تاۋەلسىزدىككە تارتۋ

جاقىندا ەل تاۋەلىزدىگىنىڭ 20 جىلدىعىنا ارنالعان الپينيادا مارەسىنە جەتتى. ەلىمىزگە ەڭبەگى سىڭگەن سپورت شە­­بەرى, الپينيست دميتري مۋراۆەۆ باستاعان توپ قازاقستان حال­قىنىڭ سوڭعى 20 جىلداعى بىرلىگى مەن ىنتىماقتاستىعىن ەلىمىزدىڭ ەڭ بيىك نۇكتەسى – حان ءتاڭىرى شى­ڭى­نا شىعۋ ارقىلى كورسەتۋگە نيەت ەتىپ ساپارلاپ قايتتى. قازاقستاندا تاتۋ-ءتاتتى ءومىر ءسۇ­رىپ جاتقان حالىقتاردىڭ بىرلىگىن ناسيحاتتاپ, حان ءتاڭىرىنىڭ شىڭىنا شىعۋ يدەياسىنىڭ اۆتورلارى – «نۇر وتان» حدپ ارداگەرى سەرىك­قا­لي مۇ­قاشەۆ پەن قازاقستان رەس­پۋبليكاسى الپينيزم جانە قۇزعا ورمەلەۋ فە­دەراتسياسىنىڭ پرەزيدەنتى قازبەك ۋاليەۆ. سەرىكقالي اعامىزدىڭ ايتۋ­ىنشا, ەلىمىزدىڭ 20 جىلداعى جەتىستىگى وزگە ەلدەرگە ءۇل­گى بولارلىق ءنار­سە. ويتكەنى, وسىن­شاما ۋاقىتتا باس­قا ەلدەردە داۋ-جانجال, اسكەري قاق­تىعىستار بو­لىپ جاتقاندا تەك قا­زاقستاندا عا­نا ساياسي تۇراقتىلىق, حالىقتار اراسىندا دوستىق پەن ىن­تىماق­تاس­تىق ساقتالىپ وتىر. وسى­نىڭ ءبارى ەلباسى نۇرسۇلتان نازار­باەۆتىڭ ساياساتىنىڭ ارقاسى. ونىڭ ىشكى جانە سىرتقى ساياساتتاعى ۇس­تانى­مىن بۇكىل الەم مويىندادى. قازىر تاعدىردىڭ جازۋىمەن ەلىمىزدە قو­نىستانعان كوپتەگەن ەتنوستار ەل­باسىنىڭ ساياساتىن باعالاپ, قازاق ەلىن كيەلى شاڭىراق دەپ بىلەدى. سوندىقتان ەلىمىزدىڭ بىرلىگى مەن ىنتىماقتاستىعىن ناسيحاتتاۋدىڭ جاڭا ءتاسىلى رەتىندە حان ءتاڭىرىنىڭ شىڭىنا ساياحات جاساۋ تاڭداپ ال­ىندى. باسىندا تاۋعا ساپار جاساۋ جوسپار بويىنشا بىرنەشە كۇنگە سوزىلۋى كەرەك ەدى. بىراق, قار كوش­كىنى جوبانى تولىعىمەن ىسكە اسى­رۋعا كەدەرگىسىن كەلتىردى. الپي­نيا­داعا قاتىسقان 20 شاقتى وتان­دا­سىمىز اقىلداسا كەلىپ, مۇزداقتى قار باسىنا شىقپاي-اق قويۋدى ءجون كوردى. ساياحاتشىلار اراسىندا وزگە ۇلت پەن ءتۇرلى دىندەردىڭ وكىلدەرى بولدى. ولار الپينياداعا قاتىسۋ ءۇشىن قاجەتتى دايىندىقتان ءوتتى. ءبى­راق, قار كوشكىنى قاۋپى تۋعاندا, ولار باعىتتىڭ ءبىرىنشى بولىگىن اياقتاپ, شامامەن 5 مىڭ مەتر بيىكتىككە كوتەرىلدى. ەكىنشى كۇنى دە وس­ىنشاما مەجەنى باعىندىرۋ جوس­پار­لانعان بولاتىن. الايدا حان تاڭىرىدە جاۋعان قار ولاردىڭ بۇل ويىنا كەدەرگى كەلتىردى. ءسويتىپ, ساياحاتشىلار ورتاق مامىلەگە كەلىپ, تاۋعا ءارى قاراي شىعۋدى توقتاتتى. ساياحاتشىلار توبىنىڭ جەتەكشىسى بولعان دميتري مۋراۆەۆ تۋرالى ايتساق, ونىڭ ەسىمى الپينيستەر اراسىندا كەڭىنەن تانىمال. ول 1995 جىلى الەمدەگى ەڭ بيىك نۇك­تە, تەڭىز دەڭگەيىنەن 8 848 مەتر جوعارى تۇرعان ەۆەرەست شىڭىن باعىندىرعان الپينيست. ال حان تاڭىرىنە ول بەس رەت شىققان. حان ءتاڭىرى شىڭىنىڭ تەڭىز دەڭگەيىنەن بيىكتىگى 7 010 مەتر.