قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگىنىڭ بۇيرىعى №238-ءو

2011 جىلعى 28 ماۋسىم,  استانا قالاسى «ازاماتتىق قىزمەتشىلەردى اتتەستاتسيادان وتكىزۋ شارتتارىن جانە ەرەجەسىن بەكىتۋ تۋرالى» قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2007 جىلعى 20 شىلدەدەگى № 168-ءو بۇيرىعىنا وزگەرىس ەنگىزۋ تۋرالى قازاقستان رەسپۋبليكاسى ەڭبەك كودەكسىنىڭ 233-بابىنا, «ارناۋلى الەۋمەتتىك قىزمەتتەر تۋرالى» 2008 جىلعى 29 جەلتوقسانداعى قازاقستان رەسپۋبليكاسى زاڭىنىڭ 8-بابى 2) تارماقشاسىنا سايكەس بۇيىرامىن: 1. «ازاماتتىق قىزمەتشىلەردى اتتەستاتسيادان وتكىزۋ شارتتارىن جانە ەرەجەسىن بەكىتۋ تۋرالى» قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2007 جىلعى 20 شىلدەدەگى № 168-ءو بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋدىڭ تىزىلىمىنە № 4883 بولىپ تىركەلگەن, قا­زاقستان رەسپۋبليكاسىنىڭ ورتالىق اتقارۋشى جانە وزگە دە ورتالىق مەملەكەتتىك ورگاندارىنىڭ اكتىلەر جيناعىندا جاريالانعان, 2007 جىل, ماۋسىم-تامىز) مىناداي وزگەرىس ەنگىزىلسىن: كورسەتىلگەن بۇيرىقپەن بەكىتىلگەن ازاماتتىق قىزمەتشىلەردى اتتەستاتسيادان وتكىزۋ شارتتارى جانە ەرەجەسىندە: 1-تارماق مىناداي رەداكتسيادا جازىلسىن: «1. وسى ازاماتتىق قىزمەتشىلەردى اتتەستاتسيادان وتكىزۋ شارتتارى جانە ەرەجەسى (بۇدان ءارى – ەرەجە) قازاقستان رەسپۋبليكاسى ەڭبەك كودەكسىنىڭ 233-بابىنا سايكەس ازىرلەندى جانە قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىندە, ونىڭ ۆەدومستۆوسىندا جانە ولاردىڭ اۋماقتىق ورگاندارىندا, قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ قاراماعىنداعى قازىنالىق كاسىپورىنداردا, سونداي-اق جۇمىسپەن قامتۋ جانە الەۋمەتتىك قامسىزداندىرۋ سالاسىنداعى قىزمەتتى جۇزەگە اسىراتىن وزگە دە ۇيىمداردىڭ, حالىقتى الەۋمەتتىك قورعاۋ سالاسىندا ارناۋلى الەۋمەتتىك قىزمەت كورسەتەتىن الەۋمەتتىك قىزمەتكەرلەردەن باسقا ازاماتتىق قىزمەتشىلەرىن (بۇدان ءارى – قىزمەتشىلەر) اتتەستاتسيادان وتكىزۋدىڭ ءتارتىبى مەن شارتتارىن ايقىندايدى.». 2. الەۋمەتتىك كومەك دەپارتامەنتى (ق.ا. ماناباەۆا): 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن بۇقارالىق اقپارات قۇرالدارىندا رەسمي جاريالانۋىن, سونداي-اق قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىق العاش رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترى گ. ابدىقالىقوۆا. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 15 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7076 بولىپ ەنگىزىلدى.