قايقىداعى قايعىلى وقيعا

ەلىمىزدىڭ قازاق-قىرعىز شەك­ارا­سىندا ەل تىنىشتىعىن  قامت­ا­ماسىز ەتىپ جۇرگەن شەكاراشى ار­داق قازيەۆ قايعىلى قازاعا ۇشى­رادى. ۇقك شەكارا قىزمەتىنىڭ «بوران» ارناۋلى دەسانتتىق-شا­بۋىلداۋشى توبىنىڭ اعا بار­لاۋ­شىسى سەرجانت ا.قازيەۆ كونترا­بان­داشىلاردى قۇرىقتاۋ وپە­را­تسيا­سى اياقتالىپ, كەگەندەگى قايقى اسۋى ارقىلى شونجى شەكارا وت­ريا­دىنا كەرى ورالىپ كەلە جاتقان. ... شۇعىل الىنعان اقپارات كو­زىنە قاراعاندا شونجى شەكارا وتريادىنىڭ «قارقارا» شەكارا زاس­­­تاۆاسىن كۇزەتەتىن قازاق-قىرعىز شەك­ارا ۋچاسكەسىندە ءىرى كولەمدەگى كونتراباندانىڭ وتكىزىلەتىنى بەلگىلى بولادى. سول كۇنى وسى باعىتقا اتتانىپ كەتكەن بوراندىق شەكارا­شىلاردىڭ توبى الگى اۋماقتى ءۇش كۇن بويى جاسىرىن توريدى. اقى­رى, سوڭعى ءتۇنى كورشى قىرعىز جاق­تان اۋىر جۇك كولىكتەرى مەملەكەتتىك شەكاراعا كەلىپ ماڭداي تىرەيدى. مۇندا قىرعىز ەلىنىڭ ازامات­تارىن قازاقستاندىق كونتراباندا­شىلار كۇتىپ تۇرعان ەدى. ءتۇن قا­تىپ جۇرگەندەر وزدەرىن مۇندا بىرنەشە كۇننەن بەرى شەكارا­شى­لار­دىڭ دا تورۋىلداپ جاتقانىن بىلگەن جوق-تىن. ءسويتىپ, تۇنگى ساعات ۇشتەر كەزىندە جاسىرىن كەزدەسكەن كونتراباندا توبىنىڭ ساۋداسى «ءساتتى» اياقتالا بەرگەن كەزدە جەر استىنان شىعا كەلگەندەي پايدا بولا كەتكەن شەكاراشىلار ولاردى تىرپ ەتكىزبەي قولعا ءتۇسىردى. سونان كونتراباندالىق 80 توننا ديزەل جاعارمايى تيەلگەن جۇك كولىكتەرى كەگەندەگى قايقى اسۋى ارقىلى شونجى شەكارا وتريادىنا قاراي تىزبەكتەلىپ شىعادى. وسى جەردە ەشكىم كۇتپەگەن جاعداي ور­ىن الادى. كولوننانىڭ سوڭىندا كەلە جاتقان جۇك كولىگىنىڭ تەجەگىشى اياق استىنان ىستەن شىعادى. كولىك جۇرگىزگەن 25 جاسار قىرعىز ازاماتى جالما-جان ماشينانى توق­تاتپاق بولىپ, ءرولدى جولدىڭ سول جاعىنا بۇرادى... سول-اق ەكەن, قاتتى ەكپىنمەن بارىپ جارعا سو­عىل­عان كولىك دەمنىڭ اراسىندا وتقا ورانىپ شىعا كەلەدى. بۇل كەزدە جۇرگىزۋشىنىڭ قاسىندا بول­عان ەر شەكاراشى ارداق قازيەۆ وسىلايشا «ءتىلسىز جاۋدىڭ» قۇشا­عى­نا ەنگەن تەمىر قاۋىزدىڭ ىشىندە قالىپ قويادى. ماڭگىلىككە. جاۋىنگەرلىك تاپسىرمانى ور­ىن­داۋ كەزىندە قازا تاپقان وتان­نىڭ ادال پەرزەنتى ارداق وراز­بەك­ ۇلى قازاقستان رەسپۋبلي­كاسى­نىڭ مەملەكەتتىك ناگراداسىنا ۇسىنىلاتىن بولدى. تامارا داۋلەتباەۆا, پودپولكوۆنيك, اسكەري جۋرناليست.