كاسىپكەرلىككە قولداۋ كورسەتۋ جولىندا

«نۇر وتان» حالىقتىق-دەمو­كرا­تيالىق پارتياسى ەلباسى, پارتيا توراعاسى نۇرسۇلتان نازار­باەۆ­تىڭ تاپسىرمالارىنا سايكەس شاعىن جانە ورتا بيزنەسكە قولداۋ كورسەتۋ جونىندەگى كەڭ اۋقىمدى جۇمىس جۇرگىزۋدە. جاڭا ادىستەر مەن تاسىلدەردى ايقىنداۋ ماقسا­تىن­دا نۇروتاندىقتار كاسىپ­كەر­لىك­تى دامىتۋدىڭ وزەكتى ماسەلە­لە­رىن ۇنەمى تالقىلاپ, جەرگىلىكتى شا­عىن جانە ورتا بيزنەستى دامى­تۋ باعدارلامالارىن ازىرلەيدى. قازىرگى ۋاقىتتا «نۇر وتان» ءمۇل­دەم جاڭا باعدارلاما دايىنداپ جاتىر. بۇل قۇجاتتا جۇيە قۇراۋ­شى كاسىپورىندار مەن شاعىن كاسىپكەرلىكتىڭ ءوزارا ارىپتەستىگىنە جاعداي جاساۋ ماسەلەسىنە باستى نازار اۋدارىلاتىن بولادى. سا­راپ­شىلاردىڭ پىكىرىنشە, جەرگىلىكتى مازمۇندى 100 ملرد.تەڭگەگە كوبەيتسە, سونىڭ ناتيجەسىندە شا­عىن جانە ورتا بيزنەس سالاسىندا قوسىمشا 50 مىڭ جاڭا جۇمىس ورنىن قۇرۋعا مۇمكىندىك بەرىلەدى. بۇل اسىرەسە, جۇيە قۇراۋشى كاسىپورىندار باستى جۇمىس بەرۋشىلەر بولىپ تابىلاتىن شاعىن قالالار ءۇشىن اسا ماڭىزدى. «نۇر وتان» پارتياسى وسى الەۋەتتى بارىنشا قولدانۋعا نيەتتى. 16 تامىز كۇنى پاۆلودار قالاسىندا جۇيە قۇراۋشى كاسىپورىنداردىڭ قاتى­سۋى­مەن شاعىن جانە ورتا بيزنەستى دا­مىتۋ باعدارلاماسىن ازىرلەۋ جونىندەگى جۇمىس توبىنىڭ العاشقى وتىرىسى وتكىزىلدى. پارتيا توراعاسىنىڭ ءبىرىنشى ورىنباسارى نۇرلان نىعماتۋلين ءوز سوزىندە: «شاعىن جانە ورتا بيزنەستىڭ تۇراقتى دامۋىنا بارلىق جاعداي جاساۋ – بۇل ەلباسىمىز, پارتيامىزدىڭ ءتور­اعاسى نۇرسۇلتان ءابىش ۇلى نازارباەۆ­تىڭ ءبىزدىڭ الدىمىزعا قويعان مىندەت­تەرىنىڭ ءبىرى. سوندىقتان دا «نۇر وتان» پارتياسى كاسىپكەرلىكتى قولداۋعا باعىت­تالعان ارنايى باعدارلامانى دايىن­داۋعا كىرىستى. وسى باعدارلامانىڭ باستى ماقساتى – جەرگىلىكتى بيزنەستى دامىتۋ­مەن قاتار, حالىقتى جاڭا جۇمىس ورىن­دارى­مەن قامتاماسىز ەتۋ جانە دە ءاربىر قازاقستاندىقتىڭ ءال-اۋقاتىن ارتتىرۋ», – دەپ اتاپ ءوتتى. جۇمىس توبى مۇشەلەرىنىڭ ويىنشا, جاڭا بيزنەس-باستامالار ءوزىن كوپ كۇت­تىر­مەيدى. جۇيە قۇراۋشى كاسىپورىن­دار­دىڭ قولداۋىمەن كاسىپكەرلەر تاۋار مەن قىزمەتتەردى جاساپ شىعارۋعا تاپسى­رىستاردىڭ كوپ بولىگىن ءوزى قامتاماسىز ەتە الادى. تابىستى ارىپتەستىكتىڭ مى­سال­دارى از ەمەس. ولاردىڭ ءبىرى – قازاق­ستان ەلەكتروليز زاۋىتى – مەتاللۋر­گيا­لىق اليۋميني كلاستەرىنىڭ نەگىزگى كاسىپورنى. «مەنىڭ ويىمشا, «نۇر وتان» اسا قاجەتتى باعدارلاما ازىرلەپ جاتىر. ءىرى كاسىپورىندار جەرگىلىكتى كاسىپكەرلەرگە كومەكتەسۋىنە مۇمكىندىگى بار. ءبىز ولارعا تاۋارلار مەن قىزمەتتەردىڭ ۇلكەن كولەمىن تاپسىرا الامىز. بيزنەسمەندەرگە كومەكتەسسەك, ءبىز ءومىر ءسۇرىپ, جۇمىس ىستەپ جاتقان بارلىق ايماققا دا پايدامىز تيەدى», – دەپ «قازاقستان ءاليۋمينيى» اق پرەزيدەنتى الماز يبراگيموۆ اتاپ ءوتتى. «بۇگىندە ەلباسى وتاندىق ەكونومي­كا­نى دامىتۋ ءۇشىن بارلىعىن جاساپ جاتىر. ءبىز دە قاراپ وتىرماۋىمىز شارت. كوبىرەك ءونىم ءوندىرىپ, ودان ءارى دامۋ ءۇشىن بىزگە ءىرى كومپانيالاردىڭ تاپسىرىستارى وتە قاجەت. بۇل – ءبىز ءۇشىن قوسىمشا ىنتا­لاندىرۋ», – دەيدى «سۆاركو» پاۆلودار ءپىسىرۋ قۇرال-جابدىقتارى زاۋىتى» جشس باس ديرەكتورى سەرگەي اكسەنوۆ. جۇمىس توبىنىڭ ءبىرىنشى وتىرىسى جوبانىڭ نەگىزگى قاتىسۋشىلارىنىڭ قى­زى­عۋشىلىعىن كورسەتتى.