كاسىپكەرلىككە قولداۋ

باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ ءجو­نىن­دەگى كوميتەتى كاسىپكەرلەردى زاڭسىز تەكسەرۋلەردەن ساقتاندىرۋ ماقسا­تىن­دا ءبىر­قاتار ءىس-شارالار جۇرگىزۋدە. سولار­دىڭ ءبىرى كوميتەتتىڭ «بيزنەس تىرەگى» جو­با­سى (www.pravstat.kz) بو­لىپ تابىلادى. مەملەكەتتىك باقىلاۋ جانە قاداعا­لاۋ ورگاندارىندا قولدانىلىپ ءجۇر­گەن زاڭناماعا سايكەس, قۇقىقتىق اكتىلەردى مىندەتتى تۇردە تەكسەرۋدەن وتكى­زۋدى جۇزەگە اسىرادى. «بيزنەس تىرەگى» جوباسىندا تەكسەرۋ ءوندىرىسى تەكسەرۋدى تاعايىنداۋ جانە تىركەۋ, تىكەلەي تەكسەرۋ جۇرگىزۋ بولىپ 2 كەزەڭگە بولىنەدى. تەكسەرۋدى تاعايىنداۋ جانە تىركەۋ كەزىندە كوميتەت ءوز وكىلەتتىگى شەگىندە, زاڭ بۇزۋشىلىقتار انىقتالعان جاع­داي­دا تەكسەرۋ اكتىسىن تىركەۋدەن باس تارتادى. قازىرگى تاڭدا تەكسەرۋدى تىركەۋدەن باس تارتۋدىڭ 15 نەگىزى بار. «بيزنەس تىرەگىنىڭ» 2-ءشى كەزەڭ بوي­ىنشا – تىكەلەي تەكسەرۋ جۇرگىزۋ كەزىندە جوعارىدا كورسەتىلگەن سايتتىڭ «كاسىپكەرلەرگە تەكسەرۋ جۇرگىزۋدى تىركەۋ تۋرالى اقپارات» بولىمىندە مەملەكەتتىك قىزمەتكەردىڭ تەكسەرۋدى تىركەۋ اكتىسىنىڭ ءنومىرىن ەنگىزۋ ارقىلى, تەكسەرۋ اكتىسىنىڭ كوميتەتتە تىركەلگەن, تىركەلمەگەندىگىن, تەكسەرۋ جۇرگىزۋ ۋا­قىتىن, سونىمەن قاتار كاسىپكەر ءوزىنىڭ جانە تەكسەرۋشى جاقتىڭ قۇقىقتارى مەن مىندەتتەرىمەن تانىسا الادى. ءدال وسىنداي اقپاراتتى كاسىپكەر ۇيالى سىمتەتىگىنەن «1012» نومىرىنە حابارلاما جىبەرۋ ارقىلى تەز ارادا الا الادى. سونىمەن قاتار كاسىپكەرگە تەكسەرۋ بارىسىنداعى زاڭ بۇزۋشى­لىق­تار تۋرالى اقپاراتتى جىبەرۋ ءمۇم­كىندىگى دە بەرىلگەن. حابارلاما جىبەرۋ ءۇشىن, ءوزى تۋرالى دەرەكتەردى جانە جىبەرىلگەن كەمشىلىكتەر مەن زاڭ بۇزۋ­شى­لىقتار تۋرالى جازىپ جىبەرۋى قاجەت. باقىلاۋ جانە قاداعالاۋ قىزمەت­تە­رىن جۇزەگە اسىرۋعا ۋاكىلەتتى مەملەكەتتىك ورگان جەكە كاسىپكەرلىك سۋبەك­تىسىن تەكسەرۋ جۇرگىزۋدىڭ مەرزىمدەرى مەن نىسانىن كورسەتە وتىرىپ, تەكسەرۋ باستالعانعا دەيىن كەمىندە وتىز كۇن بۇرىن جوسپارلى تەكسەرۋ جۇرگى­زۋدىڭ باستالاتىنى تۋرالى جازباشا تۇردە حاباردار ەتۋگە مىندەتتى. جوسپاردان تىس تەكسەرۋ جۇرگىزۋ كەزىندە مەملەكەتتىك ورگان جەكە كاسىپكەرلىك سۋبەكتىسىن تەكسەرۋ جۇرگىزۋ نىسا­نا­سىن كورسەتە وتىرىپ, تەكسەرۋ باس­تال­عانعا دەيىن كەمىندە ءبىر تاۋلىك بۇرىن جوسپاردان تىس تەكسەرۋ جۇرگىزۋدىڭ باس­تالاتىنى تۋرا­لى حابارلاۋعا مىندەتتى. بەكبول امانگەلدى, باس پروكۋراتۋرانىڭ قۇقىقتىق  ستاتيستيكا جانە ارنايى ەسەپكە الۋ جونىندەگى كوميتەتىنىڭ ايماقتىق كولىكتىك باسقارماسى قۇقىقتىق ستاتيستيكا ءبولىمىنىڭ اعا پروكۋرورى.