قازاقستان رەسپۋبليكاسى ۇكىمەتىنىڭ قاۋلىسى №441

2011 جىلعى 25 ءساۋىر ,   استانا, ۇكىمەت ءۇيى اۆياتسيالىق وقۋ ورتالىقتارىنا قويىلاتىن سەرتيفيكاتتاۋ تالاپتارىن بەكىتۋ تۋرالى «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 13-بابىنىڭ 48) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان اۆياتسيالىق وقۋ ورتالىقتارىنا قويىلاتىن سەرتيفيكاتتاۋ تالاپتارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى  ك.ءماسىموۆ.   قازاقستان رەسپۋبليكاسى ۇكىمەتىنىڭ 2011 جىلعى 25 ساۋىردەگى №441 قاۋلىسىمەن بەكىتىلگەن اۆياتسيالىق وقۋ ورتالىقتارىنا قويىلاتىن سەرتيفيكاتتاۋ تالاپتارى 1. جالپى ەرەجەلەر 1. وسى اۆياتسيالىق وقۋ ورتالىقتارىنا قويىلاتىن سەرتيفيكاتتاۋ تالاپتارى (بۇدان ءارى – سەرتيفيكاتتاۋ تالاپتارى) «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنا سايكەس ازىرلەنگەن جانە اۆياتسيالىق وقۋ ورتالىقتارىنا قويىلاتىن سەرتيفيكاتتاۋ تالاپتارىن بەلگىلەيدى. 2. سەرتيفيكاتتاۋ تالاپتارى قازاقستان رەسپۋبليكاسىنىڭ اۋماعىندا تىركەلگەن, اۆياتسيا پەرسونالىن باستاپقى دايارلاۋ, قايتا دايارلاۋ جانە ولاردىڭ كاسىپتىك دەڭگەيىن ۇستاۋ بويىنشا قىزمەتتى جۇزەگە اسىراتىن زاڭدى تۇلعالارعا قولدانىلادى. 3. وسى سەرتيفيكاتتاۋ تالاپتارىندا مىناداي تەرميندەر مەن انىقتامالار پايدالانىلادى: اۆياتسيالىق وقۋ ورتالىعى – اۆياتسيا پەرسونالىن دايارلاۋدى, قايتا دايارلاۋدى جانە ولاردىڭ كاسىپتىك دەڭگەيىن ۇستاۋدى جۇزەگە اسىراتىن زاڭدى تۇلعا; كاسىپتىك دەڭگەيدى ۇستاۋ – ماقساتى كاسىبي جانە ادىستەمەلىك شەبەرلىكتى جەتىلدىرۋگە باعىتتالعان ءبىلىمى مەن شەبەرلىگىن جاڭارتۋ جانە تەرەڭدەتۋ بولىپ تابىلاتىن اۆياتسيا پەرسونالىن وقىتۋ پروتسەسى; كاسىپتىك دايارلىق – اۆياتسيا پەرسونالىن باستاپقى دايارلاۋ, قايتا دايارلاۋ نەمەسە بىلىكتىلىگىن ارتتىرۋ; باستاپقى دايارلاۋ جانە قايتا دايارلاۋ – ماقساتى جاڭا اۆياتسيالىق كاسىپتى, ماماندىقتى جانە اۆياتسيالىق تەحنيكانى يگەرۋ بولىپ تابىلاتىن اۆياتسيا پەرسونالىن وقىتۋ پروتسەسى; سەرتيفيكاتتاۋ تالاپتارى – اۆياتسيا پەرسونالىن ۇيىمداستىرۋ, ۇستاۋ, دايارلاۋ دەڭگەيى مەن ساپاسىنا سايكەستىگىن بەلگىلەۋ ماقسا­تىن­دا ۇسىنىلاتىن اۆياتسيالىق وقۋ ورتالىقتارىنا قويىلاتىن تالاپتار; تەوريالىق دايارلىق – ءبىلىم الۋشى ءوتۋ كەزىندە ارنايى تەو­ريالىق ءبىلىمدى يگەرەتىن, سونداي-اق ولاردى بەكىتىلگەن وقۋ باعدارلامالارىنا سايكەس ۇستايتىن جانە جەتىلدىرەتىن اۆياتسيا پەرسونالىن كاسىپتىك دايارلاۋ پروتسەسىنىڭ كەزەڭى; ترەناجەرلىق دايارلىق – ءبىلىم الۋشى ءوتۋ كەزىندە جاتتىعۋ قوندىرعىلارىنىڭ (اۆياتسيالىق ترەناجەرلەرىنىڭ) ءار ءتۇرىنىڭ كومەگىمەن پراكتيكالىق شەبەرلىگى مەن داعدىلارىن يگەرەتىن, ۇستايتىن جانە جەتىلدىرەتىن اۆياتسيا پەرسونالىن كاسىبي دايارلاۋ پروتسەسىنىڭ كەزەڭى; ۇشۋعا دايارلىق – ءبىلىم الۋشى ءوتۋ كەزىندە ناقتى جاعدايلاردا ۇشۋدى ورىنداۋدىڭ پراكتيكالىق شەبەرلىگى مەن داعدىلارىن يگەرەتىن جانە ۇستايتىن ۇشۋ قۇرامىن كاسىبي دايارلاۋ پروتسەسىنىڭ كەزەڭى. 2. اۆياتسيالىق وقۋ ورتالىقتارىنا قويىلاتىن سەرتيفيكاتتاۋ تالاپتارى 2.1. ماتەريالدىق-م ۇلىكتىك بازاعا قويىلاتىن تالاپتار 4. اۆياتسيا پەرسونالىن باستاپقى دايارلاۋ, قايتا دايارلاۋ جانە ولاردىڭ كاسىپتىك دەڭگەيىن ۇستاۋ بويىنشا قىزمەتتى جۇزەگە اسىرۋ ءۇشىن اۆياتسيالىق وقۋ ورتالىعىندا مىنالار بولۋى قاجەت: 1) وقۋ باعدارلامالارىن ىسكە اسىرۋ ءۇشىن قاجەتتى كورنەكى قۇرالدارمەن, ترەناجەرلەرمەن, باسقا اپپاراتتىق-باعدارلاما­لار­مەن, سونداي-اق ادىستەمەلىك قۇجاتتاماسىمەن جانە دىبىستىق-بەينە قۇرالدارىنىڭ جيىنتىعىمەن جابدىقتالعان وقۋ اۋديتوريالارى; 2) ۇشۋعا دايارلىقتى جۇزەگە اسىرۋ ماقساتىندا اۋە كەمەلەرى مەن اۋەايلاقتى (مەنشىكتى, نە جالعا الىنعان) پايدالانۋ مۇمكىندىگى; 3) قاجەتتى ادەبيەتتەر قورىمەن, وقىتۋ ماتەريالدارىمەن جاب­دىق­تالعان كىتاپحانا نە مازمۇنى تىڭداۋشىلاردىڭ جالپى پايدا­لانۋى ءۇشىن ءتيىستى جابدىقتارى بار وقىتۋ باعدارلامالارىنىڭ ىسكە اسىرىلۋىن تولىق قاناعاتتاندىراتىن ەلەكتروندىق كىتاپحانا ءجۇ­يە­سى بولۋى; 4) جەكە جانە جالپى پايدالاناتىن دىبىستىق-بەينە قۇرالدا­رىن, ترەناجەرلەردى, ماكەتتەردى, اگرەگاتتار اينىتپاي كورسە­تە­تىن­دەردى, قوندىرعى توراپتارى مەن جەلىلەرىن قامتيتىن وقىتۋدىڭ تەحنيكالىق قۇرالدارى; 5) مىنالارعا: - پەداگوگ قىزمەتكەرلەرگە, - نۇسقاۋشىلار قۇرامىنا, - قىزمەت كورسەتۋشى پەرسونالعا ارنالعان كەڭەسەتىن ءۇي-جايلاردىڭ قاجەتتى سانى; 6) تۇرمىستىق ءۇي-جايلار. 2.2. تەوريالىق دايارلىقتى ۇيىمداستىرۋعا قويىلاتىن تالاپتار 5. تەوريالىق دايارلىق ساباقتاردى ءتيىمدى وتكىزۋدى قامتاماسىز ەتەتىن ادىستەرمەن جانە جازىلاتىن ماتەريالدى دايىنداۋدىڭ وسى ءتۇرىنىڭ جانە كورنەكىلىگىنىڭ مازمۇنىن تولىق كولەمدە ۇسىنا وتىرىپ جۇرگىزىلەدى. وقىتۋ پروتسەسىن جوسپارلاۋ ءۇشىن باستاپقى دەرەكتەر مىنالار بولىپ تابىلادى: 1) بەكىتىلگەن وقۋ جوسپارلارى مەن باعدارلامالارى; 2) وقۋ سىنىپتارىنىڭ جابدىقتارىن ەسكەرە وتىرىپ, ولاردىڭ وتكىزۋ قابىلەتتىگى; 3) وقۋ جوسپارلارىنىڭ ءپانى بويىنشا وقۋ جۇكتەمەسىن ەسەپتەۋ; 4) اۆياتسيالىق وقۋ ورتالىعىنىڭ جۇمىس رەجيمى; 5) وتىنىمدەر, شارتتار نە كاسىبي دايارلىق بولىگىندەگى باسقا ىنتىماقتاستىق نىساندارى; 6) اۆياتسيالىق وقۋ ورتالىعى ۇيىمداستىراتىن قوسىمشا ءىس-شارالار (سەمينارلار, سيمپوزيۋمدار, كونفەرەنتسيالار, ترەنينگتەر جانە ت.ب.). 6. وقۋ پروتسەسىن جوسپارلاۋ مىنالاردى قامتيدى: 1) وقۋ كۋرستارىنىڭ ءبىر جىلعا ارنالعان جوسپار-كەستەسىن جاساۋ; 2) كۋرس قۇرامىنداعى پاندەردى زەردەلەۋدىڭ دايەكتىلىگىن انىقتاۋ; 3) وقىتۋشىلاردىڭ/نۇسقاۋشىلاردىڭ وقۋ جۇكتەمەلەرىن ءبىر جىلعا ءبولۋ; 4) تەوريالىق جانە پراكتيكالىق ساباقتاردى وتكىزۋ مەرزىمدەرىن ءبولۋ; 5) وقۋ ساباقتارىنىڭ, سىناقتاردىڭ جانە ەمتيحانداردىڭ كەستەسىن جاساۋ. 7. اۆياتسيالىق وقۋ ورتالىقتارىندا مىناداي قۇجاتتار بولادى: 1) پەرسونالدى دايارلاۋ جانە راسىمدەر بويىنشا نۇسقاۋلىق; 2) وقىتۋشى جانە نۇسقاۋشىلار قۇرامىنىڭ جەكە ىستەرى; 3) وقىتۋ كۋرستارىنىڭ ءبىر جىلعا ارنالعان جوسپار-كەستەسى; 4) ماماندىقتار مەن دايارلىق تۇرلەرى بويىنشا وقۋ جوسپارلارى مەن باعدارلامالارى; 5) پايدالانۋ بويىنشا قۇرالدار مەن نۇسقاۋلىقتارعا سايكەس نورماتيۆتىك قۇقىقتىق قۇجاتتامانىڭ دانالارى; 6) باقىلاۋ سۇراقتارى, تەستىلەر, ەمتيحان بيلەتتەرى; 7) وقىتۋشىلاردىڭ بىلىكتىلىگىن ارتتىرۋ جوسپارى; 8) وقۋ ساباقتارىنىڭ جۋرنالدارى; 9) باقىلاۋ ساباقتارىنا قاتىسۋ جانە اشىق ساباقتار جۋرنالى; 10) وقۋدى اياقتاۋ تۋرالى كۋالىك (سەرتيفيكاتتار) بەرۋدى تىركەۋ جۋرنالى. 8. ءپاندى وقىپ اياقتاعاننان كەيىن ەمتيحانداردى (سىناقتاردى) وقۋ ساباقتارىن جۇرگىزگەن وقىتۋشىلار جۇرگىزەدى. باستاپقى دايارلىق كۋرستارىنداعى ءبىتىرۋ ەمتيحاندارىن اۆياتسيالىق وقۋ ورتالىعىنىڭ باسشىسى تاعايىندايتىن كوميسسيا جۇرگىزەدى. 2.3 ترەناجەرلىق دايارلىقتى ۇيىمداستىرۋعا قويىلاتىن تالاپتار 9. ترەناجەرلىق دايارلىق سەرتيفيكاتتارى بار نەمەسە جارامدىق نورمالارىنا سايكەستىگىن كۋالاندىراتىن وزگە دە قۇجاتتارى بار ترەناجەرلەر مەن جابدىقتاردا جۇرگىزىلەدى. 10. ترەناجەرلىق دايارلىق ازاماتتىق اۆياتسيا سالاسىنداعى ۋاكiلەتتi ورگان مەن مەملەكەتتىك اۆياتسيا سالاسىنداعى ۋاكىلەتتى ورگاننىڭ بىرلەسكەن بۇيرىعىمەن ايقىندالاتىن جەردەگى, ينجەنەرلىك-تەحنيكالىق قۇرامىن قوسپاعاندا, بارلىق اۆياتسيا پەرسونالىن كاسىپتىك دايارلاۋدىڭ مىندەتتى نىسانى بولىپ تابىلادى جانە دايارلاۋدىڭ باسقا تۇرىمەن الماستىرىلمايدى. 11. ترەناجەر ۇلگىسى بەكىتىلگەن كۋرس باعدارلاماسىنا سايكەس كاسىپتىك دايارلىق تۇرىمەن ايقىندالادى. 12. ترەناجەرلىق دايارلىقتى وتكىزۋ ءۇشىن اۆياتسيالىق وقۋ ورتالىعىندا ءتيىستى اۆياتسيالىق پەرسونال ءۇشىن بەكىتىلگەن ترەناجەرلىق دايارلاۋ باعدارلامالارى, قاجەتتى نۇسقاۋشى, ينجەنەرلىك تەحنيكالىق جانە كومەكشى قۇرامى بولادى. 2.4 ۇشۋعا دايارلىقتى ۇيىمداستىرۋعا قويىلاتىن تالاپتار 13. ۇشۋعا دايارلىقتى ۇيىمداستىرۋعا قويىلاتىن تالاپتار مىنالاردى قامتيدى: 1) ۇشۋعا دايارلىق قاجەتتى نۇسقاۋشى قۇرامدى جانە پايدالانۋشىنىڭ اۋە كەمەلەرىن تارتا وتىرىپ جۇزەگە اسىرىلادى; 2) اۋە كەمەسىنىڭ باسقا (جاڭا) ۇلگىسىندە قايتا دايارلاۋ باعدارلا­ماسى بويىنشا باستاپقى ۇشۋعا دايارلىقتى قازاقستان رەسپۋب­ليكاسىنىڭ ازاماتتىق اۆياتسيا سالاسىنداعى ۋاكىلەتتى ورگانى (بۇدان ءارى – ۋاكىلەتتى ورگان) بەكىتكەن, بەلگىلەنگەن تالاپتارعا ساي كەلەتىن نۇسقاۋشى قۇرام جۇزەگە اسىرادى; 3) وقۋ ۇشۋى اۋە كەمەلەرىنىڭ بورتىندا جولاۋشىلارسىز جانە جۇكتەرسىز ورىندالادى; 4) اۋە كەمەلەرىنىڭ ۇلگىلەرى بويىنشا ءبىلىم الۋشىلار ءۇشىن ۇشۋعا دايارلىقتىڭ بەكىتىلگەن وقۋ باعدارلامالارىنىڭ بولۋى; 5) اۋە كەمەلەرىنىڭ ۇلگىلەرى بويىنشا قاجەتتى ۇشۋ-نۇسقاۋشى جانە ينجەنەرلىك-تەحنيكالىق قۇرامنىڭ بولۋى; 6) ءبىلىم الۋشى پەرسونالدى باستاپقى دايارلاۋ كۋرستارىندا جانە بىلىكتىلىگىن ارتتىرۋ كۋرستارىندا وقىتۋ ءۇشىن وقۋ-جاتتىعۋ ۇشۋىن جۇرگىزۋ بويىنشا نۇسقاۋلىقتىڭ بولۋى; 7) ۇشۋ-نۇسقاۋشى قۇرامدى دايارلاۋ دەڭگەيىنىڭ ۇشۋ قۇرامىن دايارلاۋ قاعيدالارىنىڭ تالاپتارىنا سايكەستىگى. 2.5 اۆياتسيالىق وقۋ ورتالىعى پايدالاناتىن ازاماتتىق اۆياتسيا اۋەايلاقتارىنا (تىكۇشاق ايلاقتارىنا) قويىلاتىن تالاپتار 14. اۆياتسيالىق وقۋ ورتالىقتارى پايدالاناتىن اۋەايلاقتار (تىكۇشاق ايلاقتارى) قازاقستان رەسپۋبليكاسىنىڭ ۇكىمەتى بەكىتەتىن ازاماتتىق اۆياتسيانىڭ اۋەايلاقتارىن (تىكۇشاق ايلاقتارىن) پاي­دالانۋعا قويىلاتىن جارامدىلىق نورمالارىنا سايكەس كەلۋى ءتيىس. 2.6 وقۋ جوسپارلارى مەن باعدارلامالارىنا قويىلاتىن تالاپتار 15. اۆياتسيالىق وقۋ ورتالىعى اۆياتسيا پەرسونالىن دايارلاۋ جانە ساپا ستاندارتى بولىگىندە مازمۇنى حالىقارالىق ازاماتتىق اۆياتسيا ۇيىمىنىڭ (يكاو) تالاپتارىنا سايكەس كەلەتىن پەر­سونالدى دايارلاۋ جانە راسىمدەر بويىنشا نۇسقاۋلىقتى بەكىتەدى. 16. اۆياتسيا پەرسونالىن دايارلاۋ باعدارلامالارىن (كۋرستارىن) اۆياتسيالىق وقۋ ورتالىعى دايارلاۋدىڭ ناقتى تۇرلەرىنە جانە اۆياتسيالىق وقۋ ورتالىعى قىزمەتىنىڭ ەرەكشەلىكتەرىنە قاراي ۋاكىلەتتى ورگانمەن كەلىسىم بويىنشا جانە ۋاكىلەتتى ورگان بەكىتەتىن اۆياتسيا پەرسونالىن دايارلاۋ جانە قايتا دايارلاۋ باعدارلاماسىنا سايكەس ازىرلەيدى. 17. اۆياتسيالىق وقۋ ورتالىعىندا مىنالار بولادى: 1) كۋرستاردى ۇيىمداستىرۋ جانە تىڭداۋشىلاردى قابىلداۋ ءتارتىبى تۋرالى ەرەجە; 2) وتكىزىلەتىن ءاربىر وقۋ كۋرسى بويىنشا وقۋ جوسپارى; 3) كۋرستىڭ وقۋ جوسپارىنا سايكەس وقۋ باعدارلامالارى; 4) وقۋ پروتسەسىن ۇيىمداستىرۋ تۋرالى ەرەجە; 5) ەگەر وقىتۋ باعدارلاماسىندا ۇيعارىلسا, تاعىلىمداما جانە پراكتيكا بويىنشا وقۋ جوسپارلارى مەن باعدارلامالارى; 6) وقۋ كۋرستارىنىڭ جىلدىق جوسپار-كەستەسى; 7) وقۋ جانە سەمينار ساباقتارىنىڭ, ترەناجەرلىق جانە ۇشۋعا دايارلىق كەستەسى; 8) پاندەر بويىنشا كەز كەلگەن نىسانداعى ادىستەمەلىك ماتەريالدار; 9) دارىستەر, سەمينار جانە پراكتيكالىق ساباقتار, كونسۋلتاتسيالار وتكىزۋ بويىنشا وقۋ قۇرالدارى; 10) وقۋ ادەبيەتىنىڭ كىتاپ قورى جانە ولاردىڭ وقۋ باعدارلامالارى مەن ماماندىقتارعا سايكەستىگى. 18. وقۋ جوسپارى مىنالاردى قامتيدى: 1) وقۋ مەرزىمدەرى بويىنشا كۇندەردى ەسەپتەۋ; 2) پاندەر بويىنشا وقۋ ۋاقىتىن ءبولۋ. وقۋ باعدارلاماسى مىنانى قامتيدى: 1) تاقىرىپتىق جوسپار; 2) باعدارلاما تاقىرىپتارىنىڭ مازمۇنى; 3) وقىتۋدىڭ ۇسىنىلاتىن (قاجەتتى) تەحنيكالىق قۇرالدارى جانە كورنەكى قۇرالدار; 4) ۇسىنىلاتىن (قاجەتتى) ادەبيەتتەر جانە وقۋ قۇرالدارى. 19. ۇشۋ جانە ديسپەتچەرلىك پەرسونالدى دايارلاۋدىڭ وقۋ باعدارلاماسى قاجەت جاعدايدا ءۇش بولىككە بولىنەدى: 1) تەوريالىق دايارلىق; 2) ترەناجەرلىق دايارلىق; 3) ۇشۋعا دايارلىق. 2.7 ساپانى قامتاماسىز ەتۋ جۇيەسىنە قويىلاتىن تالاپتار 20. اۆياتسيالىق وقۋ ورتالىعىنىڭ ساپاسىن قامتاماسىز ەتۋ جۇيەسىندە مىناداي ەلەمەنتتەر ايقىندالادى: 1) اۆياتسيا پەرسونالىن دايارلاۋ سالاسىنداعى ساياسات; 2) ۇشۋعا دايارلىق جانە ونىڭ قاۋىپسىزدىك ستاندارتتارى; 3) جاۋاپكەرشىلىكتى ءبولۋ; 4) رەسۋرستار, ۇيىمداستىرۋ جانە جۇمىس پروتسەستەرى; 5) اۆياتسيا پەرسونالىن دايارلاۋدىڭ ۇشۋ ساياساتى مەن قاۋىپسىزدىك ستاندارتتارىنا سايكەستىگىن قامتاماسىز ەتۋ جۇيەسى; 6) ساياسات پەن ستاندارتتاردان اۋىتقۋدى ايقىنداۋ جانە تۇزەتۋشى شارالاردى قابىلداۋ جۇيەسى; 7) اۆياتسيا پەرسونالىن دايارلاۋ ساپاسىن ۇنەمى ارتتىرۋ ماقساتىندا جۇيەدە ناتيجەلەردى پايدالانۋ ءۇشىن ۇشۋ ساياساتىنا, وقىتۋعا جانە قاۋىپسىزدىك ستاندارتتارىنا قاتىستى تاجىريبە مەن ۇردىستەردى باعالاۋ جانە تالداۋ. 2.8 كادرلىق قامتاماسىز ەتۋگە قويىلاتىن تالاپتار 21. اۆياتسيالىق وقۋ ورتالىعى ءوز ەركىمەن قۇرىلىمدى, جاۋاپتى باسشىنى جانە شتاتتىق وقىتۋشىلار جانە/نەمەسە نۇسقاۋشى قۇرامىن, ينجەنەرلىك-تەحنيكالىق قۇرامدى دەربەس ايقىندايدى. 2.9 ەسەپكە الۋ قۇجاتتاماسىن جۇرگىزۋگە قويىلاتىن تالاپتار 22. اۆياتسيالىق وقۋ ورتالىعىنىڭ قۇجاتتاماسىن ەسەپكە الۋ جۇيەسىندە مىنالار كوزدەلەدى: 1) اۆياتسيالىق وقۋ ورتالىعىندا ساقتالاتىن ەسەپكە الۋ قۇجاتتارىندا ءاربىر ستۋدەنتتىڭ (تىڭداۋشىنىڭ) وقۋ تاريحىن قۇجاتتامالىق راستاۋعا جانە قالپىنا كەلتىرۋگە مۇمكىندىك بەرەتىن ءاربىر وقۋ ءىس-شارالارىنىڭ جازباسى جۇرگىزىلەدى; 2) وقۋ قۇجاتتارىنىڭ تۇتاستىعىن, ولاردى زاڭسىز الۋ نەمەسە اۋىستىرۋ مۇمكىندىكتەرىنە جول بەرمەي قامتاماسىز ەتۋ, سونداي-اق كۇتپەگەن جاعدايدا ونىڭ ۇزدىكسىزدىگىن قامتاماسىز ەتۋ ماقساتىندا رەزەرۆتىك جۇيەنىڭ بولۋى. 23. اۆياتسيالىق وقۋ ورتالىعى قازاقستان رەسپۋبليكاسى زاڭ­ناما­سىنىڭ تالاپتارىنا سايكەس ەسەپكە الۋ قۇجاتتاماسىن مۇرا­عاتقا تاپسىرۋ جۇيەسىن ازىرلەيدى.