قازاقستان رەسپۋبليكاسى ۇكىمەتىنىڭ قاۋلىسى №236

2011 جىلعى 9 ناۋرىز,  استانا, ۇكىمەت ءۇيى قازاقستان رەسپۋبليكاسى ۇكىمەتىنىڭ 2009 جىلعى 14 جەلتوقسانداعى  № 2106 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «قازاقستان رەسپۋبليكاسىنىڭ ازاماتتىعىن قابىلداۋدى جانە ودان شىعۋدى تىركەۋ بويىنشا مەملەكەتتىك قىزمەت كورسەتۋ ستاندارتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 14 جەلتوقسانداعى № 2106 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., № 59, 515-قۇجات) مىناداي وزگەرىستەر ەنگىزىلسىن: تاقىرىبىنداعى جانە 1-تارماقتاعى «كورسەتۋ» دەگەن ءسوز الىنىپ تاستالسىن; كىرىسپە مىناداي رەداكتسيادا جازىلسىن: «قازاقستان رەسپۋبليكاسىنىڭ 2008 جىلعى 4 جەلتوقسانداعى بيۋدجەت كودەكسىنىڭ 34-بابىنا جانە «اكىمشىلىك راسىمدەر تۋرالى» قازاقستان رەسپۋبليكاسىنىڭ 2000 جىلعى 27 قاراشاداعى زاڭىنىڭ 9-1, 15-2-باپتارىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:»; كورسەتىلگەن قاۋلىمەن بەكىتىلگەن «قازاقستان رەسپۋبليكاسىنىڭ ازاماتتىعىن قابىلداۋدى جانە ودان شىعۋدى تىركەۋ» مەملەكەتتىك قىزمەت كورسەتۋ ستاندارتى وسى قاۋلىعا قوسىمشاعا سايكەس جاڭا رەداكتسيادا جازىلسىن. 2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى  ك.ءماسىموۆ. قازاقستان رەسپۋبليكاسىۇكىمەتىنىڭ 2011 جىلعى 9 ناۋرىزداعى №236 قاۋلىسىنا قوسىمشا قازاقستان رەسپۋبليكاسى ۇكىمەتىنىڭ 2009 جىلعى 14 جەلتوقسانداعى №2106 قاۋلىسىمەن بەكىتىلگەن «قازاقستان رەسپۋبليكاسىنىڭ ازاماتتىعىن قابىلداۋدى جانە ودان شىعۋدى تىركەۋ» مەملەكەتتىك قىزمەت ستاندارتى 1. جالپى ەرەجەلەر 1. مەملەكەتتىك قىزمەتتى وسى ستاندارتقا 1-قوسىمشادا كورسەتىلگەن مەكەن-جايلار بويىنشا قازاقستان رەسپۋبليكاسىنىڭ ىشكى ىستەر ورگاندارى كوشى-قون پوليتسياسىنىڭ اۋماقتىق بولىمشەلەرى (بۇدان ءارى – كوشى-قون پوليتسياسى بولىمشەلەرى) كورسەتەدى. 2. كورسەتىلەتىن مەملەكەتتىك قىزمەت نىسانى: اۆتوماتتاندىرىلماعان. 3. مەملەكەتتىك قىزمەت «قازاقستان رەسپۋبليكاسىنىڭ ازاماتتىعى تۋرالى» قازاقستان رەسپۋبليكاسىنىڭ 1991 جىلعى 20 جەلتوقسانداعى زاڭىنىڭ 10, 15-17, 19-20, 30-34, 37-41-باپتارىنا, بەلارۋس رەسپۋبليكا­سىنىڭ, قازاقستان رەسپۋبليكاسىنىڭ, قىرعىز رەسپۋبليكاسىنىڭ جانە رەسەي فەدەراتسياسىنىڭ اراسىنداعى ازاماتتىق الۋدىڭ وڭايلاتىلعان ءتارتiبi تۋرالى كەلىسىمنىڭ 1, 2-باپتارىنا, قازاقستان رەسپۋبليكاسى قوسىلعان 1957 جىلعى 20 اقپانداعى تۇرمىستاعى ايەلدەردىڭ ازاماتتىعى تۋرالى كونۆەنتسيانىڭ 1, 2-باپتارىنا (1999 جىلعى 30 جەلتوقسانداعى زاڭ), 2001 جىلعى 16 ناۋرىزداعى زاڭمەن راتيفيكاتسيالانعان ۋكراينادا تۇراقتى تۇرىپ جاتقان قازاقستان رەسپۋبليكاسى ازاماتتارىنىڭ جانە قازاقستان رەسپۋبليكاسىندا تۇراقتى تۇرىپ جاتقان ۋكراينا ازامات­تارىنىڭ ازاماتتىق الۋىنىڭ جانە ونى توقتاتۋىنىڭ وڭايلاتىلعان ءتارتىبى جانە ازاماتتىقتىڭ بولماۋى مەن قوس ازاماتتىق جاعدايلارىن بولدىرماۋ تۋرالى قازاقستان رەسپۋبليكاسى مەن ۋكراينا اراسىنداعى كەلىسىمنىڭ 1, 2-باپتارىنا, قازاقستان رەسپۋبليكاسى پرەزيدەنتىنىڭ 2005 جىلعى 6 ماۋسىمداعى № 1587 جارلىعىمەن بەكىتىلگەن قازاقستان رەسپۋبليكاسىنىڭ ازاماتتىعىنا قابىلداۋدىڭ وڭايلاتىلعان ءتارتiبi بەلگىلەنەتiن ادامدار ءۇشiن كاسiپتەردiڭ تiزبەسiنە جانە ولارعا قويىلاتىن تالاپتارعا, قازاقستان رەسپۋبليكاسى پرەزيدەنتىنىڭ 2006 جىلعى 10 قازانداعى № 198 جارلىعىمەن بەكىتىلگەن قازاقستان رەسپۋبليكاسى پرەزيدەنتىنىڭ جانىنداعى ازاماتتىق ماسەلەلەرى جونىندەگى كوميسسيا تۋرالى ەرەجەنىڭ 3, 6, 17-23, 42, 43-تارماقتارىنا, قازاقستان رەسپۋب­ليكاسى ۇكىمەتىنىڭ 2007 جىلعى 30 ماۋسىمداعى № 558 قاۋلىسىمەن بەكىتىلگەن مەملەكەتتىك قىزمەتتىڭ ۇلگى ستاندارتىنا, قازاقستان رەسپۋبليكاسى ۇكىمەتىنىڭ 2010 جىلعى 20 شىلدەدەگى № 745 قاۋلىسىمەن بەكىتىلگەن جەكە جانە زاڭدى تۇلعالارعا كورسەتىلەتىن مەملەكەتتىك قىزمەتتەر ءتىزىلىمىنىڭ 13-تارماعىنا سايكەس كورسەتىلەدى. 4. مەملەكەتتىك قىزمەت كورسەتۋ ءتارتىبى جانە قاجەتتى قۇجاتتار تۋرالى تولىق اقپارات, سونداي-اق ولاردى تولتىرۋ ۇلگىلەرى قازاقستان رەسپۋبلي­كاسى ىشكى ىستەر مينيسترلىگىنىڭ (بۇدان ءارى – ءىىم) www.mvd.kz جانە تىزبەسى وسى ستاندارتقا 1-قوسىمشادا كورسەتىلگەن وبلىستاردىڭ, استانا جانە الماتى قالالارىنىڭ ىشكى ىستەر دەپارتامەنتتەرىنىڭ (بۇدان ءارى – ءىىد) ينتەرنەت-رەسۋرسىندا, «ىشكى ىستەر ورگاندارىنىڭ قىزمەتى تۋرالى» بولىمدە, سونداي-اق رەسمي اقپارات كوزدەرى مەن كوشى-قون پوليتسياسىنىڭ بولىمشەلەرىندە ورنالاسقان ستەندىلەردە ورنالاستىرىلادى. 5. تۇتىنۋشىعا قازاقستان رەسپۋبليكاسىنىڭ ازاماتتىعىنا قابىلداۋ تۋرالى نە قازاقستان رەسپۋبليكاسىنىڭ ازاماتتىعىنان شىعۋ تۋرالى انىقتاما (قاعاز تاسىعىشتا) نە قىزمەت كورسەتۋدەن باس تارتۋ تۋرالى دالەلدى جاۋاپ بەرۋ كورسەتىلەتىن مەملەكەتتىك قىزمەتتىڭ اياقتالۋ ناتيجەسى بولىپ تابىلادى. 6. مەملەكەتتىك قىزمەت: 1) قازاقستان رەسپۋبليكاسىنىڭ اۋماعىندا تۇراقتى تۇراتىن ورالماندارعا (تۇرۋ مەرزىمىنە قاراماستان); 2) قازاقستان رەسپۋبليكاسىنىڭ ازاماتتارىمەن تۋىستىق قاتىناستا تۇراتىن (اجەسى, اتاسى, اناسى, اكەسى, اعا-ىنىلەرى, اپكە-قارىنداستارى, ءسىڭلى­لەرى, جۇبايلارى, بالالارى) قازاقستان رەسپۋبليكاسىنىڭ اۋماعىندا تۇراقتى تۇراتىن ۋكراينا ازاماتتارىنا (تۇرۋ مەرزىمىنە قاراماستان); 3) قازاقستان رەسپۋبليكاسىنىڭ نەمەسە قازاق كەڭەستىڭ سوتسياليستىك رەسپۋبليكاسىنىڭ (بۇدان ءارى – قازاق كسر) اۋماعىندا تۋعان نەمەسە قازاقستان رەسپۋبليكاسىنىڭ ازاماتتارىمەن تۋىستىق قاتىناستا تۇراتىن (اجەسى, اتاسى, اناسى, اكەسى, اعا-ىنىلەرى, اپكە-قارىنداستارى, سىڭلىلەرى, جۇبايلارى, بالالارى) قازاقستان رەسپۋبليكاسىنىڭ اۋماعىندا تۇراقتى تۇراتىن بەلارۋس رەسپۋبليكاسىنىڭ, قىرعىز رەسپۋبليكاسىنىڭ جانە رەسەي فەدەراتسياسىنىڭ ازاماتتارىنا (تۇرۋ مەرزىمىنە قاراماستان); 4) بۇۇ باس اسسامبلەياسىنىڭ 1957 جىلعى 29 قاڭتارداعى 1040 قارارىمەن قول قويۋ جانە بەكىتۋ ءۇشىن اشىق تۇرمىستاعى ايەلدەردىڭ ازا­مات­تىعى تۋرالى كونۆەنتسيانىڭ قولدانىلۋى اياسىنا تۇسەتىن ادامدارعا; 5) قازاقستان رەسپۋبليكاسىندا تۇراقتى تۇراتىن (تۇرۋ مەرزىمىنە قاراماستان), جاقىن تۋىسقاندارىنىڭ ءبىرى - بالالارى (ونىڭ ىشىندە اسىراپ العان), جۇبايلارى, اتا-اناسىنىڭ (اسىراپ الۋشىلاردىڭ) ءبىرى, اعا-ىنىلەرى, اپكە-قارىنداستارى, سىڭلىلەرى, اتاسى نەمەسە اجەسى – قازاق­ستان رەسپۋبليكاسىنىڭ ازاماتى بار بۇرىنعى كەڭەستىك سوتسياليستىك رەسپۋبليكالار وداعىنىڭ رەسپۋبليكالارى – مەملەكەتتەرىنىڭ ازاماتتارىنا; 6) وسى ستاندارتتىڭ 2-قوسىمشاسىندا كورسەتىلگەن تىزبەگە سايكەس «قازاقستان رەسپۋبليكاسىنىڭ ازاماتتىعىنا قابىلداۋدىڭ وڭايلاتىلعان ءتارتiبi بەلگiلەنەتiن ادامدار ءۇشiن كاسiپتەردiڭ تiزبەسiن جانە ولارعا قويىلاتىن تالاپتاردى بەكiتۋ تۋرالى» قازاقستان رەسپۋبليكاسى پرە­زيدەن­تىنىڭ 2005 جىلعى 6 ماۋسىمداعى № 1587 جارلىعىنا ساي كەلەتىن قازاقستان رەسپۋبليكاسىنىڭ اۋماعىندا تۇراقتى تۇراتىن (تۇرۋ مەرزىمىنە قاراماستان) شەتەلدىكتەرگە; 7) قازاقستان رەسپۋبليكاسىنىڭ ازاماتىمەن كەمىندە ءۇش جىل نەكەدە تۇرعان قازاقستان رەسپۋبليكاسىنىڭ اۋماعىندا تۇراقتى تۇراتىن شەتەلدىكتەر مەن ازاماتتىعى جوق ادامدارعا (تۇرۋ مەرزىمىنە قاراماستان); 8) قازاقستان رەسپۋبليكاسىنىڭ اۋماعىندا كەمىندە بەس جىل تۇراقتى تۇراتىن شەتەلدىكتەر مەن ازاماتتىعى جوق ادامدارعا; 9) قازاقستان رەسپۋبليكاسىنىڭ ازاماتتىعىنان شىعۋدى قالايتىن, قازاقستان رەسپۋبليكاسىندا تۇراقتى تۇراتىن قازاقستان رەسپۋبليكاسىنىڭ ازاماتتارىنا كورسەتىلەدى. 7. مەملەكەتتىك قىزمەتتى كورسەتۋ مەرزىمدەرى: 1) تۇتىنۋشىنىڭ وسى ستاندارتتىڭ 11-تارماعىندا كورسەتىلگەن قاجەتتى قۇجاتتاردى تاپسىرعان ساتىنەن باستاپ: 2) 6-تارماقتىڭ 1), 5), 6), 7), 8) جانە 9) تارماقشالارىندا كورسەتىلگەن ادامدار ءۇشىن – وسى ستاندارتتىڭ 3, 4-قوسىمشالارىنا سايكەس تۇتىنۋشى ءوتىنىشتىڭ قابىلدانعانى تۋرالى انىقتامانى العان ساتتەن باستاپ التى اي; 3) 6-تارماقتىڭ 2), 3) جانە 4) تارماقشالارىندا كورسەتىلگەن ادامدار ءۇشىن – وسى ستاندارتتىڭ 3-قوسىمشاسىنا سايكەس تۇتىنۋشى ءوتىنىشتىڭ قابىلدانعانى تۋرالى انىقتامانى العان ساتتەن باستاپ ءۇش اي; 4) مەملەكەتتىك قىزمەتتى ۇسىنۋ ءۇشىن قاجەتتى قۇجاتتاردى وتكىزۋ كەزىندە تۇتىنۋشىنىڭ كەزەك كۇتۋىنىڭ رۇقسات ەتىلگەن ەڭ ۇزاق ۋاقىتى – 30 مينۋت; 5) قازاقستان رەسپۋبليكاسىنىڭ ازاماتتىعىنا قابىلداۋ نە قازاقستان رەسپۋبليكاسىنىڭ ازاماتتىعىنان شىعۋ تۋرالى انىقتامانى الۋ كەزىندە الۋشىعا قىزمەت كورسەتۋدىڭ رۇقسات ەتىلگەن ەڭ ۇزاق ۋاقىتى – 30 مينۋت. 8. مەملەكەتتىك قىزمەت اقىلى بولىپ تابىلادى. مەملەكەتتىك قىزمەت كورسەتىلگەنى ءۇشىن «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسى كودەكسىنىڭ (سالىق كودەكسى) 538-بابىنا سايكەس مەملەكەتتىك باج الىنادى, ول مەملەكەتتىك باج تولەنگەن كۇنگە بەلگىلەنگەن ايلىق ەسەپتىك كورسەتكىشتىڭ 100 پايىزىن قۇرايدى. مەملەكەتتىك باجدىڭ سوماسىن تولەۋ بانكتەر نەمەسە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار ارقىلى اۋدارۋ جولىمەن جۇرگىزىلەدى, ولار تولەمنىڭ مولشەرى مەن كۇنىن راستايتىن قۇجات بەرەدى. 9. مەملەكەتتىك قىزمەت اپتاسىنا بەس جۇمىس كۇنىندە ۇسىنىلادى, جۇمىس كۇندەرى ساعات 13-00-دەن 14-30-عا دەيىنگى تۇسكى ۇزىلىسپەن ساعات 9-00-دەن 18-30-عا دەيىن, سونداي-اق سەنبىدە ساعات 9-00-دەن 13-00-گە دەيىن ۇسىنىلادى. قابىلداۋ ناقتى كەزەككە تۇرۋ تارتىبىمەن, الدىن الا جازىلۋسىز جانە جەدەل قىزمەت كورسەتۋسىز جۇزەگە اسىرىلادى. 10. وسى مەملەكەتتىك قىزمەتتى كورسەتەتىن كوشى-قون پوليتسياسى بولىمشەلەرىنىڭ ءۇي-جايلارى عيماراتتىڭ ءبىرىنشى قاباتىندا ورنالاسادى, ىشكى ىستەر ورگاندارىنىڭ باسقا بولىمشەلەرىنەن بولەك, فيزيكالىق مۇمكىندىكتەرى شەكتەۋلى ادامداردىڭ كىرۋىنە ارنالعان قۇرىلعىلارى بار كىرەتىن ەسىگى بولادى. كۇتۋ زالى, قۇجاتتاردى تولتىرۋعا ارنالعان ورىندار قاجەتتى قۇجاتتاردىڭ تىزبەسى مەن ولاردى تولتىرۋ ۇلگىلەرى بار ستەندىلەرىمەن جاراقتالادى. 2. مەملەكەتتىك قىزمەت كورسەتۋ ءتارتىبى 11. مەملەكەتتىك قىزمەتتى الۋ ءۇشىن تۇتىنۋشىلار: 1) قازاقستان رەسپۋبليكاسىنىڭ ازاماتتىعىنا قابىلداۋ ءۇشىن: تۇتىنۋشى ەركىن نىساندا تولتىراتىن جەكە ءوتىنىش; بلانكىسىن كوشى-قون پوليتسياسى بولىمشەلەرىنىڭ قىزمەتكەرلەرى بەرەتىن ساۋالناما-ءوتىنىش; ولشەمى 35ح45 مم ءتورت فوتوسۋرەت (فوتوسۋرەت تۇتىنۋشىنىڭ جاسىنا سايكەس بولۋى جانە قاتاڭ تۇردە جارىق جەردە الدىنان تۇسىرىلگەن بولۋى ءتيىس ءارى ادامنىڭ بەتى فوتوسۋرەتتىڭ جالپى اۋدانىنىڭ 75%-عا جۋىعىن الۋى ءتيىس); بلانكىسىن كوشى-قون پوليتسياسى بولىمشەلەرىنىڭ قىزمەتكەرلەرى بەرەتىن «قازاقستان رەسپۋبليكاسىنىڭ ازاماتتىعى تۋرالى» قازاقستان رەسپۋب­ليكاسى زاڭىنىڭ 1-بابىندا كوزدەلگەن شارتتاردى ساقتاۋ تۋرالى مىندەتتەمە; مەملەكەتتىك باجدى تولەگەنى نەمەسە ونى تولەۋدەن بوساتىلعانى تۋرالى قۇجات; باسقا مەملەكەت ازاماتتىعىنىڭ جوق ەكەندىگى نەمەسە ونى توقتاتقانى تۋرالى انىقتاما ۇسىنادى. اتالعان قۇجاتتاردان باسقا قوسىمشا: ورالماندار – قازاقستان رەسپۋبليكاسى ىشكى ىستەر مينيسترلىگىنىڭ كوشى-قون پوليتسياسى مەن كوشى-قون پوليتسياسىنىڭ بولىمشەلەرى بەرەتىن ورالمان كۋالىگىن; ەركىن نىساندا جاسالاتىن بۇرىنعى ازاماتتىعىنان باس تارتۋ تۋرالى ءوتىنىش; قازاقستان رەسپۋبليكاسىنىڭ ازاماتتىعىن وڭايلاتىلعان تارتىپپەن الاتىن ۋكراينا ازاماتتارى – قازاقستان رەسپۋبليكاسىنىڭ ازاماتى – جاقىن تۋىسقاندارىنىڭ ءبىرىنىڭ جەكە كۋالىگىنىڭ كوشىرمەسىن; قازاقستان رەسپۋبليكاسىنىڭ ازاماتتارىمەن تۋىستىق دارەجەسىن راستايتىن قۇجاتتاردى; ۋكراينانىڭ قۇزىرەتتى ورگاندارى بەرەتىن اسكەري مىندەتتى اتقارعانىن نە ودان بوساتىلعانىن راستايتىن قۇجاتتى (اسكەرگە شاقىرىلاتىن جاستاعى ادامدار ءۇشىن); قازاقستان رەسپۋبليكاسىنىڭ ازاماتتىعىن وڭايلاتىلعان تارتىپپەن الاتىن بەلارۋس رەسپۋبليكاسىنىڭ, قىرعىز رەسپۋبليكاسىنىڭ, رەسەي فەدەرا­تسياسىنىڭ ازاماتتارى – قازاقستان رەسپۋبليكاسى ازاماتىنىڭ جاقىن تۋىسقان­دارىنىڭ ءبىرىنىڭ جەكە كۋالىگىنىڭ كوشىرمەسىن; قازاقستان رەسپۋبلي­كاسىنىڭ ازاماتتارىمەن تۋىستىق دارەجەسىن راستايتىن قۇجاتتاردى; تۇتىنۋشىنىڭ بەلارۋس كسر-ىنىڭ, قازاق كسر-ىنىڭ, قىرعىز كسر-ىنىڭ نەمەسە ركفسر-دىڭ ازاماتتىعىندا جانە ءبىر مەزگىلدە بۇرىنعى كسرو-نىڭ ازاماتتىعىندا تۇرعانىن, 1991 جىلدىڭ 21 جەلتوقسانىنا دەيىن قازاقستان رەسپۋبليكاسىنىڭ اۋماعىندا تۋعانىن نەمەسە تۇرعانىن راستايتىن قۇجاتتاردى; بۇرىنعى كسرو رەسپۋبليكالارىنىڭ ازاماتتارى – بۇرىن ازامات­تىعىندا تۇرعان مەملەكەتتىڭ قۇزىرەتتى ورگانى بەرەتىن بۇرىنعى ازاماتتىعىن توقتاتۋ تۋرالى انىقتامانى; قازاقستان رەسپۋبليكاسى ازاماتىنىڭ جاقىن تۋىسقانىنىڭ ءبىرىنىڭ جەكە كۋالىگىنىڭ كوشىرمەسىن; قازاقستان رەسپۋبليكاسىنىڭ ازاماتتارىمەن تۋىستىق دارەجەسىن راس­تايتىن قۇجاتتاردى; وسى ستاندارتتىڭ 2-قوسىمشاسىندا كورسەتىلگەن «قازاقستان رەسپۋبلي­كاسىنىڭ ازاماتتىعىنا قابىلداۋدىڭ وڭايلاتىلعان ءتارتiبi بەلگiلەنەتiن ادامدار ءۇشiن كاسiپتەردiڭ تiزبەسiن جانە ولارعا قويىلاتىن تالاپتاردى بەكiتۋ تۋرالى» قازاقستان رەسپۋبليكاسى پرەزيدەنتىنىڭ 2005 جىلعى 6 ماۋسىمداعى № 1587 جارلىعىمەن بەكىتىلگەن كاسىپتەردىڭ تىزبەسىنە سايكەس شەتەلدىكتەر – بەيىندى مەملەكەتتىك ورگاننىڭ قولداۋحاتىن, ەركىن نىساندا جاسالاتىن بۇرىنعى ازاماتتىعىنان باس تارتۋ تۋرالى ءوتىنىش; قازاقستان رەسپۋبليكاسىنىڭ ازاماتىمەن كەمىندە ءۇش جىل نەكەدە تۇراتىن شەتەلدىكتەر مەن ازاماتتىعى جوق ادامدار – قازاقستان رەسپۋبليكاسىنىڭ ازاماتى – جۇبايىنىڭ (زايىبىنىڭ) جەكە كۋالىگىن; نەكە تۋرالى كۋالىكتىڭ كوشىرمەسىن, بۇرىن ازاماتتىعىندا تۇرعان مەملەكەت­تىڭ قۇزىرەتتى ورگانى بەرەتىن بۇرىنعى ازاماتتىعىن توقتاتۋ تۋرالى انىقتاما; قازاقستان رەسپۋبليكاسىنىڭ اۋماعىندا كەمىندە بەس جىل تۇراقتى تۇراتىن شەتەلدىكتەر مەن ازاماتتىعى جوق ادامدار – قازاقستان رەسپۋبليكاسىنىڭ اۋماعىندا كەمىندە بەس جىل تۇراقتى تۇرعانىن راستايتىن قۇجات, بۇرىن ازاماتتىعىندا تۇرعان مەملەكەتتىڭ قۇزىرەتتى ورگانى بەرەتىن بۇرىنعى ازاماتتىعىن توقتاتۋ تۋرالى انىقتاما ۇسىنادى. ەسكەرتپە: ازاماتتىعى جوق ادام مارتەبەسىن تۋعاننان كەيىن نەمەسە قازاقستان رەسپۋبليكاسىنا كەلگەنگە دەيىن العان ادامدار بۇرىنعى ازاماتتىعىنىڭ توقتاتىلعانى تۋرالى انىقتامانى تاپسىرمايدى; 2) قازاقستان رەسپۋبليكاسىنىڭ ازاماتتىعىنان شىعۋ ءۇشىن: تۇتىنۋشى ەركىن نىساندا جاسايتىن جەكە ءوتىنىش; بلانكىسىن كوشى-قون پوليتسياسى بولىمشەسىنىڭ قىزمەتكەرى بەرەتىن ساۋالناما-ءوتىنىش; ءومىربايان; ولشەمى 35ح45 مم ءۇش فوتوسۋرەت (فوتوسۋرەت تۇتىنۋشىنىڭ جاسىنا سايكەس بولۋى جانە قاتاڭ تۇردە جارىق جەردە الدىنان تۇسىرىلگەن بولۋى ءتيىس ءارى ادامنىڭ بەتى فوتوسۋرەتتىڭ جالپى اۋدانىنىڭ 75 %-عا جۋىعىن الۋى ءتيىس); جەكە كۋالىگىنىڭ, بالانىڭ تۋ جانە نەكە تۋرالى كۋالىكتەرىنىڭ كوشىرمەلەرىن; جۇمىس, وقۋ ورنىنان, ال جۇمىس ىستەمەيتىندەر – قازاقستان رەسپۋبليكاسى ادىلەت مينيسترلىگى سوت اكىمشىلىگى كوميتەتىنىڭ اۋماقتىق ورگانىنان ادامنىڭ مەملەكەت الدىندا ورىندالماعان ازاماتتاردىڭ مۇددەلەرىنە بايلانىستى مىندەتتەمەلەرىنىڭ نە ازاماتتاردىڭ مەنشىك نىسانىنا قاراماستان, قازاقستان رەسپۋبليكاسىنىڭ مەملەكەتتىك ورگان­دارى جانە ۇيىمدارىنىڭ مۇددەلەرىنە بايلانىستى م ۇلىكتىك مىندەتتەرىنىڭ بار نەمەسە جوق ەكەنى كورسەتىلگەن انىقتاما; اسكەرگە شاقىرىلاتىن جاستاعى (18-دەن 27 جاسقا دەيىن) ادامدى مەرزىمدى اسكەري قىزمەت وتكەرۋدەن بوساتۋ تۋرالى اسكەري كوميسسارياتتان انىقتاما; مەملەكەتتىك باجدى تولەگەنى نەمەسە ونى تولەۋدەن بوساتىلعانى تۋرالى قۇجات ۇسىنىلادى. 12. بلانكىلەردى كوشى-قون پوليتسياسى بولىمشەلەرىنىڭ قىزمەتكەرلەرى بەرەدى, سونداي-اق ءىىم-ءنىڭ www.mvd.kz, ءىىد-ءنىڭ ينتەرنەت-رەسۋرسىندا «ىشكى ىستەر ورگاندارىنىڭ قىزمەتى تۋرالى» بولىمىندە ورنالاستىرىلادى, ولاردىڭ تىزبەسى وسى ستاندارتقا 1-قوسىمشادا كورسەتىلگەن. 13. تولتىرىلعان وتىنىشتەر مەن وسى ستاندارتتىڭ 12-تارماعىندا كورسەتىلگەن بلانكىلەر تۇتىنۋشىنىڭ بولاتىن جەرى بويىنشا كوشى-قون پوليتسياسى بولىمشەلەرىنە تاپسىرىلادى. 14. كوشى-قون پوليتسياسى بولىمشەسىنىڭ قىزمەتكەرى تۇتىنۋشىعا وسى ستاندارتقا 5-قوسىمشاعا سايكەس نىسان بويىنشا قۇجاتتاردى قابىل­داعانى تۋرالى تالون بەرەدى. 15. قازاقستان رەسپۋبليكاسىنىڭ ازاماتتىعىنا قابىلداۋ نەمەسە ودان شىعۋ ماسەلەسى بويىنشا قابىلدانعان شەشىم تۋرالى قازاقستان رەسپۋبليكاسى پرەزيدەنتىنىڭ جارلىعىنا قول قويىلعان, وبلىستاردىڭ, استانا, الماتى قالالارىنىڭ ءىىد قورىتىندىسى الىنعان ساتتەن باستاپ تۇتىنۋشىنى كوشى-قون پوليتسياسى بولىمشەسىنىڭ قىزمەتكەرى جەتى جۇمىس كۇنى مەرزىمىندە تەلەفون ارقىلى نەمەسە جەكە قابىلداۋدا حاباردار ەتەدى. قازاقستان رەسپۋبليكاسىنىڭ ازاماتتىعىنا قابىلداۋ نەمەسە ودان شىعۋ تۋرالى انىقتاما تۇتىنۋشىعا, شەتەلدىكتىڭ پاسپورتى, ازاماتتىعى جوق ادامنىڭ كۋالىگى نە بولماسا قازاقستان رەسپۋبليكاسى ازاماتىنىڭ جەكە كۋالىگى مەن پاسپورتى كوشى-قون پوليتسياسى بولىمشەسىنە تاپسىرىل­عاننان كەيىن بەرىلەدى. 16. «قازاقستان رەسپۋبليكاسىنىڭ ازاماتتىعى تۋرالى» زاڭنىڭ 17-بابىنا سايكەس, ەگەر قازاقستان رەسپۋبليكاسىنىڭ ازاماتتىعىنا قابىلداۋ تۋرالى ءوتىنىش جاساۋشى ادام: 1) ازاماتقا قارسى حالىقارالىق قۇقىقتا كوزدەلگەن قىلمىس جاساسا, قازاقستان رەسپۋبليكاسىنىڭ ەگەمەندىگى مەن تاۋەلسىزدىگىنە ادەيى قارسى شىقسا; 2) قازاقستان رەسپۋبليكاسى تەرريتورياسىنىڭ بىرلىگى مەن تۇتاستىعىن بۇزۋعا شاقىرسا; 3) مەملەكەت قاۋىپسىزدىگىنە, حالىقتىڭ دەنساۋلىعىنا نۇقسان كەلتىرەتىن قۇقىققا قارسى ءىس-ارەكەت جاساسا; 4) مەملەكەتارالىق, ۇلتارالىق جانە ءدىني ارازدىقتى قوزدىراتىن بولسا, قازاقستان رەسپۋبليكاسى مەملەكەتتىك ءتىلىنىڭ قولدانىلۋىنا قارسى ارەكەت جاساسا; 5) تەرروريستىك ارەكەتى ءۇشىن سوتتالعان بولسا; 6) سوت ەرەكشە قاۋىپتى باۋكەسپە دەپ تانىسا; 7) باسقا مەملەكەتتىڭ ازاماتى بولسا, ونىڭ ءوتىنىشى قابىلدانبايدى. قازاقستان رەسپۋبليكاسىنىڭ ازاماتتىعىنان شىعۋدان, ەگەر بۇل تۋرالى قولداۋحات بەرگەن ادامنىڭ قازاقستان رەسپۋبليكاسىنىڭ الدىندا ورىندالماعان مىندەتتەمەلەرى نەمەسە ازاماتتاردىڭ نەمەسە قازاقستان رەسپۋبليكاسىنىڭ اۋماعىندا ورنالاسقان كاسىپورىنداردىڭ, مەكەمەلەر مەن ۇيىمداردىڭ, قوعامدىق بىرلەستىكتەردىڭ ەلەۋلى مۇددەلەرىنە بايلا­نىستى م ۇلىكتىك مىندەتتەمەلەرى بولسا, باس تارتىلادى. قازاقستان رەسپۋبليكاسىنىڭ ازاماتتىعىنان شىعۋعا, ەگەر بۇل تۋرالى قولداۋحات بەرگەن ادام ايىپتالۋشى رەتىندە قىلمىستىق جاۋاپكەرشىلىككە تارتىلسا نە سوتتىڭ كۇشىنە ەنگەن ۇكىمى بويىنشا جازاسىن وتەپ جۇرسە نەمەسە بۇل ادامنىڭ قازاقستان رەسپۋبليكاسىنىڭ ازاماتتىعىنان شىعۋى قازاقستان رەسپۋبليكاسىنىڭ مەملەكەتتىك قاۋىپسىزدىگىنىڭ مۇددەلەرىنە قايشى كەلسە, جول بەرىلمەيدى. بۇدان باسقا, وسى ستاندارتتىڭ 11-تارماعىندا كورسەتىلگەن قۇجات­تاردى تابىس ەتپەۋ تۇتىنۋشىعا مەملەكەتتىك قىزمەتتى كورسەتۋدەن باس تارتۋ ءۇشىن نەگىز بولىپ تابىلادى. 3. جۇمىس قاعيداتتارى 17. كوشى-قون پوليتسياسى بولىمشەلەرىنىڭ قىزمەتى ادامنىڭ كونستيتۋتسيالىق قۇقىقتارىن, قىزمەتتىك بورىشتى ورىنداۋ كەزىندە زاڭدىلىقتى, ىشكى ىستەر ورگاندارى قىزمەتكەرىنىڭ ار-نامىس كودەكسىن ساقتاۋعا نەگىزدەلەدى جانە سىپايىلىق, تولىق اقپارات بەرۋ, ونىڭ ساقتالۋىن, قورعالۋىن جانە قۇپيالىلىعىن قامتاماسىز ەتۋ قاعيدات­تارىندا جۇزەگە اسىرىلادى. 4. جۇمىس ناتيجەلەرى 18. كوشى-قون پوليتسياسى بولىمشەلەرىنىڭ جۇمىس ناتيجەلەرى وسى ستاندارتقا 6-قوسىمشاعا سايكەس ساپا جانە تيىمدىلىك كورسەتكىشتەرىمەن ولشەنەدى. 19. كوشى-قون پوليتسياسى بولىمشەلەرىنىڭ جۇمىسى باعالاناتىن مەملەكەتتىك قىزمەتتەردىڭ ساپاسى مەن تيىمدىلىگى كورسەتكىشتەرىنىڭ نىسانالى ماندەرى جىل سايىن ءىىم-ءنىڭ بۇيرىعىمەن بەكىتىلەدى. شاعىمدانۋ ءتارتىبى 20. مەملەكەتتىك قىزمەت كورسەتۋ ناتيجەلەرىنە شاعىمدانۋ ءتارتىبى تۋرالى اقپاراتتى وسى ستاندارتقا 1-قوسىمشادا كورسەتىلگەن مەكەن-جايلار بويىنشا ءىىد-ءنىڭ, قازاقستان رەسپۋبليكاسى ءىىم كوشى-قون پوليتسياسى كوميتەتىنىڭ (بۇدان ءارى – كقپك), ءىىم حاتشىلىعىنان الۋعا بولادى. 21. كورسەتىلگەن مەملەكەتتىك قىزمەت ناتيجەلەرىمەن كەلىسپەگەن جاعدايدا تۇتىنۋشى شاعىمدى كقپك-عا مىناداي مەكەن-جاي بويىنشا بەرەدى: استانا قالاسى, ى. دۇكەن ۇلى كوشەسى, 23/1, تەلەفون: 20-55-73. جۇمىس كەستەسى: جۇمىس كۇندەرى ساعات 9-00 باستاپ 18-30-عا دەيىن, تۇسكى ءۇزىلىس ساعات 13-00-دەن 14-30-عا دەيىن. 22. دورەكى قىزمەت كورسەتىلگەن جاعدايدا شاعىم قازاقستان رەسپۋب­ليكاسى ىشكى ىستەر ءمينيسترىنىڭ اتىنا مىناداي مەكەن-جاي بويىنشا: استانا قالاسى تاۋەلسىزدىك داڭعىلى, 1; تەلەفون: 8(7172)71-40-10, فاكس 8(7172)37-06-01, جۇمىس كۇندەرى ساعات 9-00-دەن 18-30-عا دەيىن, تۇسكى ءۇزىلىس ساعات 13-00-دەن 14-30-عا دەيىن, سونداي-اق www.mvd.kz ينتەرنەت-رەسۋرسىندا بەرىلەدى. 23. كورسەتىلگەن مەملەكەتتىك قىزمەتتىڭ ناتيجەلەرىمەن كەلىسپەگەن جاعدايدا تۇتىنۋشىنىڭ زاڭنامادا بەلگىلەنگەن تارتىپپەن سوتقا جۇگىنۋگە قۇقىعى بار. 24. شاعىم ەرىكتى نىساندى جازباشا تۇردە پوشتا, ەلەكتروندىق پوشتا نە ءىىو-نىڭ, ءىىد-ءنىڭ, كقپك, ءىىم-ءنىڭ كەڭسەسى ارقىلى قولما-قول قابىلدانادى. جەكە تۇلعانىڭ شاعىمىندا ونىڭ تەگى, اتى, اكەسىنىڭ اتى, پوشتالىق مەكەن-جايى, زاڭدى تۇلعانىڭ شاعىمىندا ونىڭ اتاۋى, پوشتالىق مەكەن-جايى, شىعىس ءنومىرى مەن كۇنى كورسەتىلەدى. شاعىمعا تۇتىنۋشى قول قويۋى ءتيىس. 25. قابىلدانعان شاعىم ىشكى ىستەر ورگانىنىڭ اقپاراتتى ەسەپكە الۋ جۋرنالىنا تىركەلەدى. ءوتىنىشتى/ارىزدى كۇنى مەن ۋاقىتى, قابىلداعان ادامنىڭ تەگى جانە اتى-ءجونى, سونداي-اق بەرىلگەن شاعىمعا الىناتىن جاۋاپتىڭ مەرزىمى مەن ورنى جانە وسى ستاندارتقا 7-قوسىمشاعا سايكەس نىسان بويىنشا شاعىمدى قاراۋ بارىسى تۋرالى بىلۋگە بولاتىن لاۋازىمدى ادامداردىڭ بايلانىس دەرەكتەرى كورسەتىلگەن تالون شاعىمنىڭ قابىلدانعانىن راستايتىن قۇجات بولىپ تابىلادى. شاعىم «جەكە جانە زاڭدى تۇلعالاردىڭ وتىنىشتەرىن قاراۋ ءتارتىبى تۋرالى» قازاقستان رەسپۋبليكاسىنىڭ 2007 جىلعى 12 قاڭتارداعى زاڭىندا بەلگىلەنگەن تارتىپپەن قارالادى. 26. مەملەكەتتىك قىزمەت تۋرالى قوسىمشا اقپاراتتى مىناداي مەكەنجاي بويىنشا: 010000, استانا قالاسى, ى. دۇكەن ۇلى كوشەسى 23/1; ءىىم-ءنىڭ ينتەرنەت-رەسۋرسى: www.mvd.kz, «ىشكى ىستەر ورگاندارىنىڭ قىزمەتى تۋرالى» بولىمدە, قابىلداۋ بولمەسىنىڭ تەلەفونى 8 (7172) 20-55-73, وسى ستاندارتقا 1-قوسىمشاعا سايكەس ءىىد-دەن الۋعا بولادى.