمدارى مەن قورلارى وكىلدەرىنىڭ كەزدەسۋى وتكەن بولاتىن. كەزدەسۋدە سوماليگە جانە يسلام الەمىنىڭ وزگە دە مۇقتاج ەلدەرىنە كومەك كورسەتۋ ءۇشىن يىۇ-نىڭ گۋمانيتارلىق كواليتسياسىن قۇرۋ تۋرالى شەشىم قابىلدانعان ەدى. كواليتسيانىڭ قۇرىلۋىنا يىۇ-نىڭ قازىرگى ساتتە سوماليگە تىكەلەي ەلدە گۋمانيتارلىق كومەك بەرە الاتىن بىردەن-ءبىر ۇيىم ەكەندىگى سەبەپكەر بولدى. «ءال شا­باب» اسكەري قۇرىلىمى وزدە­رى­نىڭ قول استىنداعى اۋماققا مۇ­سىلمان ەمەس گۋمانيتارلىق ۇي­ىم­داردىڭ ەنۋىنە جول بەرمەي وتىر. بۇۇ اگەنتتىگى مەن باتىس­تىق قايىرىم­دىلىق قورلارى مۇن­داي جاعدايدا سوماليدەن شىق­قان بوسقىندارعا كومەكتى كورشى ەلدەردە, اتاپ ايت­قاندا, ۋاقىتشا بوسقىندار لاگەرى ورنالاسقان كەنيادا عانا كور­سە­تۋمەن شەكتەلۋگە ءماجبۇر بولىپ وتىر. مۇسىلمان قورلارى ساراپشى­لا­رىنىڭ دالالىق ميسسيالارى­نىڭ باعالاۋىنشا, قازىرگى ۋاقىت­تا سوماليدە 3 ميلليوننان استام ادامعا اشتىق اجالى ءتونىپ تۇر. كەزدەسۋگە قاتىسۋشىلار يىۇ-نىڭ تاياۋداعى 3 ايعا ارنالعان شۇ­عىل گۋمانيتارلىق كومەگىنىڭ بيۋدجەتىن 29 ملن. دوللار دەپ بەلگىلەدى. قازىرگى كەزدە سوماليگە ساۋد ارابياسى 60 ملن. دوللار, ءتۇر­كيا 37,7 ملن. دوللار (كومەك), يران 25 ملن. دوللار, كۋۆەيت 10 ملن. دوللار جانە سۋدان 100 مىڭ دوللار كومەك بەرەتىندىكتەرىن مالىمدەدى. ىستامبۇل كەزدەسۋىنىڭ قورى­تىن­دى دەكلاراتسياسىندا يىۇ-عا مۇشە مەملەكەتتەرگە رامازان ايى كەزەڭىندە سوماليگە جانە گۋما­ني­تارلىق داعدارىستى باستان كەشىپ جاتقان يىۇ-نىڭ وزگە دە ەلدەرىنە قايىرىمدىلىق كومەك كور­سە­تۋ­گە باستاماشى بولۋعا ۇندەۋ تاستالعان. 17 تامىز كۇنى ىستامبۇل قا­لا­سىندا يىۇ اتقارۋ كوميتەتىنىڭ سوماليدەگى گۋمانيتارلىق داعدا­رىس­قا جانە يىۇ قولداۋىمەن ونى تەز ارادا جويۋعا باعىتتالعان بىرلەسكەن ءىس-شارالارعا ارنالعان شۇ­عىل مينيسترلىك وتىرىسى بولىپ ءوتتى. يىۇ سىمك توراعاسى – قر سىرتقى ىستەر ءمينيسترى ە.قازى­حانوۆتىڭ توراعالىعىمەن وتكەن وتى­رىسقا سومالي پرەزيدەنتى ش.احمەد, تۇركيا پرەمەر-ءمينيسترى ر.ەر­دو­عان, يىۇ باس حات­شىسى ە.يح­سان­وعلۋ, ۇيىمعا ءمۇ­شە مەملەكەتتەر مينيسترلەرى قاتىستى. يىۇ سوماليگە نەعۇرلىم كوكەيكەستى 4 پروبلەمانى – ازىق-ت ۇلىك قاۋىپسىزدىگىن قامتاماسىز ەتۋ, دەنساۋلىق ساقتاۋ, اۋىز سۋ جانە ەكونوميكانى شۇعىل قالپى­نا كەلتىرۋگە باعىتتالعان 150 ملن. اقش دوللارى كولەمىندەگى ارنايى كومەك باعدارلاماسىن ازىرلەدى. كەزدەسۋ ناتيجەسىندە اتقارۋ كوميتەتىنىڭ وتىرىسىنا قاتىسۋ­شى­لار قورىتىندى كومميۋنيكە قابىلدادى. ىستامبۇل كەزدەسۋى سوماليگە يىۇ-عا مۇشە مەملەكەتتەر تاراپىنان گۋمانيتارلىق جانە قارجىلىق كومەكتى ايتار­لىق­تاي دارەجەدە جۇمىلدىرۋعا جاعداي جاساپ, ۇيىمنىڭ ارناۋ­لى كومەك باعدارلاماسىن رەسۋرستارمەن قامتاماسىز ەتەدى دەپ كۇتىلۋدە. ءوز كەزەگىندە قازاقستان ءوزىنىڭ يىۇ سىمك-گە توراعالىعىن ەسكەرە وتىرىپ جانە بارلىق مۇسىلماندار ءۇشىن قاسيەتتى رامازان ايىندا سومالي حالقىنا گۋمانيتارلىق كومەك رەتىندە 500 مىڭ اقش دوللارىن ءبولۋ جونىندە شەشىم قابىلدادى. «ەگەمەن-اقپارات».