تۇسىنىكتەمە

قازاقستان رەسپۋبليكاسى پرەزيدەنتىنىڭ 2011 جىلعى 21 شىلدەدەگى №118 جارلىعىمەن ەلدى اۋماقتىق-كەڭىستىكتە دامىتۋدىڭ 2020 جىلعا دەيىنگى بولجامدى سحەماسى (بۇدان ءارى – بولجامدى سحەما) قابىلداندى. بولجامدى سحەما مەملەكەتتىك جوسپارلاۋ جۇيەسىنىڭ قۇرام­داس قۇجاتتارىنىڭ ءبىرى جانە ەكونوميكا سالالارىن, ينفراقۇرى­لىمدى دامىتۋ مەن وڭىرلىك دامۋ ماسەلەلەرى كەشەندى تۇردە قارال­عان قازاقستان رەسپۋبليكاسى دامۋىنىڭ 2020 جىلعا دەيىنگى ستراتەگيالىق جوسپارىن ىسكە اسىرۋىنىڭ ەڭ ماڭىزدى قۇرالى بولىپ تابىلادى. بولجامدى سحەمانىڭ ماقساتى ەلىمىزدىڭ وڭىرلەرى مەن ەكونو­ميكا سالالارىنىڭ الەۋمەتتىك-ەكونوميكالىق الەۋەتىن ءتيىمدى پايدالانۋ جانە دامىتۋ نەگىزىندە حالىقتىڭ ءال-اۋقاتىنىڭ ءوسۋىن قامتاماسىز ەتەتىن جاعداي جاساۋ بولىپ تابىلادى. ايقىندالعان نەگىزگى مىندەتتەر: - وندىرىستىك جانە ەڭبەك رەسۋرستارىنىڭ «ءوسۋ نۇكتەلەرىندە», ەكونوميكالىق تۇرعىدان پەرسپەكتيۆالى جانە تىرشىلىككە قولايلى اۋدانداردا اۋماقتىق شوعىرلانۋىن ىنتالاندىرۋ; - ءىرى قالالاردا يننوۆاتسيالىق ەكونوميكانىڭ نەگىزىن قالاۋ ماقساتىندا ۋرباندالۋ مەن اگرومەراتسيالىق پروتسەستەردى ىنتا­لان­دىرۋ مەن رەتتەپ-دامىتۋ; - ەلىمىزدىڭ جانە ونىڭ ءاربىر ءوڭىرىنىڭ رەسۋرستىق الەۋەتىن, ولاردىڭ ارتىقشىلىقتارىن وڭتايلى پايدالانۋ; - ەلىمىزدىڭ ەۋرازيا قۇرلىعىنداعى توراپتىق جانە ترانزيتتىك ورنالاسۋىنىڭ ارتىقشىلىقتارىن ىسكە اسىرۋ جانە ەلىمىزدىڭ ىشكى بايلانىستىلىعىن كۇشەيتۋگە باعىتتالعان اۋماقتىق-كەڭىستىكتە دامىتۋدىڭ ارقاۋلى جۇيەسىن قۇرۋ; - وڭىرلەردىڭ رەسپۋبليكالىق, وڭىرلىك جانە حالىقارالىق ەڭبەك بولىنىسىندەگى باسەكەگە قابىلەتتى ەكونوميكالىق ماماندانۋىن قالىپتاستىرۋ; - تۇرعىنداردىڭ مەملەكەت كەپىلدىك بەرگەن الەۋمەتتىك قىزمەت­تەرگە, اسىرەسە اۋىلدىق جەرلەردە جانە شالعاي اۋدانداردا بىردەي قول جەتكىزۋىن قامتاماسىز ەتۋگە باعىتتالعان, حالىقتى جانە الەۋمەتتىك وبەكتىلەردى ورنالاستىرۋدىڭ وڭتايلى جۇيەسىن قالىپتاستىرۋ. - وندىرگىش كۇشتەردى ورنالاستىرۋ مەن حالىقتى قونىس­تاندىرۋدى ۇيىمداستىرا وتىرىپ ينجەنەرلىك (كولىكتىك, ەنەرگە­تيكالىق, سونداي-اق سۋمەن قامتاماسىز ەتەتىن) ينفراقۇرىلىم نىساندارىن پەرسپەكتيۆالى ورنالاستىرۋدى ءوزارا ۇشتاستىرۋ; - اۋىل شارۋاشىلىعىن, ورمان شارۋاشىلىعىن, تۇرعىن ايماق­تارىن ءبولۋدى ەسكەرە وتىرىپ, رەكرەاتسيالىق جانە يندۋس­تريالىق ايماقتاردى, ەرەكشە قورعالاتىن تابيعي اۋماقتاردى ۇيىمداستىرۋ مەن اۋماقتىق دامۋدىڭ فۋنكتسيونالدى ايماق­تارىنىڭ پەرسپەكتيۆالى قۇرامىن قالىپتاستىرۋ; - ەكونوميكانىڭ بارلىق سالالارىندا جانە وڭىرلىك دەڭگەيدە مەملەكەتتىك-جەكە مەنشىك سەرىكتەستىك تەتىگىن ەنگىزۋ; - تابيعاتتى ۇتىمدى پايدالانۋ جانە قورشاعان ورتاعا ەكو­لوگيالىق جۇكتەمەنى ازايتۋ ارقىلى اۋماقتاردىڭ ەكولو­گيالىق جاي-كۇيىن جانە حالىقتىڭ ەكولوگيالىق قاۋىپسىزدىگىن جاقسارتۋ; - شەكارا ماڭىنداعى اۋماقتاردى دامىتۋ جانە بىرىڭعاي ەكونوميكالىق كەڭىستىك پەن كەدەن وداعىنىڭ جۇمىس ىستەۋىن ەسكەرە وتىرىپ, ولاردىڭ ساۋدا-ەكونوميكالىق, كوشى-قون, وندىرىستىك, عىلىمي جانە مادەني بايلانىستارىن كۇشەيتۋگە جاعداي جاساۋ. بولجامدى سحەما 4 بولىمنەن تۇرادى. «ءى. اۋماقتاردىڭ ەكونوميكالىق الەۋەتىن تالداۋ جانە باعا­لاۋ» بولىمىندە وڭىرلەر الەۋمەتتىك-ەكونوميكالىق الەۋەتى بو­يىنشا جىكتەلگەن, ەلدەگى جانە وڭىرلەر بولىگىندەگى دەموگرا­فيالىق دامۋ مەن ۋرباندالۋ ۇردىستەرىن ەسكەرە وتىرىپ, دەمو­گرافيالىق جانە ەڭبەك الەۋەتىنە باعا بەرىلگەن, حالىقتىڭ الەۋمەتتىك جانە ينجەنەرلىك ينفراقۇرىلىممەن قامتاماسىز ەتىلۋى باعالانعان. «ءىى. اۋماقتىق-كەڭىستىكتە دامىتۋدىڭ نەگىزگى باعىتتارى» ءبولىمى ەلدىڭ اۋماقتىق-كەڭىستىكتە دامۋىنىڭ 2020 جىلعا دەيىنگى ماقساتتارىن, مىندەتتەرىن ايقىندايدى, وڭىرلەردى دامىتۋ ستسەناريلەرى ينەرتسيالىق جانە باسقارىلاتىن دەپ سيپاتتاعان. وڭىرلەردى دامىتۋدىڭ نەگىزگى ستراتەگيالىق باعىتتارى بەلگىلەنگەن: ەكونوميكالىق دامۋ, ونىڭ ىشىندە ونەركاسىپ بويىنشا, اگرو­ونەركاسىپ كەشەنىنىڭ الەۋەتىن قالپىنا كەلتىرۋ جانە دامىتۋ, قازىرگى بار وندىرىستىك الەۋەتتى قولداۋ, وڭىرلەردىڭ قاجەتىن ەسكەرە وتىرىپ جاڭا وندىرىستەر قۇرۋ; تۋريستىك-رەكرەاتسيالىق الەۋەتتى, كولىكتىك-لوگيستيكالىق قىز­مەت­تى جانە باسقالاردى دامىتۋ; الەۋمەتتىك ساياسات بويىنشا, ونىڭ ىشىندە ەڭبەك نارىعىن دامىتۋ, كەدەيلىكتى ازايتۋ, حالىقتىڭ جۇمىسباستىلىعىن قام­تا­ماسىز ەتۋ جانە كادر تاپشىلىعىن جويۋ, الەۋمەتتىك ينفرا­قۇرى­لىمدى دامىتۋ جانە الەۋمەتتىك قىزمەتتەر ساپاسىن جاقسارتۋ. قۇجاتتىڭ اياسىندا اۋماقتاردىڭ ەكولوگيالىق جاي-كۇيىن جاقسارتۋعا باسا نازار اۋدارىلعان. اتموسفەراعا زياندى زات­تاردى شىعارۋدى ازايتۋ, ونەركاسىپتىك جانە تۇرمىستىق قالدىق­تاردى وڭدەۋ-جاراتۋدى جەتىلدىرۋ ماسەلەلەرى قاراستىرىلعان. «ءىىى. قازاقستان رەسپۋبليكاسىنىڭ ەكونوميكا سەكتورلارىن دامىتۋدىڭ بولجامدى سحەماسى» ءبولىمى يندۋستريالىق سەكتور­دىڭ, اگروونەركاسىپ كەشەنىنىڭ, ينجەنەرلىك-كولىكتىك ينفراقۇرى­لىمنىڭ پەرسپەكتيۆالى دامۋ سحەماسىن ايقىندايدى. «IV. الداعى ونجىلدىق كەزەڭىندە ەلدى اۋماقتىق-كەڭىستىكتە دامىتۋدىڭ بولجامدى سحەماسىن ىسكە اسىرۋ مونيتورينگىنىڭ ينديكاتورلارى» بولىمىندە الداعى ونجىلدىق كەزەڭىندە وڭىرلەردى دامىتۋدىڭ نەگىزگى كورسەتكىشتەرى مەن ەكونوميكا سالالارىن دامىتۋدىڭ بولجامدى پارامەترلەرى تۇرعىسىنان مونيتورينگ جۇرگىزۋ ءۇشىن ينديكاتورلار كوزدەلگەن. قازاقستان رەسپۋبليكاسى پرەزيدەنتى اكىمشىلىگىنىڭ  ستراتەگيالىق ازىرلەمەلەر جانە تالداۋ ورتالىعى.