اسكەري شەرۋگە دايىندىق جوعارى

وسى كۇندەرى استانا قالاسىنىڭ ىرگەسىندە جىل سايىن كونستيتۋتسيا كۇنىنە بايلانىستى وتەتىن اسكەري شەرۋگە دايىندىق شارالارى وتۋدە. وعان قازاقستان قارۋلى كۇشتەرىنىڭ بارلىق تۇرلەرىندە اسكەري بورىشىن وتەپ جۇرگەن ساردارلار مەن ساربازداردىڭ وزاتتارى قاتىسۋدا. بيىلعى شەرۋگە دايىندىق 21 شىلدە كۇنى باستالدى. وسى كەزدەن باستاپ قالانىڭ ىرگەسىندە ور­نالاسقان 68665 اسكەري ءبو­لىم­دە ساربازدار كۇن سايىن تاڭەر­تەڭ­نەن كەشكە دەيىن ساپتا ءجۇ­رۋگە, اسكەري تەحنيكانىڭ ۇلگى­لە­رىن كورسەتۋگە دايىندالۋدا. اتالعان اسكەري ءبولىمنىڭ ىرگەسىندە جىلداعى ءداستۇر بوي­ىن­شا اشىلعان شاتىرلى قالا­شىق­تا 3000-عا جۋىق اسكەري قىزمەت­شىلەر ورنالاستىرىلدى. ولار­دىڭ ىشىندە وفيتسەرلەر, كەلىسىم-شارتتاعى اسكەري قىزمەتشىلەر, اسكەري وقۋ ورىندارىنىڭ كۋر­سانتتارى مەن مەرزىمدى قىزمەت­تەگى ساربازدار بار. شاتىرلى قالاشىقتى ۇيىمداستىرۋ ىسىمەن 200-دەن استام اسكەري قىزمەت­شى­لەر, ونىڭ ىشىندە ءبىرىنشى بولىپ قالاشىقتى قۇرۋعا قۇرلىق ءاس­كەر­لەرىنىڭ بولىمشەلەرى اينا­لىستى. قازىر مۇندا 170-تەن استام شاتىر تۇرعىزىلعان. وندا جاتىن ورىن عانا ەمەس, باسقارما شتابى, مەديتسينالىق پۋنكت, دا­لالىق اسحانا جانە مونشا ور­نا­لاسقان. كەشە اسكەري شەرۋگە داي­ىندىقپەن تانىسۋ ماقساتىندا وسى قالاشىققا بارعانىمىزدا, اسحانا مەن كىتاپحانا جانە باسقا دا دەمالىس ورىندارى جۇمى­سى­نىڭ جاقسى جولعا قويىلعانىنا كوز جەتكىزدىك. مۇندا سارباز­دار­دى اس-سۋمەن «نۇر يسلام» جشس قامتاماسىز ەتەدى. اتالعان فير­ما­نىڭ ديرەكتورى جاماليا اسا­تەللاەۆانىڭ ايتۋىنشا, ولار جىل سايىن ساربازداردى ءبىر ايدان استام ۋاقىت كۇنىنە ءۇش مەزگىل تاماقتاندىرىپ وتىرادى. اسحانادا بارلىق تاماقتار حالال تاعام­دارىنان جاسالادى. قازىر وندا ءوز ىسىنە شەبەر اسپازدار جۇمىس ىستەپ, بارلىق اسكەري قىز­مەتشى­لەردىڭ كوڭىلىنەن شىعىپ وتىر. ال كىتاپحانا مەن باسقا دا دەمالىس ورىن­دارىن­دا بولعانى­مىز­دا «ەگەمەن قا­زاقستان» گا­زەتى­نىڭ توردە ورىن الىپ تۇرعانى كوزىمىزگە وتتاي با­سىل­دى. اسكەري قىزمەتشىلەر مەن باسقا دا ساربازدار ەلىمىزدىڭ باس گازەتىنەن ەلدەگى جاڭالىقتاردان قۇ­لاع­دار بولىپ جاتقاندارىن جاسىر­مادى. ماسەلەن, ءوزىن اسكەري تەڭىز كۇشتەرىنىڭ لەيتەنانتى رۋستام قالاباەۆ دەپ تانىستىرعان گازە­تى­­مىز­دىڭ وقىرمانى استاناعا شەرۋگە قاتىسۋ ءۇشىن اقتاۋ قالا­سىنان كەلگەنىن, اسكەري قىزمەتكە دەيىن ال­ماتىداعى پوليتەحني­كالىق ينستيتۋتتا, ودان كەيىن سانكت-پەتەر­بۋرگتەگى اسكەري-تە­ڭىز ينستيتۋتىن­دا 6 جىل وقى­عانىن ايتتى. بۇل جەردە ادام سانىنىڭ كوپ­تىگىنە بايلانىستى كۇن ءتارتىبى قاتاڭ تالاپ ەتىلەدى. ەرتەڭگى ۇيقى­دان تۇرۋ, دەنە جاتتىعۋلارى مەن ساپ تۇزەۋ – ءبارى-ءبارى ءبىر ىزگە ءتۇسى­رىلگەن. سارباز­داردىڭ كەشكە تەلەديدار قا­راپ, جاڭالىقتارمەن تا­نىس بو­لۋى­نا, ينتەرنەتپەن ون­لاين رەجىمىندە سكايپ باعدارلا­ما­سى ارقىلى تۋعان-تۋىس­قان­­دارى­مەن بايلانىس جا­ساۋى­نا مۇمكىن­دىك بار. سونىمەن ءبىر­گە, اسكە­ري قىزمەتشىلەرگە دەما­لىس كۇندەرى قالاعا بارىپ, سەرۋەندەۋگە جاعداي تۋعىزىلسا, ولار ءۇشىن ءار جەكسەنبى سايىن كونتسەرتتەر دە ۇيىمداس­تى­رىلۋدا. ماسەلەن, 10 تامىز كۇنى ساربازدار «استانا-ارەنا» ستا­ديونىن­دا فۋتبولدان قازاق­ستان مەن سيريا قۇرامالارىنىڭ اراسىندا وتكەن جولداستىق كەزدەسۋدى تاماشالاپ قايتىپتى. وسى شا­تىر­لى قالا­شىق­تىڭ باستىعى, پولكوۆنيك ەركەبولات وسپانوۆتىڭ اي­تۋىنشا, بيىل پاراد ەسەپتوپ­تارى­نىڭ سانى كوبەيىپ وتىر. بىل­تىر­عىعا قاراعاندا 800 ادامعا كو­بە­يىپ­تى. سونىڭ ءناتي­جە­سىن­دە شا­تىر­لار­دىڭ سانى دا ءبىرشاما وسكەن. بيىل­عى شەرۋدە ەكى بىردەي اسكەري ايەل­دەر­دەن قۇرالعان ەسەپتوپ تا ساپ ءتۇ­زەي­تىن بولادى. قازىر ايەل­دەر شا­تىر­­لى قالاشىقتا ەمەس, ءاس­كەري ءبو­لىم­نىڭ كازارما­سى­نا ورنالاس­تى­­رىل­دى. تاعى ايتا­تىن نارسە, شەرۋگە تاۋ اتقىشتارى روتاسى دا قوسى­لىپ وتىر. «بىرىككەن اسكەري وركەسترگە, ادەتتەگىدەي, قورعانىس مينيسترلىگى اسكەري-وركەسترلىك قىز­مەتى­نىڭ باس­تى­عى – باس اسكەري ديريجەر, پولكوۆنيك الەكساندر بەلياەۆ جەتەكشىلىك ەتە­دى. ونىڭ قۇرامىندا قورعا­نىس مينيستر­لىگىنىڭ ورتالىق ءاس­كە­ري وركەسترى, ىشكى اسكەرلەردىڭ ور­تا­­لىق اسكەري وركەسترى, رەس­پۋب­لي­كالىق ۇلان­نىڭ وركەسترى, سون­داي-اق مي­نيستر­لىكتىڭ اسكەري وقۋ ورىن­دارى مەن ءبولىم­دەرىنىڭ اسكە­ري وركەسترلەرى بولا­دى. بار­لىعى 245 مۋ­زىكانت شەرۋگە قاتى­سادى. وفيتسەرلىك ەسەپتوپتار پا­راد­تىق كيىم ءۇل­گى­سى­مەن ساپ ءتۇ­زە­سە, قالعان «قو­راپ­تار» باس الاڭ­نان دالالىق كيىم ءۇل­گى­سىمەن ءجۇ­رىپ وتەدى. زىمى­ران­شى­لار, ارتيللەريستەر, موتوات­قىش­تار, دەسانت­شى­لار تو­لىق جاب­دىق­پەن ساپ ءتۇ­زەيتىن بولادى», – دەيدى ول. بۇدان باسقا وفيتسەردەن بىلگەنىمىز, بيىلعى شەرۋدە اسكەري ۇش­قىش­تار جوعارى پيلوتاجدى فيگۋرالار جاسايتىن بولادى. جال­پى, ءاس­كەري شەرۋ ەل تاۋەلسىزدىگىنىڭ 20 جىلدىعىنا ارنالعاندىقتان, كەڭ كولەمدى ءارى قىزىقتى بولادى دەپ كۇتىلۋدە. قازىردىڭ وزىندە جاياۋ لەك­تەردىڭ دايىندىعىنا جاقسى باعا بەرىپ وتىر. داستان كەنجالين, سۋرەتتى تۇسىرگەن رومان كازۋنين.