رامازان – نۇر شاشقان اي

بارشا مۇسىلمان قاۋىمى اسىعا كۇتەتىن رامازان ايى بيىل دا بەرەكە-بىرلىگىمىزگە كەڭىنەن جول اشىپ, مەيىرىمنىڭ, شاپاعات­تىڭ شۋاعىن توگىپ وتىر. ونى بۇگىن نازارلارىڭىزعا ۇسىنىپ وتىرعان وقىرمان حاتتارىنان دا ايقىن بايقاۋعا بولادى. وتە وزەكتى ماسەلە بارشا جۇرتشىلىقتىڭ قۇر­مەتىنە بولەنگەن, جىلدان-جىلعا تارالىمى ارتىپ كەلە جاتقان «ەگەمەن قازاقستان» گازەتىندە جارىق كورگەن باس ءمۇفتيدىڭ مينيسترلىكتەر مەن سالا جەتەكشىلەرىنە, وبلىس, قا­لا, اۋدان باس­شى­لا­رىنا, كاسىپ­كەر­لەر مەن ەل حال­قىنا قاسيەتتى رامازان ايىنا باي­لانىستى جول­داعان ءۇن­دەۋىن تو­لىعىمەن قولدايمىن. بۇل ۇندەۋ, مەنىڭشە, بارلىق قازاقستاندىقتاردىڭ كوڭىلىنەن شىقتى دەپ ويلايمىن. ۇندەۋدە وزەكتى ماسەلەلەر ورىن­دى كو­تەر­ىلگەن. ورازا كەزىندە ازىق-ت ۇلىك­تەر­دىڭ باعاسىن كاسىپكەر جىگىتتەر تومەندەتىپ, ولارعا جەڭىل­دىكتەر جا­­ساۋى – ۇلكەن قامقورلىق. سايران بۇقانوۆ , «قارقىن» جاۋاپكەرشىلىگى شەكتەۋلى سەرىكتەستىگىنىڭ ديرەكتورى, قازاقستاننىڭ ەڭبەك ەرى. قوستاناي وبلىسى.   بارىمىزگە وي سالدى قاسيەتتى رامازان ايى مۇ­سىل­ماندار ءۇشىن ەڭ قاسيەتتى دە قا­دىر­لى, بەرەكەلى دە ىرىستى اي. بۇل ايدا تاعدىرىمىزعا جاقسى­لىق بەرەتىن قادىر ءتۇنى بار. ءارى بارشا مۇسىلمان ورازا تۇتىپ, اللا ال­دىندا نيەتى سىنالادى. سوندىق­تان بارشامىزعا اللا ­تا­عالا تاۋ­فيق-ھيدايات بەرىپ, يما­نى­مىز­دى بەرىك, نيەتىمىزدى قابىل ەتسىن. حالىقتىڭ كۇن­كو­رىسىنە جەڭىلدىك پەن كومەك, ەلىنە اللادان ريزىق-نەسىبە سۇ­رال­عان ۇندەۋ بارشا مۇسىلماندارعا وي سالعانى انىق. ەندى وزىمە كەلسەم, ءبىر ادام قولىمنان ناماز كىتا­بىن ساتىپ الىپ, ساجدەگە ماڭ­دايىن تيگىزسە, مۇمكىن بۇل بىرەۋلەرگە جاي نارسە بوپ كورىنەر, ال مەن ءۇشىن ول زور باقىت! سون­دىق­تان ازدى-كوپتى بولسىن, باس ءمۇفتيدىڭ: «بۇل ۇندەۋ بارشا ادامزات بالا­سىنا مول ريزىق بەرۋشى اللا ­تا­عالانىڭ رازىلى­عى­نا ءبىز­دىڭ جۇر­تىمىز مۇنان ءارى قاراي دا بولەنىپ, ساۋابىنا يە بولا بەرسە دەگەن ىزگى ماقساتتان تۋىپ وتىر», دەپ ايتقانىنداي, اللا­نىڭ را­زىلىعىنا بولەنۋ ءۇشىن وسى رامازان ايىندا بار جاق­سى­لىق نيەتىمىزدى توگەيىكشى, اعايىن! ساقىش قابدوللاقىزى, جەكە كاسىپكەر. وسكەمەن.   يگى ءىستىڭ ساۋابى مول قىزىلجار وڭىرىندە ورازا كۇن­­دەرى دۇكەندەردە اراق-شاراپتىڭ ساتىلماۋىنا, ازىق-ت ۇلىك, تاعام ونىمدەرىنىڭ, كوممۋنالدىق قىز­مەتتەردىڭ ارزانداۋىنا قانداس­تا­رىمىز ءوز ۇلەس­تەرىن قوسۋدا. مىسالى تايىنشا اۋدانىنا قا­راستى تەڭدىك اۋى­لىنداعى سەرىك­تەستىكتىڭ جەتەكشىسى ورىنباي قا­جى دۇكەندەرگە ىشىمدىك اتاۋلى­نى اكەلۋگە تىي­ىم سالىپ, كۇن­دەلىكتى تۇتىناتىن تاعامدار مەن تاۋارلار باعالا­رىنىڭ قولجە­تىم­دىلىگىن قامتاما­سىز ەتىپ وتىر. وبلىس ورتا­لى­عىنداعى «قىزىل­جار» ورتالىق مەشىتىندەگى اسحانادان جايشى­لىقتا ادامدار ارىلمايتىن. ورا­زا ايىندا اۋىز اشتىرۋ­شى­لار قاتارىنىڭ ءتىپتى كوبەيىپ كەتەتىنى بەلگىلى. وسى جاعىن ەسكەرىپ, اسحانا باعاسى 15 پايىزعا ارزانداتىلدى. اۋدان­دا­عى مەشىت­تەردە دە قىزمەت كور­سەتۋ باعاسى ەداۋىر تومەندەدى. ال ءبىز بولساق, ساۋاپتى ىستەر جاساۋعا شاقىراتىن ۇندەۋدىڭ ءمان-ماڭىزىن جۇرگەن جەرلەرىمىز­دە كەڭىنەن ءتۇسىندىرىپ, ايتا ءجۇ­رۋ­دى ءبىر پارىزىمىز سانايمىز. قاسىمحان قاجى ابدوللا ۇلى, سولتۇستىك قازاقستان وبلىسىنىڭ وكىل يمامى.   نيەت بولسا, بىتپەيتىن ءىس جوق باس ءمۇفتيدىڭ ۇندەۋىندە اي­تىلعان جايتتەر «سارايشىق» حالال مەيرامحاناسىندا بۇگىندە انىق جۇزەگە اسۋدا. ول قالاداعى جالعىز حالال تاماق ىشەتىن ورىن دەسەك تە بولادى. تۇرعىندارعا مۇسىل­ماندىق شاريعات تالاپتا­رىنا ساي قىزمەت كورسەتىپ كەلە جاتقان مەيرامحانا ءوز بەدەلىن كۇن وتكەن سايىن كوتەرىپ كەلە جاتىر. جىل سايىنعى رامازان ايىندا اۋىزاشار بەرۋ, باسقا دا ساۋاپتى ىستەردى ۇزبەي جاسايتىن «سارايشىق» مەيرامحاناسىنىڭ باسشىسى ەرلان الداسپاەۆ بي­ىل­عى مۇباراك رامازان ايىندا ءمازىردىڭ باعاسىن 15-20 پايىزعا ارزانداتقان. – ءبىز قالاداعى جالعىز حالال مەيرامحانا بولعاندىقتان ءابسات­تار قاجى دەربىسالىنىڭ ۇندەۋىنە ءۇن قوسۋدى ءجون دەپ تاپتىق. ءبىر اي بويىنا اتىراۋلىقتارعا جە­ڭىلدىكپەن قىزمەت ەتپەكپىز. مۇ­نىمەن قاتار رامازان ايىنىڭ ءبىر كۇنىندە اۋىز بەكىتكەن جا­ما­عاتقا تەگىن اۋىزاشار ۇيىمداس­تىرۋدى دا جوسپارلاپ وتىرمىز, – دەيدى مەيرامحانا اكىمشىسى لاۋ­را بەگەجانوۆا. ءيا, «سارايشىق» حالال مەي­رامحاناسىنىڭ يگى ءىسىن وزگەلەر دە جالعاستىرسا قۇبا-قۇپ. ال ءمۇف­تيدىڭ قاسيەتتى ايدا اراق-شا­راپ­تان, شاريعاتىمىز تىيىم سال­عان باسقا دا حارام ءىس-ارەكەت­تەر­­­دەن اۋلاق بولۋعا شاقىرعان تىلەگىن قولداۋشىلار تىپتەن كوبەيىپ تۇر. الپەش سادىق.   حالىققا پايدالى ءىس دەگەن وسى باس ءمۇفتي ءابساتتار قاجى دەربىسالى حازرەتتىڭ بارشا قا­زاقستاندىقتارعا ارناعان ۇندەۋ­ىن جىلى جۇرەكپەن قابىل الدىق. ونداعى مۇباراك ايدىڭ قۇرمە­تىنە ازىق-ت ۇلىك باعاسى ارزان­دا­تىلسا, قازاق ەلى اراق-شاراپتان ءوزىن اۋلاق ۇستاسا دەگەن تىلەگى كىم-كىمنىڭ دە كوڭىلىنەن شىق­قا­نىنا سەنىمدىمىن. ايتايىن دەگەنىم, ءبىز ۇندەۋدى قابىل الىپ, وندا ايتىلعانداردى ورىنداۋعا كىرىسىپ تە كەتتىك. ماسەلەن, ءوزىم باسشىلىق جاسايتىن «اق جەلكەن» شىعارماشىلىق ورتالىعى بۇگىندە حالىققا 10 پايىز جە­ڭىل­دىكپەن قىزمەت ەتۋدەمىز. بو­لا­شاقتا دا حالىققا پايدالى وسىنداي ۇسىنىستاردى قولداي بەرمەكشىمىز. قاسيەتتى ايدا بارشا قازاق جۇرتىنا بىرلىك-بەرەكە, تاتۋ تىرلىك تىلەيمىن. ەلدىڭ, جەردىڭ امان­دىعى مەن تىنىشتىعى – بار­شا­­مىز­دىڭ اماندىعىمىز بەن ءبۇ­تىن­دىگىمىزدىڭ كەپىلى. جاراتقان يە­مىز ۇستاعان ورازامىزدى قا­بىل ەتسىن! نۇربەرگەن داۋلەتوۆ, جەكە كاسىپكەر, «اق جەلكەن» شىعارماشىلىق ورتالىعىنىڭ ديرەكتورى. اتىراۋ وبلىسى.